اخوي كزنوفا فهد لا زم اتجرب اكثر من مكتب سياحي لأن كل مكتب عنده مختلف الفنادق وفي مكاتب سياحية تحجزلك بس الفنادق اللي تتعامل مع المكتب السياحي جرب فندق اسمه ( ولدن هوف ) جميل على البحيره وايضا فندق اسمه ( feinschmeck )

السلام عليكم ورحمه الله وبركاته
هلا فيك اخوي كزنوفا فهد . انا رجعت من النمسا الخميس الماضي وتقريبا عرفت اماكن بعض الفنادق اما الفندق باد هاوس موقعه بعيد جدا ويبعد تقريبا 2 كيلو عن فندق قراند والمسافه هذي في زيلامسي يعني خارج القريه يعني مره بعيد وعرفت موقعه من قوقل ايرث بصراحه ما ينفع بالمره ياليت تدور وما تيأس لانه كل يوم ناس تكنسل حجوزاتها وناس تحجز وبالصدفه يلاقون امكانيه. وانصحك بموقع حجوزات ذكره اخونا العضو sam963 والموقع يعطيك الفنادق كلها مع بعض في صفحه وحده وكل فندق يكتب امامه اذا فيه امكانيه او لا والسعر الاجمالي وهذا عنوانه http://www.hotelscombined.com
جرب وان شاء الله تلقى حجز.
ارشح لك بالترتيب حسب رايي :
قراند هوتيل - سي هوتيل - فندق فيشر وهذا اللي انا نزلت فيه بصراحه موقعه قريب من البحيره ولا نص دقيقه حتى توصل - فندق نيوبوست او هيتزمان لانهم قريبين من بعض - فندق رومانتيك. وابعد كل البعد عن فندق لاتيني لانه مرتفع وبعيد عن البحيره. واخيرا ارجوا اني افدتك ولو بجزء بسيط.

اخي ابوتالا
اولا انا عاجز عن شكرك لاهتمامك بموضوعي وردك على استفساري
ثانيا الي انا مستحي اقوله اني اصلا حجزت فيه عن طريق النت بعدين طقتني الحسوفه
والي دفعني لهدا الشي ان مكاتب الحجوزات سكروها بوجهي مره قالو لي غير مسارك عن زيلامسي مو بس منت لاقي حجز فجيت محبط وحجزت بهالفندق
الحين بناءا على ردك شكلي بكنسل بس عاد مدري وش بيواجهني منهم الله يعيني ويعين خويي فتيت الانجليزي علي
بس مدري من وين ببدأ
عموما احسن من روحتي هناك مدربي راسي وبعدين
دعواتكم لي ان الله يعيني واكرر شكري لك ابو تالا الله يوفقك انت وامثالك من ابطال هالمنتدا

سيدي الفاضل .. كازنوفا فهد ..
السلام عليكم ورحمة الله وبركاته ..
أولاً : لازم تدرس اختيارك للفندق جيداً
طبعا مافيش ثانياً
شوف أخوي أنا أفضل وبدون تفكير تروح تحجز على طول في فندق اسمه LATENI HOTEL فندق لاتيني وهو افضل المواقع في سيلامسي للأسباب التالية :
1- الفنادق المطله على البحيرة ما انصحك بيها وذلك لكثرة الناموس الفتاك بيها وكمان لكثرة الخليجيين فيها - :112:
2- لقرب فندق لاتيني من مركز المدينة
3- لفخامة ونظافة وخدمات لاتيني هوتيل
4- لقرب المطعم الهندي من لاتيني يمكن مسافة 30 متر
4- انا سألت موظفة الاستقبال مرة عن هل لو جيت بنفسي عندكم وابغى احجز هنا - هل راح الاقي حجز قالت اكيد
5- سعر الغرفة للعائلة الصغيرة من موظفة الاستقبال 65 يورو بدون فطور واحتمال مع وجبة الفطور تصل الى 105 يورو
6- اذا تم اخلاء كل الفنادق بسيلامسي وقالو اسكنو ببلاش راح اختار فندق لاتيني فقط
7- توجد بفندق لاتيني خدمات رائعة لم اذكرها اتركك تكتشفها
تحياتي

جربي هذا الموقع ممتاز
ولا يعطيك الى الفنادق الي عليها امكانيه مع العلم انه شركة المانيا موثوقه ...
https://www.booking.com/searchresults.html?aid=1300939

هلا بالجميع
اشكر كل بأسمه نكا نكا على تفاعلهم معي روح الامير - ابوتالا - مو انا - الموسيقار وفق الله الجميع
بس مشاركتك مدري وش تبي ياولد الخبر شكلك مضيع الصفحه بس برضه منور حبيبي
عموما احب اطمن الي اهتموا بموضوعي اني الغيت حجزي في فندق باد هاوس ابشركم ولا اخدو علي ولا ريال تصدقون جزاهم الله خير ما قصرو لو انا عند ابو عراب كان قالو بالفيزا بس الله فكها
لانهم يقولون ادا الغيت حجزك قبل 14 يوم ماناخد عليك اي رسوم
عاد الله يعيني على التدوير عن بديل
وشكرا للجميع
دعواتكم

ايها السيدات والساده
وش رايكم لو اروح وعلى الله وبالله
يعني ادا وصلت ادور سكن
او
انا عندي خمس ايام قبل في فينا ادور في المكاتب السياحيه هناك
علما بأن لغتي الله بالخير
ابي رأي اهل الخبره
سلام

حياك الله اخوي كزنوفا فهد
قلبي معاك وودي تلقى حجز في فندق قراند لكن ربنا كريم.
لكن لا تيأس ترى الحجوزات مثل ما قلت لك كل يوم ناس تحجز وناس تلغي حجوزاتها يعني خلك معاهم وكل يوم شيك وشوف الشقق والا ما تلقى يوم حجز ان شاء الله. لكن طمنا عليك حتى لو وصلت هناك وحجزت لا تنسى تعطينا علومك وبالتوفيق يارب.