وهل تكفي الميزانية للسفر الى فيينا وسالزبورغ وزيلامسي ؟

كلمة ولو جبر خاطر !!!!!!

أعتقد لازم تزيد الميزانية شوي
شوف الموضوع واحسب 66% من قيمة المصاريف تقريبا يمكن يفيد معك
https://artravelers.com/p/re/709219
تقبل مروري

1. طبعا نا مزاجي صعب بالفنادق والشقق يعني ما أحب أسكن الا في مكان نظيف


2. فيينا سكنت بشقق فندقية Adagio Wien Zentrum

هلا والله أخوي
أنا بكتب لك تجربتي من رحلتي الي مازلت انا فيها الحين وان شاء الله برد على استفساراتك

طبعا نا مزاجي صعب بالفنادق والشقق يعني ما أحب أسكن الا في مكان نظيف

فيينا سكنت بشقق فندقية Adagio Wien Zentrum

الفندق موقعه استراتيجي قريب من ملاهي براتر وبرج الدانوب ونهر الدانوب وساحة ستيفن وقدام الفندق فيه مسار الترام ومحطة المترو U1 ومن خلال محطة المتروا تقدر تروح الى شارع الماريا هلفر وقصر الشانبرون خلال 10 دقائق الغرفة نظيفها وفيها مطبخ وفيها كل ادوات المطبخ كامل والنت مجاني.
سالزبورغ سكنت في فندق رمادا Ramada Hotel Salzburg City Centre
ويمتاز الفندق انه قريب من محطة القطار يعني مقابل بوابة المحطة مباشرة وفيه تحت الفندق مجمع تجاري ومطاعم
والنت مجاني
كابرون سكنت في شالية على شكل كوخ ريفي راقي أسمة Dorfchalets Kaprun
صاحبة الشاليه طيبه ومتعاونه والمكان نظيف وراح ترتاح بسكن في هذا المكان طبعا كابرون تبعد عن زيلامسي 8 كيلو
المكان هادئ وعلى جبل وقريب منك قمة كابرون الثلجية واغلب الأماكن السياحية في زيلامسي
ميونخ ما بعد اروح لها بس بسكن بأذن الله في فندق Mercure München City Centert
أنصحك حجزك يكون عن طريق موقع بوكينق لأنه اسعارة حلوه والأهم حجوزاته الى الأن مؤكدة ولا واجهة مشاكل منها
مو مثل المكاتب السياحية الي كنت احجز عندهم كل سنة يسوون لي فيلم في الديرة الي بروح لها بسبب حجزهم الفله
موقع بوكنق
https://www.booking.com/hotel/qa/w-doha-residences.ar.html?aid=1300939
الفيزة طلعة فيزة شنقين من سفارة النمسا بالرياض 4 أيام وطلعت لي الفيزة 190 ريال تقريبا لشخص الواحد
موقع السفارة
http://www.bmeia.gv.at/ar/botschaft/riyadh.html
الحجوزات بالفيزة كارد ولازم تحضر معاك الفيزة اثناء صعودك لطيارة و اثناء تسجيل دخولك للفنادق
التكلفه طبعا أنا مسافر مع زوجتي من غير أطفال
تأجير السيارة من مكتب سكست 8 أيام: 2760 ريال
تذكرتين سفر: 5984 ريال
فندق فيينا أربع ليالي:2137.07 ريال
فندق سالزبورغ ليلتين: 970.51 ريال
فندق كابرون 6 لليالي:2588.03 ريال
فندق ميونخ لليلتين:1278.39 ريال
المجموع الكلي لسكن والسيارة والطيران : 15718 ريال
ومصرف الرحلة: 13000 ألف
مصروف اليد 13000 ألف ريال مايعادل 2400 يورو وكنت متخوف من المبلغ ولكن النمسا رخيصه
معدل صرفي مع المطاعم في اليوم 120 يورو وايام اصرف 160 يورو و ايام اصرف 60 يورو
لدرجة صرنا نتسوق ماتوقعت الصرف راح يكون قليل العام الماضي صرفت في جاكرتا 12 الف ريال
شوف المقارنه واحكم طبعا باقي لي 6 لليالي ومازال عندي 1300 يورو يعني 8 أيام صرف 1100
طبعا 1100 حجزت منها تذكرتين قطار من فيينا الى سالزبورغ واستخدمة التاكسي 4 مرات واشتريت ملابس
ونصيحتي لك وأتمنى الجميع مايزعلون مني قد ماتقدر ابتعد عن التعامل مع العرب اصحاب المطاعم او التكاسي ولا تجعلهم وسطاء بينك وبين النمساويين لأنهم راح بيلعبون بميزانيتك
اشتريت باستا وبيتزا وكوكا كولا لشخصين من مطعم VAPiANo
ب 16 يورو والأكل راهي
ولمن رحت عند مطعم صغير يعتبر استراحة مو مطعم بس الي يبيع في عربي اخذت من عنده 2 ساندويش فلافل 22 يورو شفت النصب
توكل على الله والنمسا تستاهل تصرف فلوسك فيها واخذ بنصيحتي والله يوفقك ويسهل امرك

رحال المنتدى مشكوره على مرورك كم ازيد في الميزانيه حتى اروح وانا مطمئنه

ابو ليانا يعطيك العافيه كفيت ووفيت. ترجع بالسلامة يارب ويمكن اسعار الصيف تختلف عن الفتره الي انت رحت فيها هذا انا الي خائفه منه ؟ يعني ميزانيتي مناسبه ولا أزيدها ؟ *

ابو ليانا اذا ممكن تعطيني عنوان سفارة النمسا في المنطقة الشرقية ؟

السلام عليكم
بالنسبة للميزانية الافضل انكم تزيدونها لان 45000 = تقريبا 3300 دك
التذاكر راح تكلف بحدود 1000 دك
و الفيزا بالكويت ياخذون عليها 50 دك عالشخص ( 200 دك حق 4 اشخاص)
والسكن انا السنه الي طافت سافرت لمدة 21 يوم دفعت حوالي 550 تقريبا و انا بالسفر ما افضل الفنادق الفخمه لان طول اليوم راح اكون بره و الفندق بس حق النوم
و طبعا اهم شي عندي نظافة الفندق
لان اذا ابي فندق فخم لازم احددله ميزانية فخمه
عقب ماتشترون تذاكر و تخصلون الفيزا و تحجزون الفنادق
تشوفين جم يبقالكم من الميزانية و بناء عليها تقدرين تحددين شكثر تزيدون
و بخصوص التذاكر انا دورت بين القطرية و الاماراتية و لوفتهانزا
لقيت لوفتهانزا هي الارخص
و ماجربتها بس سالت عنها و قالولي خدمتها زينه و بناء على هذا انا حجزت حق هالصيف على لوفتهانزا
مبدئيا عقب ماتخصلون الفيزا و التذاكر و الفنادق و كونكم 4 اشخاص
تحسبين 200 يورو حق اليوم الواحد
و اي استفسار احنا بالخدمه
و رحلة موفقه