السلام عليكم
احب اشكر الاعضاء الرائعين في هذا المنتدى على معلوماتهم و تقاريرهم الجميلة
بصراحة بعد ما قرات التقارير زادت حيرتي من اول كنت حاطةاسبانيا في البال للسفر
بس بعد التقارير زادت الخيارات اللي في بالي
واحتاج رايكم و مشورتكم
رحلتنا باذن الله حتكون في شهر نوفمبر ... ادري انو لسا بدري بس حابة انو نبدا نخطط لها من دحين
عدد الاشخاص 2 انا و زوجي
طبعا التخطيط متروك ليا لانو هدي السفرة حتكون بمناسبة تخرجي من الجامعة
عندنا خطتين مبدئية ... طبعا السفر حيكون على الخطوط السعودية
الخطة ( أ)
نبدا من روما ليلتين ( 3ايام) بعدها ناخد كروز 6 ليالي( 7 ايام) تنتهي رحلة الكروز في برشلونة نجلس في برشلونة 3 ليالي ( 4 ايام) واخر شي ليلى في مدريد ( يومين) بعدها نرجع جدة
المجموع 16 يوم
الخطة (ب)
نبدا من باريس 4 ليالي ( 5 ايام) بعدين نروح برشلونة 3 ليالي (4 ايام) بعدها نروح لمدريد نبات ليلة وحدة نروح بعدها للجنوب الاسباني ( 4 ليالي ) 5 ايام و اخر شي نرجع لمدريد نبات ليلة و نرجع لجدة منها
المجموع 16 يوم
صراحة مرة محتارة ... يا ليت تفيدوني بالانسب.. خاصة انو احنا اتنين بس من غير اطفال
ولكم جزيل الشكر