هلا وغلا بأختي الفاضله أنتي كاتبه موضوعين
ماندري أي موضوع أرد عليه
هذي بوابة بريطانيا فقط
يعني الدول الثانيه للأسف في بوابات متخصصه فيها
ممنوع الرد عليها هنا
لازم الغي واحد

عيل اشلون اخطط رحله من 3 دول يا اخوي

اخوي هذا الموضوع مقترح ل 3 دول
والموضوع الثاني مقترح لبريطانيا فقط
بشوف شنو الانسب من من حيث التنقلات والدول والناطق وكل شي
واختار واحد
اما اني اسافر لبريطانيا
واما اسافر رحله ل3 دول لندن وفرنسا وسويسرا
وماني عارفه شنو الافضل
علشان جذي حطيت موضوعين منفصلين افضل لي

آختي الفاضل الافضل تخلين موضوع بريطانيا موجود والاعضاء والممزين والخبراء ما راح يقصرون معاج
والموضوع الثاني تحطينه في البوابه سويسرا او فرنسا

في بدايه الامر
لازم تحطين ببالج ان ما تقدرين تنتقلين بين سويسرا و لندن و باريس كله بالسياره !
بالنمسا و المانيا سهله
بس سويسرا و لندن و باريس تسافرين بينهم بالسياره راحت الايام عيل !
بين لندن و باريس ممكن بالقطار
سويسرا بالطياره

1. نرجع لخط سير الرحله .


2. انصحك تخذين خط سير من المدن الاقرب ثم البعد .

مرحبا .
انا بحط لج جدول مختصر بما ان الاخوه المشرفين مانعين نتكلم في دول غير بريطانيا
قبل مابدا حاب اصلح معلومه .
يصير تتنقل من باريس الى لندن بسياره وامرها سهل جدا ومايخذ عليك اكثر من عشر دقايق
وهذا الرابط ايفيدكم .
http://www.eurotunnel.com/uk/home/

نرجع لخط سير الرحله .

انصحك تخذين خط سير من المدن الاقرب ثم البعد .

يعني ايكون سكن في انترلاكن او لوسيرن وتقدرين من هنا اتروحين ليورب بارك كلها ساعتين بسياره من انتر لاكن وساعه وشي من لوسيرن على حسب المده وانصح ماتكون اكثر من ثلاث ايام . وعقبها الى جنيف اسبوع ومن جنيف تطلعين لكذا مدينه وترجعين بنفس اليوم .
وعقبها الى باريس وهذا اطول طريق تقريبا المسافه 600 كيلو او ميل ماذكر بظبط . ولكن تقريبا خمس ساعات بس بجد بيكون الخط متعه وسياره في اوروبا بشكل عام متعه جدا .
ومن باريس تسلمون سياره (اذا حابين ) وتطلعون بالقطار الى لندن . وفي لندن ما انصحكم بسياره والسبب سواقه شوي صعبه وفوق كل هذا ماتحتاجون سياره والباركنك اصعب شي .
يعني استجار السياره ايكون من مطار جنيف ومن المطار الى انتر لاكن والمسافه ساعه 20 دقيقه تقريبا .
وتسليم السياره في باريس .
واذا حابين اتسلمونها في لندن بعد مافي مشكله .
تحياتي لك واسمحولي المشرفين على بعض المعلومات لي ماتخص لندن ..

سوري نسيت كذا نقطه .
الجو بيكون روعه .
لندن في تاريخ 27 من شهر سبعه بتكون شبه محجوزه . فاعملو احسابكم من الان بالحجز .
فا ايكون المهم اتعرفون خط سير الرحله من اي مطار الوصول ومن اي مطار المغادره . ومن هنا نقدر انساعدج .
ورحلتكم مثل رحلتي في الفين وتسعه او ثمانيه . استلمت سياره من ميونخ وسلمتها في لندن .

اخوي انا حطيت موضوع بسويسرا يا ريت تدخل فيه وتساعدني
لاني شلت باريس من الحسبه وشلت لندن خلاص
بس ابي سويسرا ويوروب بارك
اتمى تساعدني هناك وتضبط معاي

كان حطتي لي الرابط .
على العموم اهل بوابة سويسرا مب مقصرين معاج .
واحسن شي انج كنسلتي لندن وباريس .