1- نروح للفندق على طول او هل فيه مكاتب تعطي خصم مثل اندونيسيا وهل المطار فيه مكاتب تعطي خصم والا وسع صدرك واركب التكسي للفندق على طول ؟؟؟
تحجز لك فندق من المطار ليوم أو يومين .. ونسبة الخصم 20% تقريبا.
2- فندق ريجينس تكلمتوا عنه كثير ومدحتوه لكن بصراحه اشوف انه غالي اذا قارنته بتايلند سؤالي ابي شقق فخمه ورخيصه بشارع مكاتي اللي يمدحونه.؟
اضغط هنا http://philippineshotelresort.com/makati/oxford/index.html
3- اللي بياخذ معه اللاب توب الكمبيوتر : هل الشقق او الفنادق توفر الخدمه وعسى ماهي غاليه؟
الكثير من الفنادق لديهم خدمة الأنترنت .. لكن يعيبها البطئ أحيانا والأسعار تعتمد على حسب الفندق.
4- هل عندهم " مثل اندونيسيا " خدمات توصيل الأكل للفندق او لازم نتفضل عندهم..؟
ما قد جربت بصراحة.
5- اللي بيجيب معه اغراض الطبخ من السعوديه رز وبهارات وماجي وبقلاوه الخ الخ عسى مايقولون له شي بالمطار.؟
جب اللي تبي ومافي مشكلة.
6- هل عندهم " مثل اندونيسيا " نظام الهدايا والبخاشيش بالمطار والفندق واذا فيه كم نعطيهم ؟؟
لا لا ما عندهم.
7- كيف اجيب شغاله تطبخ الكبسه والكبده المقلقل والمقلوبه الخ الخ وبعدين كم تاخذ باليوم؟؟
والله مادري بصراحة.
8- هل عندهم " ____ " قنوات تلفزيونيه عربيه ؟
!!!
9- هل الثقه معدومه مع الشعب الفلبيني " اقصد الرجال " يعني تنصحوننا باننا ماناخذ ولا نعطي معهم والا نقلبها سعة صدر مع شعب المقاندات.؟
شعب مثقف وتعامله جداً طيب.. لكن فيه بعض المتخلفين.
10- باقي الاسئله نخليها بعد الاعلانات وسامحونا؟
كل هالأسئلة ولا خلصت

1- نروح للفندق على طول او هل فيه مكاتب تعطي خصم مثل اندونيسيا
وهل المطار فيه مكاتب تعطي خصم والا وسع صدرك واركب التكسي للفندق على طول ؟؟؟
أول ما توصل فيه مكاتب للحجز بس مهيب ذاك الزود ،،،
بس ممكن تحجز عن طريق الأتصال من هنا قبل لا تمشي أرخص بكثير وخصوصاً اذا قلت لهم أنا زبون دائم عندكم ومن هذا الكلام،،،
أو عندك مواقع الأنتر نت وعندهم فروقات بالأسعار بالنت أنتبه منها،،،
2- فندق ريجينس تكلمتوا عنه كثير ومدحتوه لكن بصراحه اشوف انه غالي اذا قارنته بتايلند
الفلبين وخاصة مكاتي بين كل مطعم وعمارة فندق يعني فيه البديل ووش جاب تايلند حق الفلبين كل وحده لها جوها المختلف كلياً عن بعض،،،
سؤالي ابي شقق فخمه ورخيصه بشارع مكاتي اللي يمدحونه؟
مكاتي حي كبير مو شارع ،،، والشقق على حسب مدة الأقامة ،،، أنا الآن قاعد أفاوضهم على شقة 3 غرف نوم ومبدئياً عطونياها ب3200 بيسو بالنت ومن موقع ثاني 4900 بيسو لليلة والشقق انا أعرفها وحليوه ،،،
3- اللي بياخذ معه اللاب توب الكمبيوتر : هل الشقق او الفنادق توفر الخدمه وعسى ماهي غاليه
يوفرون لك اللي تبي وعلى حسب نجمة الفندق بس غالباً النت رخيص يعني في أغلب المحلات من 40 الى 60 بيسو للساعة،،،
4- هل عندهم " مثل اندونيسيا " خدمات توصيل الأكل للفندق او لازم نتفضل عندهم
كل اللي تبي الأكل العربي أو بيتزاهت وطقتها موجودين ويوصلون مجاني ،،،
5- اللي بيجيب معه اغراض الطبخ من السعوديه رز وبهارات وماجي وبقلاوه الخ الخ عسى مايقولون له
شي بالمطار ؟
أرقد وآمن من هذا الجانب محد يتعرض لك ،،، ولو ما جبت في محلات متحصصة للمنتوجات الأسلامية والسعودية بس قليلة هذي المحلات،،،
6- هل عندهم " مثل اندونيسيا " نظام الهدايا والبخاشيش بالمطار والفندق واذا فيه كم نعطيهم ؟؟
المطار لو عطيتهم سحبوك وسجنوك،،، الفنادق أنت وضميرك تبي تعطي لا تتعدى 20 بيسو الا اذا بتزبطهم صح لا تتعدى 50 بيسو،،، لا تخربونهم علينا ،،،
7- كيف اجيب شغاله تطبخ الكبسه والكبده المقلقل والمقلوبه الخ الخ وبعدين كم تاخذ باليوم
أغلب الخدامات من 300 بيسو وفيها وأشرط أنها أشتغلت بالسعودية عشان تبتعد عن الزيوت اللي من الخنزير وتعرف أكلنا صح،،، والشغالات تجيب أرقامها من أخوياك عشان تكون ثقة أو عن طريق الفندق،،،
8- هل عندهم " ____ " قنوات تلفزيونيه عربيه
تلفزيون السعودية القناة الأولى + art + وفيه قناة ثالثة بس ما أدري نسيتها
9- هل الثقه معدومه مع الشعب الفلبيني " اقصد الرجال " يعني تنصحوننا باننا ماناخذ ولا نعطي معهم
والا نقلبها سعة صدر مع شعب المقاندات
أقلبها فلة حجاج وأرقد وآمن بس لا تتعامل معهم بأمور خاصة ،،، وممكن في مكاتي تلقى في الكوفي شوبات شباب بأعمارنا عيال وزراء ومسؤلين ممكن تاخذ وتعطي معهم ،،،
10- باقي الاسئله نخليها بعد الاعلانات وسامحونا
أرز أبو كاس رفيقك في السفر
زيت زيتون لا يفوتك في الفلبين
جواز سفرك + قصعة تمر + ودلة القهوة من السيف،،، أحتياجاتك على كل طريق

