batool22
مرحبا يكم وحياكم الله ...
أرقى فندق عالبحر هو الريتز كارلتون ... يجي بعده الدانة نوفوتيل .. واليت ريزورت أند سبا ..
الجدول .. يعتمد على ميولكم واهتماماتكم ... عالعموم ... الدليل السياحي فيه مجموعة كبيرة من الاماكن السياحية والأسواق والأماكن الأثرية ... ممكن تقرأونه وتشوفون اللي يناسبكم ...
ممكن يتقسم اليوم بين مكان سياحي ومجمع ... ممكن قضاء يوم كامل في أحد المجمعات .. بي تسوق ومطاعم وسينما ...
ممكن زيارة يوم واحد لمتحف البحرين الوطني ...
ممكن تخصيص يوم - لو قررتوا السكن في الريتز - لقضاء أمسية حلوة في احد مطاعم الريتز ... أو على الشاطئ الخاص ..
تخصيص يوم لجنة دلمون المفقودة ...
تخصيص أمسية لمنتزه عين عذاري ...
وآخر يوم .. سوق المحرق .. لشراء الصوغة البحرينية ... حلوى ومتاي وبهارات
المطاعم .. موضوع أختنا العزيزة الماسة السوداء .. ملئ بكم هائل من المطاعم بأطباقها وصورها وتقييمها ...
بالإضافة لموضوع أخونا بحريني غير عن منطقة المطاعم في العدلية ..
يعني ... مثل ما شفتوا .. الأماكن كثيرة ... وتناسب جميع الأذواق ...
نتمنى لكم قضاء وقت ممتع في البحرين ... وحياكم الله

جنة دلمون في الفترة المسائية تكون للنساء فقط رائعة جدا وتستحق الزيارة "مجربة"
بس حطي حساب أنج تروحين مروقة ومستعدة ليوم لخمس أو أربع ساعات من المرح والمغامرات
بالنسبة للأكل البحري يمدحون توتالي فيش موجود في سيتي سنتر مول "لم أجربة"
وكوفي شوب مايا للشوكلاته مرة خيال موجود في السيتي سنتر وفي السيف أيضا "مجرب شي ينصح به وبقوة"
وتمرين المحرق عشان الحلوى والمتاي والرهش "مجرب"
وبس هذا اللي حبيت ازيدة

شكرا واللة ماقصرتو علي الاماكن كان في بالي الرتز كارتون