وجهات السفر
19-03-2022 - 08:17 pm
السلام عليكم ..
انا عضو جديد .. اول مره اشارك معاكم
و جزاكم الله خير استفدت منكم كثير ..
بس عندي كم استفسار ..
انا مسافر ان شاء الله على بدايه شهر سبتمبر لباريس و سويسرا .. انا و زوجتي ..
لمده 14 يوم .. 4 ايام في باريس و 10 في سويسرا
محتار في شغله اللي هي اسئجار السياره .. انا فكرت استأجر سياره من يورب كار استلمها لمن اوصل في باريس
و اسلمها في سويسر لان المغادره من سويسرا
اش رأيكم ؟! لاني بصراحه خايف من اسعار التاكسي والميترو اخاف يضيع الوقت في ميترو وانا ابغى اروح اماكن كثيره براحتي وما ارتبط بشي معين ..زي الشانز- قصر فرساي-ديزني لاند- متحف الشمع- اللوفر- ايفل- السين وغيرها
وفي سويسرا بعد حاط شغلات كثيره في برنامجي بين ديفون- انترلاكن-و لوقانو
سؤالي لو استلمتها من باريس وسلمتها سويسرا علي ضريبه؟ وكم سعرها ؟
وآخر نقطه اذا عندكم خبره كيف الجو في بدايه سبتمبر كيف يكون بالعادة..
طولت هرج.. بس ماعندي خبره في السفر .. و مشكورين ..*
تبي نصيحتي باريس ماتنفع لها سياره وبالعكس يمكن تضيع اكثر من المترو
اللي تبي لها سياره هي سويسرا واقتراحي دامك بتروح ديفون انك تروح من باريس لجنيف بالقطار وتستاجر سياره من يورب كار اللي مقابل محطة القطار وتروح ديفون وانترلاكن بالسياره
طبعا لو تستاجر من باريس وتسلم في سويسرا فيه ضريبه ماتقل عن الف ريال وفي طريقه قريت بعض الاعضاء يسوونها وهي تسليم السياره في القسم الفرنسي في مطار جنيف
والقرار لك في الاول والاخير