عليكم السلام
انا بجاوبك بالجزء الي اعرفه بالنسبه لتذاكر افضل وقت لحجز هو ابريل سوا حجزك قريب او بعيد لان معظم الشركات تسوي عروض في هالشهر فانت تاخرت من رايي فحاول تحجز من الان
الباقي انا مثلك في طور الاعداد لسفر
وموفق

مشكور ابو وليد
بس ودي اعرف كم المسافة من زيلامسي وانترلاكن ؟؟

من زيلامسي الى انترلاكن 6 ساعات بالسياره
السكن في زيلامسي يغني عن السكن في كابرون والعكس صحيح
نحياتي

مشكو اخوي قايد عنادك
طيب وش البديل عن كابرون ؟؟؟

البديل زيلامسي عن كابرون اكيد
رحلتك تكون كتالي
بلد الموصول ميونخ تجلس فيها 3 ايام
ثم تذهب الي زيلامسي 5 ايام او تقسمها مابين زيلامسي وكابرون عادي بكيفك المسافة بين 10 كيلو تروحها مشي لو انك رياضي ههه
ومنها ترجع الي مطار ميونخ وتاخذ طيران اقتصادي الشخص ما يتجاوز 300 ريال وعلي مطار جنيف سويسرا وتكمل باقي المدة فيها وتخلي رجعتك للبلد حقك من مطار جنيف وانتهت السالفة طال عمرك
الا اذا انت ناوي تروح برا بالسيارة ولا انصحك فية لا ان المسافة 800 كيلو الي انتركن ومن زيلامسي يعني بيروح عليك يوم سفر ويوم رجعة بعد شغلة
لازم ترتب نفسك واقراء التقارير جديد وتستفيد
دعواتك لنا

مشكور اخي رعبوب
بس كيف احجز من ميونيخ الى جنيف عن طريق الطيران الاقتصادي
حاول بس ما عرفت كيف !!
ممكن احد يفيدني ؟؟؟

اخي Denzel
عند مواقع كثيره تعطيك الرحلات المتوفره لوجهتك و الاقل سعر... مثلا skyscanner
جربه و ابحث عن غيره راح تحصل ان شاءالله وبالتوفيق مقدمآ

ثانكس على الموقع الرائع
لقيت تذكرة من ميونخ الى جنيف 24 سبتمبر ب 1100 ريال هذا ارخص شي ، هل سعرها مناسب ؟؟
السؤال الثاني
بعد ما قريت اكثر من تقرير عن جنيف
اشوف انها ما تستحق الزيارة
فياليت استشارى عن مدينة تستحق الزيارة قريبة من جنيف
وللعلم اني راح اقعد في انترلاكن 5 ايام ؟؟
شكرا .

حياك الله يا الغالي بالنسبه للمدن اللي ذكرتها , أنا رحت نفس مخططك بالضبط
نزلت في مطار ميونخ و خذيت سيارتي من المطار , و على طول رحت ل سالزبورغ
برنامجي كالتالي :
سالزبورغ ليلتين و بعدها اتجهت إلى كابرون 4 ليالي و من ثم اتجهت إلى انترلاكن و تبعد من كابرون ما يقارب 520 كم تقريبا
خذيت 4 ليالي في انترلاكن و من بعدها اتجهت إلى بريغنز تبعد عن انترلاكن 250 كم و هي في اتجاه ميونخ , و تبعد من ميونخ 250 كم تقريبا
و خذيت ليلتين في بريغنز و من ثم اتجهت إلى ميونخ و خذيت فيها ليلتين و عقبها اتجهت للمطار للعوده
البرنامج كان رائع في وجهة نظري , و الطريق الطويل من كابرون الى انترلاكن رغم انه طويل و بعيد لكنه جميل و ساحر
انا في الخدمه اذا كان لديك اي استفسار !