الراقي دوما
02-10-2022 - 12:58 pm
السلام عليكم ورحمة الله وبركاته
انا ان شاء الله عاقد العزم على رحلة برشلونه لاكن قبل لا اروح ابي اعرف أسماء الاحياء اللي فيها المناطق السياحيه
باستخدام المترو
اللي اعرفه اني ان شاء الله بسكن في شارع الرامبلا واكيد اني بعرف اقرب محطة مترو لي لكن لو بغيت اروح الى نصب كولمبوس او نادي برشلونه او النافوره او البنايات اللي من تصميم غاودي انا اعرف محطات المترو اللي تودي لهم لكن المشكله اللي عندي لو ركبت المترو وين المفروض انزل في اي منطقه يعني لان عندي خريطة المترو منزلها من موقع برشلونه تورست قايد وفيها اسماء المناطق اللي يوقف فيها بس
والاستفسار الثاني البطايق حقة المترو من وين احصل عليها وهل لها ايام محدده استخدم البطاقه فيها على حسب السعر ؟؟
ارجو ان كلامي واضح لكم عشان تقدرون تجاوبوني وشاكر لكم تعاونكم
انت عارف انك بتلقى اقرب محطه لسكنك واستقبال الفندق يفيدك
وعارف المحطات اللي بتروح لهم بالاسم
وعندك خريطة المترو
اللي باقي انك تروح لاقرب محطه لفندقك وتشوف وجهتك
اذا كانو على مسار واحد تروح مباشره
واذا كانت وجهتك على خط ثاني ,, تنزل في المحطه اللي يتقاطع فيها القطارين وتركب القطار الي رايح لوجهتك
البطايق تلقاها في المحطات ممكن تشتريها من مكاتب التذاكر او من الماكينه وبعض المحطات بس فيهم مكينه ان ماخاب ظني
وتقدر تستخدمهم يوميا بكل وقت على حسب نوع البطاقه ,, فيه 24 ساعه وفيه اكثر وفيه على حسب التنقلات مثل 10 رحلات بحيث ان تغيير القطار مايعتبر رحله