وعليكم السلام ورحمة الله وبركاته
هلا وغلا أختي ..
الإجازه عندهم هي السبت والأحد والمجمعات فاتحه في كل الأسبوع ..
وكل الأماكن حوالين الكامبرلاند ..إذا بغيتوا الأكل عندكم أدجول رود ..وإذا بغيتوا السوق عندكم شارع أكسفورد وبوند ستريت وريجنت ستريت ...الخ ..
أما مسألة الحجاب فحبيت أبشرج ..العالم هناك متعودين على النقابات والعبايه السودا فلا أتحاتين ..
وكل سفراتنا مع الأهل بالعبايه والنقابات ول الحمدالله مافي أي مشاكل ..
وتعامل الأنجليز محترم لدرجه مره من المرات كنا امسافرين مع الأهل لندن وكان ألي أيفتش الجوازات واحد..ولما خذا الجوازات دعا وحده من الموظفات عشان اتقارن الوجه مع الصوره لأنه أحترم النقابات وأحترم دينا ومارضى أيشوف الصور الي في الجوازات ..
أما المقارنه بين الفيزا والكاش في التسوق فأنصحج بالفيزا لأنها أئمن والرأي متروك لكم ..
بالنسبه للاماكن الي أنصحج فيها كثيره ولكن بذكر لج كوفنت قاردن لازم اتزورونه ..
وأي خدمه أحنا في الخدمه ..
سافروا ولاتحاتون شي أبدا
الله يحفظكم ان شاءالله ..

اضيف
السبت عادي دوامهم
اما الاحد من 11 وبعضهم من 12 ويسكرون 6
انصحك بعطر ومكياج تراش من سيلفرجز خطير
ومطعم بيتزا يارا في هارودز

وشدعوه ياختي كل هالخوف.
لندن تهبل وتوسع الصدر وجوها بدا يحلا يعني خف البرد شوي ..
وبعدين اسواقها جناان عندك الرخيص وعندك الغالي..
وهذا الرابط بيفيدك كثير في مسألة التسوق..
https://artravelers.com/p/re/176872
والاجازه عندهم يوم السبت والاحد . ولكن اوقات الدوام تختلف
السبت للساعه 7 ليلا اما الاحد للساعه 5 ويقفل السوق..
وباقي الاسبوع للساعه 8 ليلا

لا تخافين .........امورك متسهلة
الانجليزين حقيرين وكذا بس محترمين اولا واخيرا مو مثلنا العرب للاسف

يسلّم يدّياتهم يارب
يازين فزعتكم ياهل لندن
القطري الله يسلم يدينك كفيت ووفيت
qatar2007 يسلمو يالغاليه لاخلا ولاعدم نصايحك خطيره
أم الجوري يسلمو على هالرابط
اما الخوف والله من الحين وانا :36_1_38:
amore187
وشلون حقيرين بس محترمين
انا سبق وقابلت في سفرات ماضيه عينات منهم مافيهم من السماحه شي سبحان الله ثقيلين طينه
وضيعنا مره انا وواحد منهم هو وزوجته وعيالهم في باريس وصرت انا الدليله وصاروا حليلين معي شفت سنونهم من الضحك والا قبل ماادلهم الطريق ماتشوف الا
ثانكيوات جميعا
واللي عنده اضافه يكتبها لازلنا في الانتظار

اهم شيء انك توسعين خاطرك وماهنا الا العافية
واول ماذكر شيء بكتبة بس علمينا شنو ودك فيه وحاطة في بالك

السلام عليكم
الله يعطيك العافيه اختي شهاليل
انا كذلك قريب ان شاء الله حروح لندن
بس عندي شي محيريني وهو التنقل بلندن احنا مخططين على استخدام الميترو
بس المشكله ماني عارفه كيف وارغب ان تكون رحلتي مرتبه يعني في لايوم الواحد
نزور كذا مكان يكونون قريبين من بعض والميترو الي فهمته انها عباره عن سيركلز
بس انا خايفه اننا نانعرف كيف الوجهات
ودي اعرف كيف استخدم المترو عشان تككون رحلتي مرتبه وازور الاشياءالي تكون قريبه من بعض واختصار للوقت
كذلك والتكلفه
رجاء رجاء ابيكم تردون علي باسروع وقت؟

qatar2007
الله يسلم يدينك
انتي
ودي والله بالملابس الحلوه خاصه الاطفال والشنط واللزي منه
العطر والميك اب سجلت اسمه لاني متأكده ان ذوقك خطير
ان شاء الله رحلتنا بتبتدي بلندن وبعدها باريس ثم سويسرا ومن سويسرا بنمر نسلم على ميلانو :36_7_8:
بس ابغى شي من لندن حلو وغير عن كل الاسواق:kashkhah:

daffodil2006
المترو جربته بباريس ومش حافكر اركبوه تاني
انواع السرقات