الله يبارك لنا جميعا بهذا الشهر الكريم ومبروك الزواج اخوي وياليت تحدد محطة الوصول ومحطه المغادره علشان الاعضاء يقدرون يرسمون لك افضل مسار تحياتي

hmadh76
رمضان مبارك علينا وعلى الامه الاسلاميه
انا ياجماعه حاجز على سويسرا لشخصين لشهر العسل عقبال الجميع
في 13 سبتمبر والعوده 26 على الخطوط المصريه الله يخارجنا منهم
لذا ارجو منكم برنامج سياحي ونصائح للفنادق اللي اتمناها تكون اسعارها متوسطه
واماكن لسياحه
اريد استئجار سياره كيف طريقتها وايش مشورتكم
وممكن سوال كم المسافه لفرنسا بالسياره وهل تنصحوني اروح
بليز ساعدوني يااهل الخبره
تم تغيير الحجز للخطوط السعوديه من جده لجنيف 12 سبتمبر
ومن جنيف لجده 26 سبتمبر
ارجوكم املي في الله ثم فيكم

لو تغير مكان الاقلاع او الهبوط لمكان ثاني احسن
انا رحت الرياض جنيف
باريس الرياض
واخذت سيارة وتمشيت ورحت من انترلاكن لباريس بحدود ال 6 ساعات كان بعض الشيء متعبه
انت اصمل على المدن و يجيك البرنامج والفنادق
لو تقضي بسويسرا الوقت الاكثر افضل

اخوي لو بس تقدر تخلي محطة العوده باريس يكون افضل وما راح يزيد عليك بالتذاكر الا شيء بسيط ويكون افضل مخطط لك يكون كالتالي المحطه الاولى جنيف4 ليالي وماجاورها تستلم سياره من الجانب الفرنسي المحطه الثانيه انترلاكن وما جاورها 4 ليالي تبعد عن جنيف بالسياره ساعتين ونصف المحطه الثالثه مدينة Konstanz الالمانيه ليلتين او 3على الحدود السويسرية تبعد ساعتين وعشر دقائق عن انترلاكن وهي قريبة من زيورخ وشلال الراين وقرية هايدي واماكن كثيره رائعه وهي ايضا قريبه من الحدود النمساويه المحطه الرابعه مدينة Strasbourg الفرنسيه على الحدود الالمانيه وتبعد بالسياره ساعتين و45 دقيقه الطريق يمر بك من خلال الغابات السوداء الالمانيه والمدينة قريبه من اليورب بارك 40 دقيقه وقريبة من بادن بادن الالمانيه تقضي فيStrasbourg ليلتين او 3 وتسلم السياره ولانها مدينه فرنسيه فلن يكون هناك ضريبة اختلاف دول بما انك استلمتها من جنيف الفرنسيه وتنطلق بالقطار السريع الى محطتك الاخيره باريس (ساعتين ونصف بالقطار و6 ساعات بالسياره علشان كذا قلت سلم السياره ) تحياتي

يعطيكم العافيه وماقصرتوا مع اني طلعت التذاكر الساعه4 لكن هذا دليل مافيه خبره
برجع للمكتب واشوف
وبالنسبه لفيزا الشنقن حصلت مكتب بيطلعها بس من السفاره التشيك وتقدر تدخل بها اي دوله ماعدا هولندا والمانيا اذا كانت محطتك الاولى تتوفعون معاه سالفه وبي ياخذ 800 للواحده
واكرر شكري واتمنى مساعدتي

hmadh76
فيزا الشنقن تقدر تدخل فيها اي دوله من دول الشنقن ولكن نسمع ان بعض الدول تشترط اذا كان الدخول من عندها ان تكون الفيزا ايضا من عندها مثل المانيا ولكن ما فيه شيء يثبت ذلك ولا ينفيه واهم شيء اذا المكتب بيسوي لك فيزا اشرط عليه تأمين سفر حقيقي مهوب وهمي ويكون من التعاونيه لان بعضهم يسوي تأمين سفر وبعدين يلغيه وبعدها يورطك بالسفر لو صار لك شيء لا سمح الله وتكلفه الفيزا تقريبا 300 ريال مع التامين يطلع المجموع تقريبا 400 ريال الى 450 ريال والباقي يحطها في جيبه المكتب وهذى للعلم والمكتب دائما ما يحجز لك السكن بدون ما يكلف نفسه بحث العناء ويمكن يسوي لك برنامج شحططه يعني يسوي لك محطه والمحطه الثانيه تكون بعيده وبعدين يرجعك لمحطه قريبه من محطتك الاولى وهكذا قلبه راس وتحصله يرجعك من نفس محطة الوصول تعذيب في تعذيب تحياتي

hmadh76
كل عام وانتم بخيررمضان مبارك علينا وعلى الامه الاسلاميه
انا ياجماعه حاجز على سويسرا لشخصين لشهر العسل عقبال الجميع
في 13 سبتمبر والعوده 26 على الخطوط المصريه الله يخارجنا منهم
لذا ارجو منكم برنامج سياحي ونصائح للفنادق اللي اتمناها تكون اسعارها متوسطه
واماكن لسياحه
اريد استئجار سياره كيف طريقتها وايش مشورتكم
وممكن سوال كم المسافه لفرنسا بالسياره وهل تنصحوني اروح
بليز ساعدوني يااهل الخبره
وجهة نظري: وصول جنيف مغادره زيورخ لقصر المده 13 يوم كثر التنقلات متعب تحتااج استرخاء .
المده 13 يوم ماراح تغطي الأماكن الي ذكروها لك الشباب صحيح الواحد وده يمر كل الأماكن ولااكن لاابد من المده تكون وافيه 13 يوم انا اقول يادوب تكون على النحو التالي
جنيف وصول
مونترو 3 ايام قمة قيس3000 او القلعه وتقدر تزور ايفيان ولوزان منها
انتر لاكن 5 أيام نشاطات ومغامرات سياحيه جميله المدينه
لوسيرن 3 ايام من لوسيرن تقدر تزور بادرقاز وبيت هايدي وحديقة الزهور
زيورخ يومين تقدر تزور شلاالات الرين او اوربا بارك والعوده الى ارض الوطن من زيورخ
تحياتي.

السلام عليكم ورحمه الله وبركاته
انا مسار الرحله 12 سبتمبر الوصول لجنيف و27 المعادره من باريس
والحين ابي منكم تساعدوني بالبرنامج والفنادق

hmadh76
5يوم 14 ليليه وصول جنيف مغادره باريس
جنيف وصول
مونترو 3 أيام قمة قس 3000 او القلعه وتزور ايفيان جميله وتقدر تروح غرير تصعد الجبل لريف والجبنه
انترلاكن 4 أيام نشاطات ومغامرات وسياحه المدينه جميله وتقدر تزور لوسيرن مدينه جميله
زيورخ يومين تزور شلاالات الراين 30 كيلو من زيورخ وانصحك بفندق ماريوت نايس فندق
ستراسبورغ 3 أيام تقدر تزور اوربا بارك برست وتقدر تزور بادن بادن الألمانيه ستراسبورغ مدينه سنترها جداً جميل
باريس 3 أيام الشانز - متحف الوفر - دزني لاند اذا تبي بعد برج ايفل معالم اخرا سياحيه
بالتوفيق
ملااحظه :
اطول طريق راح يكون من ستراسبورغ الى باريس 488 كيلو والسبب انك اخترت باريس للمغادره لو زيورخ يمكن نوفر 488 كيلو ونختصر ع العموم بالتوفيق