- دبي- باريس- انترلاكن –لوزان – ميلان
السلام عليكم ورحمة الله وبركاته
اشكر أعضاء المنتدى على تفاعلهم وجزاهم الله ألف خير
لدي استفسارات كثيرة
رحلتي كالتالي:دبي- باريس- انترلاكن –لوزان – ميلان
1- اذا وصلت الى انترلاكن من مطة القطار كيف اوصل لفندق ( chalet oberland ) يعني بالباص
2- ودي ارتب جدول يومي لمدة اربع ايام وش اهم الاماكن السياحية وياليت تكون متنوعه يعني يوم للقمة ويوم ودي برحلة بحرية , يوجد مسارين الاول تون – غرب انترلاكن الثاني شرق انترلاكن- برينز وش الافضل وكيف ارتب لها
3- باقي يومين وش تنصحوني فيه وش المدن او القرى الي ازورها
4- اذا وصلت محطة القطار في لوزان كيف اوصل لفندق الفا بريمز
5- كذلك ودي ارتب جدولي اليومي لمدة اربع ايام انا حاطة في بالي يو جنيف – يوم افيان يوم منترو او انسي وش رايكم كيف ارتب هالاربع الايام بحيث استفيد من الوقت
6- كيف اتنقل بين المدن السابقة بالباص او بالقطار وكيفية الحجز
7- السويس باص سعره يشمل التنقل بالقطار بين جميع المدن السابقة والرحلات البحرية والباصات مثلا من المحطة الى الفندق والعكس
8- هل في سوبر ماركت قريب من الفنادق السابقة وهل في خيارات او امور هامة تنصحوني فيها
9- سؤال اخير عن العمله اخذ يورو او فرنك
10- قرأت في المنتدى عن رحلة بحرية تغطي ست مدن من لوزان ماهي هذي المدن وكيف طريقتها وهل سعرها ضمن السويس باص
11-يفضل اخذ معي فرانك ولا يورو
أنصحك تروحين برحلة في بحيرة برنزر صحيح البحيرة أصغر لكن محطاتها جميلة مرة وخصوصاً قرية ايستوولد روعة بالمرة .
عندك المايستري بارك حلوة ، وكهف جليدي بجنب بحيرة تون نسيت اسمه (راجعي موضوع أبو عزيز )
بالنسبة لفندق ألفا على طول قدام المحطة خلف ما كدونالدز ، بس يبغا لكم تاخذون عزم شوي (طلعة )
بالنسبة للسوبرما ركت قدام الفا بالميرز بقالة صغيرة ، وبعد شالت اوبرلاند قدامه سوبر ماركت .
العملة في سويسرا فرنك وخوذي معك شوي يورو لو رحتي لإيفيان والا شامونيه
الرحلة البحرية تغطي مجموعة مدن في البحيرة : أقولك المدن هي : جنيف - لوزان - فيفي - مونترو - ايفيان - ثنون - وقرى ثانية كثيرة .
جاوبت على اللي أعرفه .. أترك الباقي للخبراء والمشرفين .