ان شاء الله الاخوان يفيدونك
انا كمان ابغى اطلع لافاموسا من بورت ديكسون بس مني عارف كيف ؟؟؟ المسافه اقرب ولااروحلها من كوالا؟؟

السلام عليكم ورحمة الله وبركاته
انت ماحددت من مدة سفريتك كم يوم عشان نشوف هل المده تساعد
إنك تقسمه علي كل هالمناطق وثاني شي بورت ديكسون وبانكور والكاميرون كلها هدؤ
وبالنسبه للنكاوي تقدر تروحها بدون طائره تروح بباص او تاكسي إلي بينانق ومن بينانق إلي لنكاوي
بواسطة الفييري عباره عن طريق البحر لمدة ساعتين ونصف إلي ثلاث
غير كذا افاموسا ماله داعي تسكن فيها ماتستحق السكن ممكن الزياره من كوالالمبور حدود ساعه ونص
ومن بورت ديكسون من ساعه إلي ساعه وربع تقريبا فلاتضيع يوم في افاموسا غير تعب التنقلات
وعموما بالنسبه للتوزيع لو بدون لنكاوي حسب طلبك في اكثر من طريقه ولو ماتحب تجلس في سيلانقور فأنا اشوف
اول ماتصل ماليزيا تاخذ تاكسي إلي بانكور طبعا تروح إلي لومرت حدود ثلاث ساعات ومن لومرت بواسطة
فييري عباره تنقلك لجزيرة بانكور حدود 35 الي 45 دقيقه تقريبا
وبعد ماتخلصون من بانكور نفس الشي عبر الفييري إلي مرفي لومرت وتاخذ باص لهم مكتب جنب فندق شوان فل هوتيل
وتروح لبينانق تقريبا من ساعتين ونص إلي ثلاث ساعات
وبعد ماتخلصون من بينانق تاخذ تاكسي او باص إلي الكاميرون هاي لاند حدود ثلاث ساعات ونص ونفس الشي
من الكاميرون إلي كوالالمبور باص او تاكسي وإذا باص حاول تحجزه اول ماتصلون الكاميرون حدود اربع ساعات
ومن كوالالمبور تاكسي إلي بورت ديكسون
وممكن فيه طرق ثانيه لو حبيت تريح اول يوم او يومين في سيلانقور او بورت ديكسون ثم تواصل رحلتك
إن حبيت تبدأ بالكاميرون او بجزيرة بانكور لك الخيار بتصير تقريبا نفس الشغله طبعا لو استثنينا لنكاوي حسب طلبك
بالنسبه لجينتنق والماينز مايقفلون بس تصير زحمه بالويكيند السبت والأحد وتلفريك جينتنق بعض المرات
يقفل الإثنين للصيانه بس تقدر تطلع جينتنق بدونه
وبوكيت تنجي او القريه الفرنسيه ممكن تزورها لو زرت جينتنق بواسطة تاكسي تنزلون بدري شوي من جينتنق
وتمرون بوكيت تنجي او تروح لها مشوار خاص من كوالالمبور حدود ساعه وهي مجمع سكني علي الطراز الفرنسي
والياباني مافيها يعني شي غريب ممكن تكتفي بالصور في النت ابحث عنها وصدقني تكفي

1. المهم لنرجع الى الاسئلة و الاسفسارات

السلام عليكم ورحمة الله وبركاته
مساك الخير و السرور
لا ازعاج و لاحاجة و نحن هنا فى هذا المنتدى الراقى تواجدنا لخدمة المسافر العربى
الاولى لك ان تختار احد البرامج المقترحة فى هذا المنتدى و التى تعد اكثر من برامج تشويقا لتحديد وجهتك الصحيحة فى زيارة مناطق و معالم ماليزيا الرائعة.

المهم لنرجع الى الاسئلة و الاسفسارات

مدام معاك العيال فالافضل ان تقتصر زيارة بعض الجزر المهمة مثل لنكاوى و جزيرة بينانج اما ما ذكرت باقى الجزر مثل " انكور والاسم الصحيح ( بانكور ) و بورت ديكسون حيث تمثل هذه الجزر وجهة العرسان او الباحثى عن الهدوء و الرومانسية . و هذا ما لا يصلح للاولاد حيث الهدوء و قلة الانشطة الرياضية فيها.
ممكن تمكث فى سيلانجور ليليتين (2) للراحة من عناء سفر الطائرة و المطارات و ثم تتجة الى بينانغ بالسيارة لمدة 5 ساعات و البقاء فيها مدة لا تقل 4 ليالى و منها ممكن الذهاب لنكاوى عن طريق العبارة ( فيرى ) و تجلس فيها 2 ليلة وثم ترجع الى بينانج .
انت مخير بالذهاب الى الكاميرون تقريبا 3,30 ساعة من بينانغ او تواصل العودة الى كوالالمبور.
و بعدها المكوث فى كوالالمبور و عمل برامج يومى للاسواق و المجمعات و الحدائق العامة وامكانية ترتيب زيارة مرتفعات جنتق من الصباح الى المساء و كذلك ترتيب زيارة لقرية الفرنسية بوكيت تانجى والقريبة من جنتق و الافضل تقديم زيارتها عن جنتق لان فى المساء يعم الهدوء فيها.
برامجك فى كوالالمبور :
اليوم الاول : الراحة فى الفندق و التعرف على اقسام المجمع التجارى و مرافق الفندق من بركة السباحة و النادى الصحى و المطعم ( لانه الفندق ضخم و تحتاج تاخذ فكرة عامة )
المساء الذهاب الى شارع العرب و التمشية و تناول العشاء و ممكن زيارة مجمع بى بى بلازا و مجمع سونق وانق الملاصق له.
اليوم الثانى :
فترة الصباح بعد تناول الفطور الذهاب الى المعالم السياحية المهمة فى كوالالمبور عن طريق الباص السياحى " هوب اون ) حيث يمر على 22 معلم سياحى بمبلغ رمزى.
بعدها العودة الى الفندق والراحة و تناول الغداء.
فترة المغرب الذهاب الى بركة السباحة حيث تغلق الساعة السابعة و النصف على ما اذكر.
بعدها الذهاب الى المجمع قسم الالعاب فى الدورين الخامس و السادس على ما اظن و تناول وجبة العشاء
لى تكملة .................
بالتوفيق

