أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
بندر .انا سكنت في استون اورسون. قمه في النظافه والخصوصيه والامان واحس انها تصلح للعوائل اكثر.
بس عندي بعض الملاحظات عليها:
اخذت الشقتين في شهر سبعه 2008 سعر الشقه الوحد ب660 الف روبيه. لان عددنا اربعة شباب. بس للاسف ما طلعت مثل وصف مكتب كاها لنا. دفعت تقريبا 4 مليون يجار الشقتين لمدة ثلاثة ايام. طبعا موظفين مكتب كاها اللي في مطعم اميره. قالوا لنا ان كل شقه فيها غرفتين والغرف كبيره وايضا فيها مطبخ وعدة المطبخ موجده عشان كنت ناوي اجبي شغاله. لا واكدوا لنا ان الشقق متقابله او جنب بعض.
بس للاسف انصدمت هناك وكنت الصدمه كاالتالي:
استون عباره عن برجين والظاهر ان كل البرجين شقق فندقيه. او الماسي هي ان موظفين مكتب كاها طلعوا كذابين الشقق ماهي متقابله ولا حتى في نفس الدور. اخذنا شقه في الدور 16 وكان رقمها 1605 وشقه في الدور 23 وكان رقمها 2305 .بلعناها وسكتنا.
الماساءه الثانيه:هي عندهم مصعدين وكان يجرون على واحد المصاعد صيانه "يعني مقفل لصيانه" ام الثاني تعال شوف الزحمه والله العظيم بدون مبالغه كنت اقعد انتظر المصعد 20 دقيقه واكثر بعد والناس والعالم زحمه.
الماساءه الثالثه:هي الشقه مكونه من غرفتين وصاله وصالة طعام ومطبخ وحمام. كخ الشقه مكونه من التالي ياالغالي: غرفتين :غرفه ضيقه جدا وفيها سرير حق شخصين بس والله ضيقه حتى تتضيق لما تجي تسكر الباب. الغرفه الثانيه صغيره جدا وفيه سرير حق شخص واحد لا وشخص صغير يعني اللي متعاود على سرير كبير الله يعينه على النومه وضيقه الغرفه بعد. الحمام مشترك لا والمرحاض والدش مكسور بعد. الصاله صغيره جداجدا . اما المطبخ نظيف جدا وحلو بس عيبه ما فيه قدور لطبخ يعني انسى انك تجيب شغاله عشان الطبخ. وخصوصا اني قبل لا امشي من السعوديه منزل قدر الضغط من العزبه لاني ما احتاجه هناك. بس ضاقت بي الوسيعه لما شفت هاالشقه.
الماساءه الرابعه والاخيره والمهمه في السالفه كلها: دقيت على الرسبشن عشان ابيهم يجون يشوفون التكيف سي شغال بدون بروده. بينما اخويي اللي في الشقه الثانيه التكيف عندهم اوكيه. قسم باالله العظيم اني قاعد اكثر من ساعه ونصف الى ساعتين وهم كل شوي يقولون الفني جايك. اخر شي خربتها دقيت عليهم وسبت فيهم وقلت لهم ابي المنجر حقكم لانكم ما عندكم تقدير لسائح. وفي الاخير جاءني الفني شف المكيف وقالي هذي قوة التكيف ولا فيه مجال اني ازيد. المهم اني وريته الحمام والمشاكل اللي فيه من كسر في المرحاض والدش. وخليته يسجلها في ورقه وقلت له يدق على الرسبشن قدمي ويبلغهم بااللي شافه عشان ما يخصمون من قيمة التامين اللي عطيتهم اياه اول مجيت اسوي شيك اون هي 2 مليون روبيه . يعني المليونين غير عن الا اربعه مليون اللي عطيتها مكتب كاها. زبدة الكلام انها ما جزت لنا على طول نزلت واخذت تكسي رجعت لمكتب كاها وكنسلت الحجز حق الليلتين فقط. لانه رفض يعطين حق الثلاث ليالي يقول بما انك سويت تشيك اون فراح الفندق يخصم حق يوم واحد فقط. وبعدين رحت على طول الى السون. وهذي سالفتي معاهم. ياالغالي انا انصحك تشوف الشقق قبل ما تحجز ياالطيب سواء كانت تبي استون او غيره. اسف على الاطاله بس والله مقهور على هاالحركات. وشكرا
