دلووووعه 33
24-06-2022 - 02:14 pm
اهلا بالجميع
معليش على كثرة اسألتي
كنا انا وزوجي فقط ناويين نروح سويسرا وفرنسا والنمسا
بس غيرنا رأينا وخليناها سويسرا وفرنسا بس عشان ناخد فتره اطول في سويسرا وعشان ما ترتفع علينا الصرفيه والميزانيه
حقولكم خطتنا وقولولي رايكم
0ايام سويسرا و4 ايام فرنسا
احنا رايحين فرنسا بس عشان ديزني وبالمره نزور برج ايفيل وقوس النصر
فايش رايكم فين نسكن؟؟ في بارس ولا في ديزني وايهما اوفر
وبالنسبه لسويسرا احنا نحب الفله والالعاب والرحلات فاعطوني مخطط حلو لمناطق سويسرا
وهل تغيير رأينا في النمسا صائب ولا خطأ هل ندخل النمسا في رحلتنا ولا كذا احسن
انا بصراحه نفسي اروحهم الثلاثه لمدة اسبوعين بس خايفه تكون مكلفه الرحله
معليش على كثرة الاسئله بس اول مره نسافر اوروبا
شكرا مقدما
بعد ما قرأت التقارير قررت ان شالله السفر في شهر مايو ان شالله يكون اختياري موفق وترتيب الايام كالتالي :
4 ايام جنيف و6 ايام انترلاكن و4 ايام باريس
بس اكتشفت انه السكن بجنيف وباريس مره غالي
ياريت تعطوني فنادق اسعارها كويسه حتى لو 3 نجوم بس المهم تكون نظيفه ما ابغاها فخمه بس الاهم تكون نظيفه
هل تقسيمي للايام تمام ولا فيه تقسيم افضل مع العلم انه فترة سويسرا راح تكون معانا سياره ان شالله
مع العلم انه تم اختياري لانترلاكن فندق Brienzersee ايش رايكم فيه !!!
اتمنى اني الاقي رد الله يعطيكم العافيه