يا مرحبا ياباغيسية ,,,,,,,
بداية إختيار موفق لشقق كلاريج فهي ممتازة من جميع النواحي الا في سعرها فهي غالية نوعا ما, بالنسبة لديزني أنصحك تاخذين تذاكر لمدة يومين تكون أوفر وبموجبها تقدرين تدخلين ديزني والاستيديو اللي جنبة بس لاتسكنون هناك تروحون الصبح بحدود 12 وترجعون آخر الليل تاخذون rer a الأحمر من محطة شارل ديغول ايتوال اللي عند قوس النصر على يمين فندقكم كلاريج وبنفس الخط من نص ساعة الى ساعة الاربع وانتوا هناك بديزني ولا راح تحسون بتعب نهائي وتكونون بباريس بدل ماتسكنون هناك بديزني يفضل وانتوا رايحين لديزني اخذ بعض الفواكة والسناكس والتشوكليت لان الاطفال سيحتاجونها هناك .
بالتوفيق يالباغيسية

الف شكر علي المساعده وانا راح اخذ بشورك ما راح نسكن في دزني
الله يجزاكم خير جميعا اللي يعرف عن الرحالات للندن اللي تنضمها شركات رحله ليوم واحد
انا سمعت عنها وما ادري هل فعلا موجوده
شكرا جزيلا

اختي رحلات لندن مع شركة paris vision
http://www.parisvision.com
بس لازم يكون عندك فيزا لبريطانيا طبعا غير الشنغن

الف شكر الله يعطيكم العافيه على سرعة الرد
واتحملوني عندي استفسار
بما ان السفره 11 يوم احس انها كشيره علي باريس بس ولذلك فكرت بلندن او وش رايكم اروح بالقطار لجنيف وانتر لاكن وبعدها نرجع لباريس للعوده للوطن؟؟

روحي جنيف ليلتين بس لا تقعدين فيها ، اطلعي للمدن الي حولها مع الشركات السياحية الي موجودة قرب الفنادق الي حول البحيرة .. عندهم رحلات لمدن سويسرية ، يعني 3 مدن في نفس اليوم ، او رحلات للجبل ..
و روحي بروكسيل يوم ، لندن يوم ، و الباقي في باريس ، يكفيك في باريس اسبوع تشوفين اهم الاماكن الي فيها ..

باغيسية
لديكي خيارات كثيرة خاصة اني مجرب الديزني ريزورت والني يورك وأخر 3 اعوام جربت السكن في الضواحي و وجدتها احلى واوفر واوسع بكثير خاصة بعد زيادة عددنا
عندك الريسد هوم شققهم رائعة وعندك الماريوت ريزورت شققهم كبيرة ورخيصة بحدود 2500 دولار للأسبوع
اذا على شخصين ممكن الهوليدي ان جميل واذا غالي ممكن تشوفين التيوليب ان اللي نزلت فيه في اخر تقرير لباريس
بون فوياج

الف شكر يعطيكم العافيه علي ردكم وفعلا لولاكم ما عرفت الكثير
ابو عزيز شكرا جزيلا لقد سا عدتني في العام الماضي بعدة استفسارات ولكننا لم نسافر بسبب افلونزا الخنزير
لكن هالسنه ان شاء الله راح نروح وبما انها المره الاولى لاورباء
ولاني المشرفه علي هالرحله ودي تكون رحله لاتنسى ... لان زوجي مو مقتنع باورباء ودي اغير و جهة نظره
اليكم المخطط اللي توصلت له وابغى رايكم:
باريس ودزني لاند من 23/7 حتى 29/7 بالتفصيل التالي:
23- 24 25 26 باريس
7زيارة لندن عن طريق الشركات اللي تسوي رحلات ليوم
8دزني لاند احس يوم كفاية بالنسبة لنا
9الانطلاق الي جنيف
29-30 / 7 جنيف
31/7 وحتى 3/8 انترلاكن احس المده قصيره عليها لكن مو مشكله نعوضها السنوات الجايه
3/8 العودة لباريس للعودة للوطن
طبعا انا خليتها من باريس لان التذاكر اغلى بكثير لو خليتها من جنيف
اللي اتمنى تساعدوني فيه هو الفنادق
بالنسبة لباريس شقق كلاريج الباقي ما ادري ؟؟
والتنقلات كيف راح تكون ؟؟ يعني ايش هيا المحطات ؟؟
وفي انتر لاكن ايش هي ابرز الاماكن اللي ممكن نزورها
اشكركم جعل الله مساعدتكم لي فرجا لكم في الدنيا والاخره

المحطات تعتمد على الاماكن الي حابة تزورينها ، حددي الاماكن و انا احطلك جدول للميترو سهل جدا ، اطبعيه و خليه معك في الشنطة دايم ..
السكن في جنيف عندك الكمبنسكي روعة على النهر مباشرة ، انا سكنت فيه ..

عندك الريسد هوم شققهم رائعة وعندك الماريوت ريزورت شققهم كبيرة ورخيصة بحدود 2500 دولار للأسبوع
ذي الشقق وين بالضبط؟؟؟