بصراحه انا جربت الكويتيه قبل كم سنه وكنت رايحه لتايلند
الطيران مافيه مشكله بس تاخرو بالروحه وجلسنا بالمطار تقريبآ 6 ساعات ...
اما طاقم الطائره ممتاز ...
بس كترفيه ونظافه الكراسي والوجبات و
انا افضل السعوديه وشفتها افضل من الكويتيه بواجد
ولا تنسين ان الامارتيه افضل من السعوديه يعني راح تكون اقل بواجد من الي متعودين عليه ...
بس ان شاء الله يكون الوضع تغير لان زي ماقلت لك مسافره من كم سنه ....

اختي الخطوط الكويتية تستخدم طائرات بوينج777 الي نيويورك وهي نفس الطائرة التي تستخدمها طيران الامارات وهي طائرات حديثة وممتازة والخطوط الكويتية غنية عن التعريف وحائزة على جوائز عديدة واتمنى لك رحلة سعيدة وموفقه وبالسلامة

انا سافرة سنة 2003 علي الكويتيه كويت لندن كويت وكانت نفس الطائره متجه إلي نيويورك بكل صراحه ممتاز ممتاز ربي يوفقكم

شكراً يا اخواني الله يديمكم لهالمنتدى.و انا كنت عارفة انكم ما بتقصرون

بصراحه انا جربت عده انواع من شركات الطيران .. صدقيني اخر شي حظج ونصيبج ياما الطياره تتاخر ياما تطير على الموعد او الطياره تطلع قديمه ومن غير مكيف ومافيها تلفزيونات وساعات تكون حديثه وطاقم الطياره اوكي ..
صدقيني كله حظ واللي يقول لج هاذه زين وهاذه شين اخرتها هي طياره تطير وكم ساعه تتحملينها .. بعدين اختي انتي مسافره سياحيه يعني كلهم نفس الشي .. اللي يفرق بالاولى واحسن طيران في الاولى الاماراتيه والقطريه .. اما طيران الخليج والسعوديه حجي فاضي لكني انا جربت الطيران الكويتي من فتره قديمه وكانت الطياره تعيسه من غير مكيف واعتقد ان الخدمه تغيرت الحين للافضل في ظل المنافسه .. وعن تاخير الطيارات احيانا الشركات مالها خص يكون التاخير بسبب اخر
توكلي على الله كل الطيارات نفس الشي الا المصريه طبعا ابتعدي عنها

حياج الله ام سارة
والله انا جربت عدة خطوط طيران وكلها على الدرجة السياحة منها : الكويتية والسعودية والقطرية والشرق الاوسط والاردنية .
بالعكس الكويتية وايد زينة مافيها شي واعتقد عيبها الشرعي هو التاخير بعض الاحيان.
ومثل ماقال احد الاخوان كل شي على الحظ والله يوفقج وتستانسون بسفرتكم.

تروحون وتردون بالسلامه انشالله
انا جربت الكويتيه والاماراتيه وكلهم نفس المستوى بس الاماراتيه افضل من ناحية وسائل الاستمتاع والكويتيه كراسي الدرجه السياحيه اوسع
فأنا انصحج تاخذين معاج لاب توب او دي في دي واذا عندج صغار اخذيلهم بي اس بي
وانشالله تكون سفره حلوه وممتعه

اختي ام ساره انا جربت الكويتيه من اول ما فتحوا خط الكويت نيويورك دايركت بصراحه الخدمه ممتازة لان الطياره تربل سفن او ثلاث سبعات طياره كبيره عكس الباص الجوي الصغير والمزدحم انصحج فيه بشده لكن بالمقارنه مع الاماراتيه اعتقد ان الاماراتيه افضل لكن مو كثير والكويتيه تعتبر الثانيه بعد الاماراتيه في دول الخليج خاصه
اما عن خط نيويورك فهو 14 ساعه الله يعينكم والرده 12 ساعه

أشكر الجميع على ردودهم وأهتمامهم بالموضوع
بارك الله فيكم وفقكم في كل سفراتكم