جزاكم الله خير وماقصرتو جميعا
وحبيت اوضح انه لازم اول ماوصل اكون في كوالا لمدة اسبوع لارتباطي بدورة ومدة السفرة 20يوم
ولم افضل الصن واي والسكن فيها لانه من خلال قرائتي حسيت انها كلها ملاهي وملاهي مائيه واقدر اخصص لها يوم ازورها من كوالا
والبورت ديكسون اعجبني الفندق وحسيت اننا بننبسط ونغير من خلال المسبح الموجود داخل الفلل ومفكر اخليه اخر يومين
وفهمت منكم اني اقدر اروح من جزيرة بانكور الى بيننانغ علطول
ايش رايكم لوسويت برنامجي
اسبوع كوالا من ىالاربعاء 19 /1 الى الثلاثاء 25/1 فندق التايم سكوير
من الثلاثاء 25/1 الى الخميس 27/1 جزيرة بانكور فندق ((((الى الان ؟؟؟؟
الخميس 27/1 الى الاثنين 31/1 بينانغ قندق فلامنجو ياليت احد يساعدني باسعار سويت ومطل على البحر اذا فيه
الاثنين 13/1الى الجمعه 4/2 كاميرون فندق اكواتريال ياليت احد يساعدني بسعره
الجمعه 4/2 الى الاثنين 7/2 بورت ديكسون ذا ليجند فيلا بمسبح
الاثنين هو موعد المغادرة ان شاء الله والرجوع الى ارض الوطن
ولنكاوي لو بغيت اضيفها واروح وارجع من بينانغ مايصير تعب تتوقعون ولا ماتتفوت هالجزيرة ايش رايكم
والسموحه ان كاني طولت عليكم وكثرت الاسئلة

صيفنا
طيب ممتاز دامك اول ماتصل بتجلس بكوالالمبور انا اقترحت سيلانقور للراحه
بس خلاص دامك بتسكن بكوالالمبور مايحتاج تسكن في سيلانقور
وعموما دامك بتروح الكاميرون وبورت ديكسون احس بانكور مالها لزوم للمعلوميه
مافيها شي إلا المنتجع اللي بتروح له والشاطئ حق الجزيره وجزر قريبه فاضيه مافيها شي
وافضل فندق فيها بانكور لاوت نظام فلل غير مسموح للأطفال ولو غالي في فندق بانكور ايسلاند وغيرهم لاتفكر
وفي بينانق انا ارشح لك البارك رويال او القولدن ساندس او الهارد روك او الهوليدي إن ارخص ومستواه اقل
لأن هالفنادق تقع في شاطئ الباتو فرنجي افضل مكان في بينانق
بالنسبه للأسعار
الفلامنقور سويت مكون من غرفتين نوم في موقع بوكنق = 545 رنقت شامل الفطور والضرائب والخدمه
بالنسبه للكاميرون فندق الأكوتريال غرفه ديلوكس موقع بوكنق = 360 رنقت شامل الفطور والضرائب والخدمه
وبالنسبه للجدول ممكن مثل ماقلت انت ولكن انا اقترح عليك العكس عشان تخف عليك المسافات
بشكل افضل يعني يصير جدولك
كوالالمبور -- كاميرون هاي لاند -- بينانق -- بانكور -- بورت ديكسون
وانا افضل دائما كوالالمبور في النهايه عشان التسوق ولكن انت مجبر عشان الدوره ولا فيه مشكله
ونصيحه في النهايه وانت بكيفك
الكاميرون الصراحه كثير عليها 4 ليال حدها ليلتين
اقترح عليك ولا ودي الخبطك تشيل يومين من الكاميرون مع يومين بانكور وتخليهم بلنكاوي
او بس تشيل ليله من الكاميرون مع ليلتين بانكور وتصير لنكاوي ثلاث ليال والكاميرون ثلاث ليال
والله لنكاوي ابرك واشرح من بانكور وفيها نشاطات كثير ولا بيفرق معك إلا الفييري العباره
لما تروح ولما ترجع لبينانق والمشوار هو نفسه من بينانق للبورت ديكسون
ولو ترجع من لنكاوي لكوالالمبور بالطائره افضل واسرع ومن مطار كوالالمبور لبورت ديكسون اخر يومين
فكر فيها ولا تلخبط نفسك
معليش علي عدم الترتيب بس عندي اكثر من شغله وابي انام

مشكور اخوي وماقصرت وراح اعتمد كلامك ان شاء الله
وبالنسبه للجدول ممكن مثل ماقلت انت ولكن انا اقترح عليك العكس عشان تخف عليك المسافات
بشكل افضل يعني يصير جدولك
كوالالمبور -- كاميرون هاي لاند -- بينانق -- بانكور -- بورت ديكسون
وراح افكر بلنكاوي باذن الله

فرصة لا تفوت لنكاوى !!
و مثل ما قالك الخبير زازازا لا داعى لزيارة بانكور و اكتفى بالكاميرون و بورت ديكسون
بالتوفيق

للرفع
الله يسهل جميع امورك