وعليكم السلام ورحمة الله وبركاته"
ما شاء الله تبارك الرحمن ..مخطط مرتب ومتناسق.
في مسار رحلتك توجد العديد من المحطات الجميلة ..مثلا:
بين فرانكفورت وميونخ ...مدينة نوريمبيرج
بين انيسبروك وفينسيا ..مدينة فيلاخ
بين فينيسيا وميلان ..فيرونا وبحيرة قاردا
بين ميلان وانترلكن ..لوقانو السويسرية
ممكن بعد انترلكن قضاء يوم في جنيف والريف الفرنسي (أنسي وشامونيه وايفيان) مرورا على مونترو الجميلة.
يوجد بديل لجنيف..وهو المرور على مدينة الالعاب اليوروب بارك ثم بعدها الى باريس.
التنقلات هل راح تكون بالقطار والا بالسيارة ؟؟
بالنسبة للأنشطة ..كثيرة جدا ..ولا يزال الوقت امامك لترتيبها واختيار الفنادق ايضا .
هذا موضوع تناقشنا فيه واعتقد مشابه لتخطيطك:
https://artravelers.com/p/re/751729
وهذا دليل سويسرا السياحي لمزيد من الاستزادة وخصوصا في سويسرا :
https://artravelers.com/p/re/51030
وبالتوفيق اخوي

في البداية احب اشكرك جدا على تفاعلك معي والله يكثر من امثالك ويجعله في ميزان حسناتك
طبعا انا احاول اجهز واحضر للرحلة هذه من قبل السفر بسنه تقريبا والحمدلله على طول اقرا في المنتدى وادخل قوقل ماب والحمدلله تقريبا صار عندي خلفية عن الدول اللي راح ازورها والحمدلله حجزت بسعر كويس على فرانكفورت ب 1670 ذهاب وعوده في نص شهر اغسطس يعني بعد عيد الفطر بعشرة ايام ( ايش رايك بالسعر )
وان شالله بعد كم يوم راح اعطيك تفاصيل رحلتي بالكامل واتمنى تساعدني باللي تشوفه الافضل والله يعينك علينا
سألتني عن التنقلات واكيد راح تكون كلها بالسياره لأن ( سويسرا والنمسا خصوصا ) ما تسوى بدون سيارة وموضوع استئجار السيارة ازعجني
بس باقي وقت طويل على هذا الموضوع
طبعا احنا 5 شباب وبس انا اقرأ واحجز واسوي كل شي والباقي نايمين ما يدرون عن شي
بس عليهم يسافرون وينبسطون ( الله يعين عليهم )
ملعيش على الاطاله والكلام الكثير بس احب اسألك كم تتوقع تكون ميزانية كل شخص لمدة 19 يوم سياحة واكل وشرب فقط من غير التذاكر والفنادق واستجار السيارة ؟؟؟
وشكرا

الله يسعدك اخوي ويوفقك ويسهل لكم السفرة باذن الله ..
سعر التذاكر ما شاء الله ممتاز ..لأن السنة هذه طلعت التذاكر لي وللمدام ب 4700 ريال..روحة جنيف وعودة من فرانكفورت.
وسعر 1670 ريال للشخص ما شاء الله حلو.
وان شالله بعد كم يوم راح اعطيك تفاصيل رحلتي بالكامل واتمنى تساعدني باللي تشوفه الافضل والله يعينك علينا
يا رجل ..عيوني لك ..وانا في انتظار المخطط المبدئي .
سألتني عن التنقلات واكيد راح تكون كلها بالسياره لأن ( سويسرا والنمسا خصوصا ) ما تسوى بدون سيارة وموضوع استئجار السيارة ازعجني
بس باقي وقت طويل على هذا الموضوع
كلامك صحيح وعين الرأي ..لكن لو كنت مكاني السؤال هذا طبيعي جدا ..لأن البعض لا يفضل قيادة السيارة .
وراح يفرق معاك ايضا في الانشطة .
لأن بعض الانشطة بالسيارة مشوارها ما ياخذ الساعة ..بينما بالقطار اكثر من ساعتين ..توقفات وتبديلات ..الخ .
طبعا احنا 5 شباب وبس انا اقرأ واحجز واسوي كل شي والباقي نايمين ما يدرون عن شي
بس عليهم يسافرون وينبسطون ( الله يعين عليهم )
ههه الله يعينك من جد .
مالك الا تحتسب اجرها عند الله .
اهم شي ما دام انكم شباب ..انكم توحدو الموجة ..والاهتمامات .عشان لا يصير تعارض.
و الميزانية ..لازم يتم الاتفاق عليها .
وعاد شكلهم بيحطوك اميرهم ..ويريحو راسهم.
ملعيش على الاطاله والكلام الكثير بس احب اسألك كم تتوقع تكون ميزانية كل شخص لمدة 19 يوم سياحة واكل وشرب فقط من غير التذاكر والفنادق واستجار السيارة ؟؟؟
وشكرا
العفو اخوي ..عادي جدا ..اسأل عن اللي نفسك فيه ..وباذن الله تكون الاجابة وافية شافية عندك من خلال هذا المنتدى .
اها نجي للمهم..الميزانية:
سويسرا نوعا ما اغلى من باقي الدول اللي راح تزورها ..بشكل عام طبعا .
لكن انا بفصلها لك شويتين:
في المانيا والنمسا وفرنساوايطاليا ..كمعدل لشخصين من 150 الى 200 يورو..يوميا ..وفيها نوع من الاريحية .
في سويسرا من 200 الى 250 فرنك ..يوميا ..وايضا بنوع من الاريحية.
ممكن تزيد ..وممكن تنقص.
هذه تشمل التمشيات + العشاء + بعض النقانق الخفيفة + شوبنج خفيف جدا ..زي يعني تذكارات ملصقات .
بالمختصر ..1500 يورو للشخص لمدة 19 يوم ..كحد اقصى .
تحتمل الصواب وتحتمل الخطأ .
اليورو عادي يمشي في سويسرا مكان الفرنك ..لكن الافضل الحساب بالفيزا.
لأن كل محل له سعر في تحويل العملة.
وبالتوفيق أخوي.