أفضل وسيلة هي الطيران
واحجز على الطيران الأوروبي الاقتصادي لأنه ارخص بكثير من القطار
القطار ممتع وسهل ولكن المسافات كبيرة جدا بين باريس وبرشلونه ومدريد
لذا اختصر المسافة والتعب بالطيران
بالنسبة للفنادق ابدأ من الحين وخذ فكرة وقارن بين الأسعار بتلاقي اسعار افضل لو حجزت مبكر
بالنسبة للتكاليف ما اقدر افيدك بخصوص اسبانيا ولكن حسب قراءتي هنا انها ارخص من باريس
معدل صرف الفرد في باريس لليوم الواحد انا اخليه 500 ريال ممكن تنقص لكن احب اكون دايما حطيت سعر يغطي كل شي بدون ما انقص على نفسي شي
التنقل داخل المدن عليك بالمترو اسرع واوفر زحمة باريس مزعجة جدا والتاكسي غالي وياخذ وقت كثير على ما يوصل للمكان اللي تبغاه من الزحمة

1. مسافر اسبانيا وباريس بالصيف شهر يوليو بدايتة


2. وكم تكلفني فنادق ومعيشة وافضل

السلام عليكم ورحمة الله وبركاتة
وعليكم السلام ورحمة الله وبركاته

مسافر اسبانيا وباريس بالصيف شهر يوليو بدايتة

لمدة اسبوعين باسبانيا واسبوع في باريس وببدا بباريس لقيت عرض في السعودية على التذاكر انا وزوجتي وبنتي ب7500 وش رايكم بالعرض
ياطويل العمر اسبوع في باريس ممتاز جدا واهم المناطق هناك طبعا شارع الشانز وتلاقي حوله متحف اللوفر واشهر الاماكن السياحيه وبرج ايفل مو بعيد ولاتنسى تمر قصر فرساي ومدينه الديزني وبالنسبه للتذاكر ماادري اذا رايح جاي لاتتردد سعرها مره روعه
اما برشلونه ترى كثير عليها اسبوعين يعني اذا مره اسبوع بالكثير
وياليت تساعدوني ببرنامج فية الاماكن السياحية والتنقل من باريس لبرشلونة افضل وسيلة القطار ولا الطيارة والفنادق افضل احجزها الان ولا انتظر الى الاجازة واذا ترشحون لي فنادق معينة

وكم تكلفني فنادق ومعيشة وافضل

اذا بتسمع كلامي بتعبك ههه لاني احب السفر بالسياره لكن ماادري عنك اذا تحب تسافر بالسيارة لا تفوت الفرصه وخذها رحله من باريس لبرشلونه كل يومين بديره وبعطيك اسماء المدن والاماكن اللي تستاهل من باريس الى برشلونه واذا انك ماتحب السياره فالقطار تجربه ممتعه جدا ومريح وسريع الطيران افضل وسيله للكسالى وصحيح الرحلات رخيصه وسريعه بس مافيها متعه الفنادق خلها قبل سفرك بفتره بسيطه يعني عشره ايام الى اسبوع ماتدري عن الظروف وعليك بموقع البوكنق ممتاز جدا وانصحك بالشقق المفروشه احسن من الفنادق واريح باريس فنادقها غاليه بس حلوه يعني يمكن يكلفك الفندق حدود 100 يورو وتلاقي ب50 فندق جيديعني نجمتين ترى يعادل عندنا خمس نجوم اما برشلونه فنادقها اقل مستوى من باريس يعني لاتاخذ اقل من 3 نجوم باريس المعيشه غاليه ممكن تكلفك اليوم من 1000 الى 1500 اكل وتمشيات من غير تسوق اما برشلونه ارخص بشوي
أستاجر سيارة ولا على القطارات والتكاسي
اذا تبي نصيحتي استاجر سياره ولاتنسى تحجز معها كرسي للطفل ماتكلفك 40 يورو لليوم التكسي غالي والمترو مرمطه وضياع خاصه اذا ماتدل صحيح بتتعب في المواقف بس بتريح بالك
اعذروني على كثر الاسئلة
حياك الله واي استفسار انا جاهز

اخ Black Tulip شكرا لك بس لو احجز الفنادق افضل الان ولا على الاجازة تفرق في الاسعر ولا مافي فرق

القيصرمناحي شكرا لك انا رحلتي بتبدأ بباريس لمدة اسبوع وودي اروح لدزني وبعدين برشلونة وبقية اسبانيا خلال اسبوعين يعن الاندلس ومريد واذا ترشحلي منطقة تكون في الصيف جوها حلو وبالنسبة للسيارة ودي فيها بس افضل اخذها بباريس واسلمها في مدريد يعني كامل الرحلة ولا في اماكن معينة وياليت لو تساعدني ببرنامج من باريس الى مدريد كيف توزيع الايام
وبالنسبة للفنادق اذا عندك فكرة وكم يكلفني فتادق ومعيشة 3 اسابيع
والله تعبتك معااي
شكرا لك
وان شاء الله البقية ماتقصر بعد

ابو نواف 999
1- ما فيه أحلى في الصيف من شمال أسبانيا ( بلباو وسان سباستيان وسانت أندير ) خصوصا وأنت معك سيارة ممكن تشوف عنها في تقريري اللي بالتوقيع وأفضل طريق هو باريس سان سباستيان طوله في حدود 800 كلم وهو يمر بعدد كبير من القرى والمدن الصغيرة الفرنسية وممكن تقضي فيها ليلة استراحة في نصف الطريق ( يعني تأخذ الطريق على يومين
وبعدها ممكن تروح لبرشلونة وطول الطريق 570 كلم وبعدها لمدريد عن طريق سرقسطة
وكذلك ممكن تروح لمدريد مباشرة من سان سباستيان وتلغي برشلونة
ولو بغيت خيارات أكثر للمدن قل لي وأبشر لأني أخاف أكثر عليك الحين يضيع راسك