اول حبيب / كابايان ماقصرتوا ولو انكم غاشين من بعض لكن فيه بعض الاسئله مازالت حايره
المهم فيه ميزه خطيره تخليني اهج عن اندونيسيا واطلقها بالاربع ميزة البخاشيش بصراحة الاندونيسيين مصخوها وتحولوا لدوله عربيه في المعامله والابتزاز خاصة اذا قفلوها معك البوليس آخر الليل
ميزه ثانيه ان الفلبين بالصيف يوميا امطار يحبها قلبك اما اندونيسيا بالصيف ياشيخ تجلس اسبوعين بعض الاحيان ماشميت ريحه مطر
بعدين ميزه المحادثه يعني لما تروح تسهر تقدر تسولف وتقوي اللغه يعني ترجع من السهره احسن من انك راجع من معهد اللغه اللي هنا اما في اندونيسيا راح عمرنا وآخر شي ابا كبر واكو سنتا كامو
أرز أبو كاس رفيقك في السفر
زيت زيتون لا يفوتك في الفلبين
مااقول الا ايكاو طلقه تراؤولو على هالدعايات الحلوه

اخوي : bmw
اهنيك على اختيارك الفلبين بدل من اندونيسيا ، ولو كل واحد يروح للفلبين بدل من اندونيسيا كان عرف الفرق الكبير بينها وحب الفلبين و طلق اندونيسيا.
انا اوصيك بوسط الفلبين و بالذات مدينة سيبو و الجزر المحيطه فيها.
تبي تلقا في سيبو ناس غير مانيلا من ناحية التعامل و الامان. بالاضافة الي جمال الطبيعة و قلت السياح.
لك الف تحية.

Esperanza خلاص انا قررت الانضمام لكم مع اني كنت خايف من الاجرام في الفلبين لكن ارحم من الابتزاز في اندونيسيا ومن هنا اعلن دعوتي للماسات شباب انونيسيا وأقول لهم آيو ياشباب

bmw
العمة لالالالالالالالالالالالالالالالالالالالالالالالالا لا
الخالة نعم
اهلا وسهلا بك في بوابة الفلبين
بس كتى السفر الى هناك
ههه

تراكم تضيقون صدري
لا تخلوني ازف الشباب واسافر للفلبين واتركهم وعمتهم
واظن الشباب ما تركو اسئلة اجاوب عليها
اذا عندك اسئلة راسلني على الخاص (:

ترا البقالات يوصلون طلبات مثل بقالة E-Mart كلمهم تلفون واطلب كل المقاظي والعزبه ويجيك لين عندك.

fahad1976/SaudiMfls/جلان رادين صالح
انا اللي اهني نفسي فيكم ...خلالالالالالاص ابقول لسواق الطياره وهو رايح للفلبين يمر من فوق اندونيسيا علشان القي نظرة الوداع على العمه ...
من ناحية الاسئله أخذت لفه كبيره على المواضيع بصراحه مابقى الا اني اطبق واستمتع والرحله قربت بالصيف ان شاء الله