د. كيف
16-07-2022 - 12:31 pm
السلام عليكم ورحمة الله وبركاته
أحب أشكر جميع القائمين على هذا المنتدى الرائع الذي يوفر معلومات ممتازة لكل من يريد السفر
و الإجابة على استفسارات الأعضاء و إعطائهم النصيحة في كل الأمور المتعلقة بالسفر ..
لا أريد أن أطيل عليكم لأني مهما قلت لن أوفيكم حقكم .
في الحقيقة عندي استفسار بسيط عن استخراج التأشيرة حيث أنني أنوي السفر إنشاء الله للنمسا في أواخر شهر يوليو وأول اغسطس ولا أدري في أي الطرق أستخرج التأشيرة ؟؟
هل أستخرجها عن طريق الذهاب إلى السفارة بنفسي رغم أني عندي حجوزات الفنادق وتذاكر الطيران ومعاي تعريف من العمل ومعاي كشف حساب بس ينقصني التأمين و التأمين أستخراجه سهل .
أو الطريقة الثانية أعطيها مكتب وهو يخلصها لاكن خايف أنه تكون المكاتب فيها نصب .
أتمنى الرد على تسألي وأكون شاكر
تحياتي د. كيف ..
اخوي والله انا انصحك تروح للسفارة وتخلصها بنفسك كما فعلت انا والموضوع سهل جدآ بس بشرط تكون اوراقك كاملة وبخصوص تكملة الاوراق والشروط والطلبات انا انصحك تروح لمكتب الفيفا وتقوله يرتب اوراقك وتأمن عن طريقة وراح ياخذ عليك مبلغ التأمين مع مبلغ 20 او 30 ريال حق تصوير الاوراق وترتيبها بعد ماتكتمل اوراقك وتتاكد منها روح انت للسفارة بس لازم تروح الصباح يعني الساعة 8 او 8 ونص تكون عندهم وتسجل اسمك عند البوابة وبعدها راح يدخلونك يعني على الساعة 9 تدخل وتسلم لهم اوراقك ويواعدونك بعد 15 يوم وبعد مايخلص جوازك يتصلون عليك اخوي لازم تحط بالاعتبار انهم بعد الساعة 11 صباحآ مايستقبلون
واهم شي بخصوص حجز الفندق لازم يكون معك فاكس مرسل من الفندق الي انت حاجز فيه يبين فيه التواريخ (فاكس وليس ايميل) ولاتنسى مبلغ التأشيرة يوكن كاش معك لان مافيه اي تطريقة دفع اخرى
اخوي اتمنى اني افدتك وذلك بحكم تجربتي شخصيأ قبل ايام قليلة
اتمنى لك سفرة سعيدة