أحسبكم كثار يوم قلت عائله وآخرتها انت والمدام .. الا تنفع ونص
يعني بتصرف في مصر نفس صرفك في اندونيسيا .. ويمكن أكثر ؟
الفنادق رخيصه في اندونيسيا .. هذا غير الطبيعه الي ترووق المزاج ومناظر ما تلقاها في القاهره ..
اذا تهمك الطبيعه خلي خيارك الأول اندونيسيا .. ولا تنسى تمر على بالي وتتسدح في شواطئها ..
بخصوص التذاكر تختلف حسب الخطوط .. غالبا بين 3500 الى 4000
بخصوص المترجم لا ما يلزمك .. يتكلمون انجليزي أغلبهم وفيه واجد يتكلمون العربيه وبطلاقه بعد لا تنسى انه كثره منهم مسلمين .

يا كثر العائلة الله يوفقت ويسهل أمرك

صراحة مسخرتوني يعني 2 شويه حرام عليكم اهم شيء عائلة وبس
قيمة السكن في فنادق 4 نجوم كم
وهل بالي متفتحة يعني عري وقلة ادب
اما بالانجليزي صفر على الشمال عربي ويالله

توكل على الله وروح ويقول المثل من حسب الديه ماقتل .

انا و زوجتي ذهبنا العام الماضي و ننوي الذهاب هذه السنة أيضا ..
الصرفية و الميزانية انت و رغباتك .. لكن خلينا نقول حد أعلى انت و المدام الله يخليكم لبعض تحتاجون 500 ريال في اليوم شاملة السكن و المواصلات و الاكل و الاماكن السياحية - لا تشمل التسوق و الهدايا الا الاشياء الخفيفة ..
أبوأنس

اقول اعقلها وتوكل ترى اندونيسيا تنفع لكل شخص عزابي عوايل نص ونص ههه حلوه نص ونص صدقني راح ترتاح وتنبسط واهلك راح يدعون لك بس اهم شي الاهتمام بالحجاب ولاتلتفت للي يقولون ان المرأة لازم تكشف او تترك الحجاب بالعكس الحجاب يزيدكم احترام من جميع الاجناس وانا متاكد من هذا الشي ولكن حبيت بس اذكر الاخوان اللي يمنعون زوجاتهم من الحجاب بحجة الاحراج بالعكس الاحراج ان الواحد يترك زوجته متبرجه وكاشفه
الامر الثاني ترى مصر ماتسوى ولا ((( اظفر ))) من اندونيسيا لان السياحة في مصر محدودة لكن اندونيسيا بالعكس راح تلاقي فيها جميع انواع السياحة ان بغيت البحار والسواحل ان بغيت المرتفاعت ان بغيت الطبيعة الخضراء ان بغيت البراكين ان بغيت ان بغيت ان بغيت تتعب وانت تقول ان بغيت
ولكن ابتعد عن الفنادق اللي يسكنها الشباب وابتعد عن مناطق تجمعهم صدقني راح تنبسط ايضا بالنسبة لجاكرتا جوها مو لهناك وطبيعتها طبيعة عمل وكدح وازدحام فالافضل عدم البقاء بها الا للضرورة لترتيب الرحلات الخارجية وعمل الحجوزات وقبل العودة للوطن يمكنك البقاء بها يومان للهدايا والمشتريات اما غير كذا انحش منها مع ان فيها مناطق تستحق الزيارة مثل دنيا فنتازي ((( ملاهي كبيرة ))) بها جميع ماتتوقعه من العاب كذلك من انشول مارينا بامكانك الحجز على احدى الجزر القريبة من جاكرتا وانصحك بجزيرة اير تذهب لها بالسفينة على حسب اختيارك اما ان تحجز يوم كامل شامل السكن واربع وجبات غداء - عشاء - افطار - غداء ثم العودة في اليوم الثاني او الذهاب اليها جزء من اليوم صباحا وتعود بعد العصر بدون سكن
عالعموم انا كتبت تقرير عن رحلتي العائلية ستجده في هذا الرابط / https://artravelers.com/p/re/42360
لكن للاسف بدون صور ولاتنس انه من عام 2005 يعني يجب مراعاة اختلاف الاسعار لكن ان شاء الله تستفيد منه على الاقل لبعض الاماكن السياحية او الفنادق وايضا كنا عائلة مثلكم مكونه من الزوج والزوجة فقط
تروحون وتردون بالسلامة