ان شاء الله تلقين المعلومات المطلوبه هنا
http://www.saudistudents.org/vb/

جزاك الله خير على الرد

فيما يخص اللغة إذا كان الضمان المالي الخاص بزوجك يغطي مصاريف دراسة الزوجة فماعاد باقي إلا القبول من معهد لغة وتبدين الدراسة على طول وإذا كان الضمان مايغطي وطلعتي الفيزا كمرافقة له فبإمكانك تدرسين على حسابك بعد مايجيك قبول لغة من المعهد أيضا هذا في حال ابتعث زوجك عن طريق عمله أما إن كان على حساب بعثة خادم الحرمين عندك أحد أمرين ياتقدمين على البعثة أو تروحين معه كمرافقة وتدرسين اللغة هناك على حسابك بعد مايجيك قبول من معهد معترف به .
بخصوص الجامعات أنا تجربتي مع جامعة بورتسموث في مدينة بورتسموث ممتازة لأني حبيت المدينة فهي عائلية وساحلية وبيئتها تعليمية والجامعة نظامها ممتاز وسلس بس تاكدوا من تخصصاتها من موقع الجامعة لو حبيتوا تاخذون معلومات عنها
الحجاب موضوعه سهل وعادي جدا لأن بريطانيا مليانة عرب وسعوديين تحديدا طبعا مع الالترام التام بعدم الخروج في الأوقات المتأخرة والأماكن المشبوهة . هذي معلوماتي واتمنى أني أفدتك .

شكرا ياخوي
طيب كيف انا اكمل الماجستير وانا تخصصي تاريخ محتاره اكمل في نفس تخصصي او اغير
وكيف الاجراءات راح تكون لأني على رأس العمل ومادري من وين ابدأ

طبعا أهم شي الحصول على موافقة العمل سواء للابتعاث عن طريقهم أو للتفرغ (إجازة بدون راتب)وتسجلين عن طريق البعثة تروحين هناك وتفتحين ملف في الملحقية ومعك أوراقك كاملة . بالنسبة للتخصص هذا يعود لرغبتك في التخصص من جهة والتخصصات المتاحة لك من جهة أخرى يعني لو ماضبط تاريخ ممكن تشوفين شي قريب منه . فيكون أول شي تجيبين قبول لغة وجامعة عن طريق الجامعة نفسها أو عن طريق أحد المكاتب المعتمدة أو عن طريق وسيط مع الجامعة أو المعهد . هذي معلوماتي بالشي هذا وبالتوفيق .