والله انا ودي ازور أحدى جامعات بريطانيا ..
أعتقد ان جامعة لندن موجودة وقريبة من الريجنت بارك .. ولا أدري أن كان أقدر أزورها ..
وأتمنى أفادتنا ..

امم عادة ممنوع تدخل المكاتب الا ببطاقة جامعية من الجامعة نفسها
بس في مكاتب عامة مسموح تدخلها للقراءة والاطلاع بس ما ادري هل ممكن تستعير منها كتب بصفتك سائح ام لأ
اذكر قبل شهر كنت اتكلم مع واحد معي بالجامعة وقالي ان في جامعة يو سي ال بلندن مكتبتها تسمح للي من برى يدخلون مكتبتها ويعطونهم بطاقة مؤقتة ولكن اعتقد ماراح يدخلون سائح ولكن بامكانك السعي
بشكل عام.. تقدر تدخل المباني حق الجامعات .. في جامعات حلوة تقدر تزورها.. يعني مثلاً انا رحت اخذت جولة في جامعة اوكسفورد بصفتها واحدة من اعرق الجامعات بالعالم ومبناها اثري قديم وله قصة تاريخية
بلندن تقدر تشوف جامعة تسترعي انتباهك وتدخلها ولكن لست مخول بالدخول لجميع المباني.. بس الصرح بشكل عام لك الحق تدخله وتشوفه
في مكاتب عامة بلندن يحق للجميع دخولها.. لكن لم يسبق لي دخولها لأن اغلب وقتي بمكتبة الجامعة فما عندي فكرة عنها
بالتوفيق

انزين جامعة لندن فيها كليه اعتقد اسمها دراسات افريقيه وشرقيه ..
هذي مو قريبه من الريجنت .. وهل أقدر أحضر محاضرات ك مستمع ؟!

توجد جامعة مقابل متحف الشمع ممكن تكلمون الادارة محطة البيكر استريت
وتوجد جامعة بجانب متحف الطبيعة واقرب محطة ساوث كندنسون
كلموهم وان شاء الله بيسمحولكم

موادع1
اعتقد تقصد جامعة ويست منستر لأن اقرب شي لها البيكر ستريت
فعلا الجامعة حلوة كتصميم وتستاهل زيارة
عموماً لندن مليانة جامعات تلقى جامعة بكل مكان.. حتى في شارع الأوكسفورد في جامعة حق فاشن وديزاين
ولكن مو كل الجامعات حلوة بعضهم يسد النفس وبعضهم معمار حديث وبعضهم مباني تاريخية تحولت لجامعات وهذولا من احلى الجامعات
انا زرت امبريال كولج, لندن بزنز سكول, متروبوليتين,, مبانيهم ابد مو حلوة
امبريال مبنى حديث وحلو
ويست منستر مبنى قديم وجميل
ودخول الجامعة أغلب جامعات لندن عادي يحق لأي انسان يدخل الجامعة بدون اي سؤال تقدر تقول جاي اخذ فكرة في حال سألك السكيورتي.. حتى المحاضرات عادي تدخل اذا كان محاضرة (مو وورك شوب وورك شوب ممنوع)
ولكن المكاتب كل المكاتب ببريطانيا ممنوع الدخول الا ببطاقة

الله يجزاكِ خير والله على بالي ان الدخول مجرد تضع قدمك داخل الجامعة يسألون عن الهوية ..

محبوبتي لندن
انا كذا مرة يجوني زوار الجامعة ويقعد وينتظروني واحيان نتغدى سوى بالكافتيريا.. يعني عادي لكن في كذا مرة يكون في تفتيش لأسباب امنية فأقولهم من طرفي وانا طالبة فيخولنهم يدخلو
بس في جامعات كبيرة تقدر تتمشى لكن مايمسحون لك تقرب صوب القاعات الدراسية
هو السبب بسيط.. ان كثير يفكروا يدرسوا بالجامعات ولك حق تتطلع وتشوف الجامعة قبل ماتسجل فيها يعني يقدر الواحد يتعذر بهالحجة

ذكرتوني ايام الدراسة درست في احدى الدول العربية -- ولمدة اربع سنوات يسالوني عن البطاقة - ماحفضو شكلي لمدة اربع سنوات
اخر تخلف

جزاكم الله كل خير جميعا
استفدت كثيرا من كل ردودكم
وفقكم الله
اسأل الله لكم الأجر الكبير
ادعي لكم بهذا الوقت المبارك ان يرزقكم التوفيق و النجاح