سفرتكم 30 يوم منها 7 ايام في نيويورك ؟؟
روحوا كاليفورنيا لان الجو براد هناك
مدن الشرق الجو شوي حار
المدن القريبة من نيويورك مثل اتلانتك ستي او واشنطن او هرشي او بوسطن او نياقرا فولز ماهي ذاك الزود سياحيا و 23 يوم وايد عليها...

مرحباً اختي،،،، زي ماذكر اخوي عزيز مادام رحلت كم شهر حرام تضيعوها في الشمال الشرقي،،، انا عايش في فيلادلفيا من 5 سنوات ولفيت الشمال الشرقي كامل من نيويورك لبوسطن لاتلنتك سيتي لواشنطن كلها مافيها مكان يستاهل الا نيويورك واسبوع فيها كافي،،،
افضل ولايه للسياحه كعائله عندك كالفورنيا،،، وجنبها لأس فيغاس ب100 اتلانتك سيتي،،، وعلى فكره اتلانتك مافيها فعاليتات عائليه زي فيغاس كل الي فيها كازينوهات وملاهي ليليه

كالفورنيا سنويا نروحها
هذه المره قلنا نجرب الشرق
واشنطن كنت ادرس بيها ومافيها شي
نياجرا الجانب الكندي احلى بكثير بس المشكلة تبي فيز
ولاس فيجاس هم رايحتها وايد ونيسة ليومين ثلاث
هل من اقتراحات للشرق
مدن هلى البحر او على مرتفعات او منتجعات
جزاكم الله خير

عقب ماتخلصون من نيويورك استاجرو سياره وروحو بالسياره للجنوب الشرقي
احد الاخوات من قبل سنين عملت رحله بنفس الطريقه وصلت دي سي واستاجرو سياره ووصلو لين جورجيا اعتقد وبعدها ارجعو للشمال
اذا ماعندكم يهال او كبار سن بتصير الرحله ممتعه
بالتوفيق

روحو لفلوريدا في مدينه أسمها أورلاندو حلوه ومدينة تامبا واسمع عن مدينه حلوه اسمها ديتونا بيتش قريبه من أورلاندو