السائح الكويتي
29-10-2022 - 03:37 am
السلام عليك اخواني واخواتي الكرام
ناوي باذن الله اروح اسبانيا اخر اغسطس وابي مشورتكم
راح اطلع من لوغانو بالطائرة الي ملقا يوم 28 اغسطس الساعة 12 الظهر
والوصول الساعة الواحدة ان شاء الله والسكن في فندق malaga nostrum aeropuerto
لمدة اربع ليالي اول يوم تمشي في ملقا وماربيا ووثاني يوم غرناطة واشبيليا وثالث يوم طنجة ورابع يوم قرطبة وخامس يوم اطلع برشلونة لمدة ليلتين في فندق royal ramblas
ثم مدريد ثلاث ليالي ولم احجز الفندق بعد
واسالتي كالتالي
1) شرايكم بالخطة
2) شلون اروح طنجة من اي ميناء
3)شرايكم بفنادقي
4) اي فندق تقترحون علي بمدريد
5) ايهما افضل مدريد او برشلونة
6)راح استاجر سيارة شنو نصايحكم
7) اروح برشلونة بالسيارة ولا القطار احسن
وشكرا لكم حميعا
الخطه كويسه ولكن طنجه بتكون متعبه وماتستاهل العنوه ليوم واحد
2) شلون اروح طنجة من اي ميناء
والله في منطقه اسمها الجزيره الخضراء اتوقع الميناء حولها ,, قريب من ملقا
3)شرايكم بفنادقي
كويسين
4) اي فندق تقترحون علي بمدريد
انا سكنت في hotel regina وكان كويس
وفيه موضوع بقسم اسبانيا لمشرفنا الليل والنهار فيه مجموعة فنادق مميزه
5) ايهما افضل مدريد او برشلونة
كلهم يستاهلون الزياره
6)راح استاجر سيارة شنو نصايحكم
استأجر اول ماتوصل ملقا ورجعها بمطار ملقا وطير الى برشلونه
عندك موقع Traveljigsaw كويس
7) اروح برشلونة بالسيارة ولا القطار احسن
طياره لاتذبح نفسك 10 ساعات طريق سياره او 7 قطار