شكرا zaman99s والله اتمنى تفيدني باي معلومة وخذ راحتك
انا خلاص حجزت الروحة على باريس والعودة من مدريد بس محتار بتقسيم الايام اذا عندك تقسيم مناسب ودي اروح دزني في باريس وبعد في منطقة يمدحونها انسي اذا نشاء الله تكون صح وكم تبد عن باريس
وبرشلونة والاندلس ومدريد والمدة 22 يوم
وياليت اذا عندك فكرة عن سعر القطار من باريس لبرشلونة
وشكرا لك

1. ياطويل العمر اذا تبي جدول مقترح للرحله


2. خبرتي في اسبانيا تتوقف عند برشلونه

ابو نواف 999
حياك الله ابونواف واسف على التاخير قاعد اجهز للسفر للصين

ياطويل العمر اذا تبي جدول مقترح للرحله

احجز سيارة من يوروكار من باريس ويفضل ماتحجز من المطار لانها تطلع اغلى شوي وقل لهم اسلمها في مدريد
واهم شيء لاتنسى الجي بي اس عليه خرائط اوروبا محدثة وتكون مخزن فيه الفنادق والاماكن اللي بتروحها من قبل لاتسافر واذا تبي تعرفها ادخل على قوقل ماب يعطيك الاحداثيات واحجز مقعد للطفل مع السياره ضروري في اوروبا واركب سيارتك وعلى الفندق انا اقترح لك في باريس تاخذ شقق اسمها بيرفيكانس حلوه وسعرها تقريبا 80-120 يورو واذا بتاخذ فندق خذ في اطراف المدينه بعيد عن الزحمه ومدام سيارتك مع ماعندك اي مشكلة في البعد يمكن تلاقي صعوبه شوي في المواقف لا توقف الا في مواقف ايجار حتى ماتتعرض سيارتك للسحب وتدخل في موال جديد خذ لك خمسة ايام في باريس يوم منها راح يروح في الديزني والباقي وزعه على بقية الاماكن السياحية وبعدها اذا تبي انسي هي مدينة صغيره على ضفاف بحيره يكفيك فيها يومين بالكثير تقدر تروح منها لجنيف تقريبا 45 كم وتبعد انسي عن باريس حدود 450كم وهي قريبه من ليوم اكبر مدن فرنسا تبعد عنها تقريبا 160كم بعد اليومين في انسي اذا ودك تروح جنيف بما انك قريب لو تاخذ فيها بس نص يوم وبعدها على ليون تبات فيها ليلة والصباح تتمشى فيها وتتوكل على الله على مدينة كان ونيس اجمل مدن فرنسا في الصيف تبعد عن ليون تقريبا 400كم تاخذ فيها ثلاثة الى اربعة ايام ولا تنسى تمر على مدينة العطور الفرنسية قراس وتزور مصانع العطور عاد الله يعينك على الصرفيات ههه وولو قلت لي قبل لاتحجز من مدريد قلت لك ايطاليا احسن كيف تفوت عليك زيارة البندقية اجمل مدن العالم من غير اسواق الاوت لت الايطاليه لاجمل الاسعار وافضل الماركات وفي طريقك موناكو وميلانو وروما من وجهة نظري افضل من اسبانيا بكثير
على كل حال بعد ما تخلص من كان ونيس وماجاورها شد الرحال على برشلونه تقريبا تبعد 800كم من نيس اذا تحب قدامك مدينة تولوز الفرنسية تقدر تريح فيها يوم وتتجول فيها مدينة كبيره وجميلة ثالث اكبر المدن الفرنسيه اذا جيت برشلونه ياطويل العمر عليك بالفنادق البعيد عن الرمبلا هذا طبعا اذا بتروح بسيارتك واهم شيء تتاكد من نظافة الفندق واذا تبي ادور لك على شقق نظيفة في برشلونه بحاول اشوف لك نفس الشقق اللي اسكن فيها عن طريق البوكنق واعطيك الرابط اهم شيء اذا جيت تحجز تاكد من وجود مواقف للسيارات وانترنت في الفندق

خبرتي في اسبانيا تتوقف عند برشلونه

برشلون مدينة جميله واذا تبي تلف فيها قص تذاكر على الباص السياحي يلف بك كل مواقع المدينه السياحية المطاعم في برشلون اكلها لذيذ ورخيصه مقارنة بفرنسا وبشكل عام اسبانيا ارخص من فرنسا والتكاسي فيها بعد رخيصه.
والمسافه من باريس الى برشلونه 1037كم
خذ هذا الموقع يعطيك بالتفصيل المسافات والخرائط ويرسم لك الطريق بعد
http://maps.google.com/
اضغط على رابط الحصول على اتجاهات واكتب اسماء المدن في اعلا اليمين ويرسم لك الطريق مع المسافات
واسف على الاطاله

القيصرمناحي الف شكر على المعلومات
وبستشيرك بتوزيع الايام كم يوم بباريس واسبانيا ( 22 يوم ) لو كنت بسيارة وش المناطق الي اريح فيها بالطريق وبالنسبة لجنيف لوعندك فكرة عن الاماكن السياحية فيها