الامباسدور فندق جيد لكنه قديم وسعره لايزال عالي
انصحج بهذا الفندق
https://artravelers.com/p/re/287931

بحرينيه وافتخر
عليكم السلام ورحمة الله وبركاته،،
اختي فندق امباسادور زين وكبير وغرفه لا باس فيها،، سكنت فيه اول مرة
انا افضل فندق اسيا هوتيل وهو فندق اربع نجوم لعدة أسباب منها ارتباطه المباشر با Sky train من الدور الثاني وقريب من MBK وطبعاً أي منطقة في بانكوك تقدرون تروحون لها بهذا القطار..
عموماً فندق امباسادور تمشي للمحطة من 5 اللى 10 دقائق وهو فندق جي،،
شوفي اختي بوكت 4 أو 5 أيام زين،، ومثلهم لبتايا،،، الي فيها فعاليات واايد،،، أما شانج ماي مارحتها بس من كلام الإخوان في المنتدى ليلتين او 3 كفاية عليها،،
بتايا عندج المجمعات (Big C) ومجمع الويال جاردن زينني للتسوق،،
بانكوك عندج MBK ولوتس صراحة وايد عجبنا والأسواق عندج براتونام واذا بغيتي جملة عندج بي بي ماركت،،
انا اول مرة نزلت بانكوك واعتقد في اواخر 2003 كنت اختار السوق وأروح اكتشفه،، احسن شي من توصلين مطار بانكوك بتلقين
Official map of Bangkok ونفس الشي تلقين لبتايا وباقي المناطق،، هي الخريطة موضح عليها اهم الأسواق والفعاليات،،،
وموضح طبعاً أقرب سكاي ترين لها
انا عندي ملف كامل عن أسواق بانكوك تعبت عليه تعب من شهر 2 وخبرج موضح السوق واقرب محطة سكاي ترين له ونفس الشي بالنسبة للمعالم،،
يسعدني اني اجيب على اية استفسرات أخرى
دمت بود

وين الملف يا ولد الرفاع عطنى من معلوماتك القيمه

ليمونة حزينة
والله الملف بارز يا ليمونة المنتدى
وان شاء الله احاول انزل المعلومات لكم،،،
ماطلبتي
انتي تامرين وبشري بالخير

مشكور اخوي ولد الرفاع وانتضر الملف متى بتنزله؟؟

بحرينيه وافتخر
هلا اختي بحرينية ،، الصراحة الملف عندي (Hard Copy) وان شاء الله لما يصير عندي وقت انزل لكم المعلومات،،،
تحياتي

ولد الرفاع
مشكور اخوي ولد الرفاع
شلون لي لحين بتروح هونج كونج؟؟؟
انا بس كنسلت ما بروح هونج كونج:112:
وما دري اروح بعد تايلند ولا اكنسل الانفلونزا وصلت عندهم 400 حاله شنو الحل؟؟؟؟
متردده شسوي نصيحتك؟؟؟
مشكور ياولد ديرتي

بحرينيه وافتخر
حاضرين يالغالية
والله عن نفسي رحت هونج كونح من قبل هالمرة باروح للصين للتسوق انطر اجازتي على أحر من الجمر وبرزنا الشناط
اعرف اثنين من الربع ويا عوايلهم رايحين الشهر الجاي لهونج كونج عادي،،
بس تايلند لا تفوتونها وانا رايح ان شاء الله،، الحالات الي يكتشفونها يتم عزلها والحمد لله ان الدواء متوفر لهالمرض الي وصل كل الدول..
نصيحتي يابنت بلادي توكلي على الله وروحي واستانسي ترى تايلند روعة وما تتفوت،،،،
والله الحافظ
مع ودي

ولد الرفاع
مشكور يا خوي مادري شلون ارد لك هالخدمات الحلوه والردود الي نبرد القلب
الله يحفظك انت والاهل وان شاء الله رحله موفقه