اول شي حياج الله نابوليه بديرتج الثانيه الكويت
بالنسبه للخياييط مااعتقد في خياط يخلص خلال 3 ايام بس اذا تبين تقعدين اكثر انصحج بخياط جمعيه سلوىخياطه وايد حلو( منطقه سلوى تقدرين توصليلها عن طريق شارع التعاون اللي اهو بدايه شارع الخليج )
اما بالنسبه للمحلات اللي تبيع ملابس نسائيه وتبينها غير عن المحلات الموجوده بدول الخليج انصحج يمجمع المهلب ومجمع النقره الشمالي وكويت ماجيك ومحلات شارع سالم المبارك ( السالميه القديمه )
وعندج بعد بيت ديفا المقابل مستشفى الاميري هم عندهم شغلات حلوه ( مستشفى الاميري مقابل سوق شرق )
اما عن الوسائل التعليميه عندج مجمع دسمان ( مجمع كله محلات متخصصه بهالشي ) وموقع مجمع دسمان في مدينه الكويت منطقه دسمان ( روحي هناك وسالي عن المجمع واهل الخير ماراح يقصرون )
حرم الملك

تسلم الملك على الرد السرييع وهذا العشم واله
والله تحطمت على سالفه الخيياييط لاني بغيت موديلات غير عن اللي عندنا بقطر بس مو مشكله
المجمعات والمحلات اللي ذكرتها باحطها بالاعتبار ان شا الله وتسلم يا رب

1. و يضم عدد خيالي من محلات الماركات المتعارف عليها عندنا و عندكم


2. فيه مكتبة بالداخل متخصصة بالكتب الإنجليزية بس صغيرة..! :

حياج الله أختي في بلدج الثاني الكويت...!
اخونا الملك ماقصر...و طبعا حبيت أضيف بالنسبة للبدل و الماركات فهي متوافرة في أغلبية مجمعات الكويت بأي منطقة كانت...!
و بالنسبة للماركات المختلفة فما يميز الكويت عن بقيتها أعتقد وجود المصممات الكويتيات بكثرة خاصة...
و الأجانب عامة من مختلف دول العالم و على أرقى مستوى تحصلينهم في مجمع البستان, مجمع ليلى جاليري, مجمع زهرة, مجمع الثريا...
و هذه المجمعات كلها متقاربة و تقع كلها في شارع سالم المبارك , الشارع التجاري الأول بالكويت..و البدل لأبناءج أنصحج بشارع سالم المبارك بنهاية هذا الشارع تلقين "السوق القديم",

و يضم عدد خيالي من محلات الماركات المتعارف عليها عندنا و عندكم

و يضم اللي ماهو موجود اللا في الديرة هني و بأسعار رخيصة, بإختصار التمشي فيه راح يساعدج و ينفعج واايد....-و بالنسبة للوسائل التعليمية, عندج فيرجن ميغاستور في مارينا مول(يطل على شارع الخليج و شارع سالم المبارك).

• كذلك في شارع سالم المبارك بجانب مجمع الربيع (بجانب الثرية و الوطنية)...

فيه مكتبة بالداخل متخصصة بالكتب الإنجليزية بس صغيرة..! :

• مجمع المثنى في شارع فهد السالم بمدينة الكويت, فيها مكتبات لكن فيها وحده كبيرة متخصصة بالإنجليزي و وسائلها.
• منطقة حولي تكتظ بالمكتبات مثل مكتبة العجيري, جرير, سي ان ان و غيرها...!أعتقد أن شارع سالم المبارك في حولي راح يكفي و يوفي بكل متطلباتج...

فهو شارع راقي جداً يجمع ما بين الماركات و السلع العالمية,
و يجمع ما بين الأمور التراثية و المناسبة و حتى الرخيصة منها...أتمنى لكم طيب الإقامة في بلدكم الكويت...
و أي خدمة أحنا حاضرين ...: D
تحياتي.

مشكور اخوي Dhari على المعلومات القيمه والله احس نفسي مشتاقه اروح الكويت بس لاني صرت اعرف وين اروح فيها
تسلم مره ثانيه ويسلمون اهل الكويت كلهم