الله يوفقك أخوي العزيز
ويجعل سفرياتك كلها سعيدة
ويحفظ لك عيالك
لكن نصيحة ..... أنس القطارات .... بين مدريد وبرشلونة ..... وبين برشلونة وباريس
صراحة المسافة كبيرة جداً
والتكلفة مثل الطائرة ويمكن أكثر
ويمكنك تجربة القطارات .... بين مدريد وملقا
لكن إذا أنت مصر جداً على التعب والغثا
الله يعينك
بالنسبة للقطارات في مدريد أو برشلونة أو باريس
كلها فكرة واحدة
تعرف المحطة الي بتنزل فيها .... هذا أول شي
وثانياً تعرف آخر محطة في الطريق الي أنت متجه له
وتمشي مع العلامات واللوحات الإرشادية الي تدل على أسم آخر محطة في خطك
مثال مترو مدريد
الخط رقم 10 أسمة Fuen carral / Puerta del Sur
تمثل أسماء أول وآخر محطة في الخط رقم 10
إذا أنت في محطة Chamartin ثالث محطة على الخط رقم10
وتبي تروح محطة Begona ثاني محطة على الخط نفسة
تتبع لوحات Fuen carral
إذا أنت في محطة Chamartin ثالث محطة على الخط رقم10
وتبي تروح لمحطة Plaza de Castilla رابع محطة على نفس الخط
تتبع لوحات Puerta del Sur
وهكذا

بالنسبة للرحلة من مدريد لملقا
فقط توجه لمحطة Atocha Renfe على الخط رقم واحد
ويمكنك شراء التذاكر لملقا من هذه المحطة
وركوب القطار من نفس المحطة بإتجاه ملقا
أتمنى أني قدرت أفيدك
مودتي وإحترامي
أخوك
المنقلب

الأخ المنقلب كفى و وفى بالشرح
بس بالنسبه للقطار بين برشلونه و ملقا هذا سألت عنه هناك
يكون عندك ثلاث خيارات فيه قطار ياخذك ب 12 ساعه و الثاني ب 18 و الثالث ب 20 أو 22 ساعه
يعني الشغله متعبه
أما الطيارات اول شيء انا شيكت الأسعار عند موقع
http://www.expedia.com
و عطاني اسعار ممتازه قرابه 90 دولار للشخص ... يوم رحت هناك طلعت لي التذكره للشخص بقرابه 120 يورو
و مشكله الموقع انه ما يخدم الا اللي بأمريكا و كندا فحاول هنا اذا لقيت او من مكتب تعرفه هناك انه يعطيك سعر حلو ..
كل هذا صار في شهر اغسطس 2005 أوله ... ما ادري اذا النظام كذا بس وقت الزحمه ولا ما أدري؟؟
هذا اللي عندي حاليا
و على فكره القطار من مدريد الى ملقا اخذ مني 4 ساعات.

اللهم يارب...انه يوفقكم جميعا...
لكن...حتى لو هي متعبه...انا ماعندي مانع لان زوجتي تبغى القطار...لكن كيف الحجز والتذاكر...وهل يتكلمون انجليزي...وهل العمليه سهله..ولا ممكن الواحد يخربط...لاني بصراحه اخاف يضفني قطار ويجدعني بمكان...الله اعلم...
وبصراحه...اذا ما عليكم كلفه...ابغى اشوف مدريد_ماربيا-برشلونه-باريس- مدة 14 يوم هل تنصحون برنامج معين علما بان التنقلات كلها ابغاها بالقطارات...علشان زوجتي تطفش ؟؟؟
اخيرا...كم يكلف لو اخذ سواق يوم كامل في كل مدينه..وهل الافضل اسوق انا...ولا تكاسي...
شاكر لكم المجهود الطيب والله يوفقكم...

عزيزي
إذا وصلت مدريد
ماعليك سوى أنك تسأل الفندق عن أقرب مكتب سياحي
ومن عنده تقدر ترتب رحلتك زي ما تبي
بالنسبة للقطارات متوفرة بسهولة .... إن شاء الله
يعني من مدريد لبرشلونة في اليوم يروح أكثر من حوالي 10 قطارات ...
يعني إن شاء الله راح تلقى رحلة في اليوم الي أنت تبي
من مدريد لملقا ... كل ساعتين قطار .... وهكذا
يبغالك قبل رحلتك بيوم تمر محطة القطار وتشتري تذاكر رحلتك
وجميع الأماكن السياحية العامة تقدر تتفاهم معهم بالإنجليزي
بالنسبة للسواقين ... في مدريد وبرشلونة وباريس ... ما تحتاج لا سواق ولا سيارة
جميع المناطق السياحية يمكن الوصول لها بالمترو أو الباصات وبسهولة
في ماربيا .... فقط خذ لك سيارة صغيرة ... والقيادة فيها مو صعبة ومريحة
بالنسبة لي أكره القيادة ... ويمكنك الإستغناء عنها بالباصات والتكاسي
تمنياتي لك بالتوفيق
مودتي وإحترامي
أخوك
المنقلب

الله يجزاك خير...اخوي المنقلب...
عندي سؤال اخير...
انا اشوف pass entry يوم شفت الرحلات بالقطار من برشلونه لباريس...بس ما ادري هل فيه شي او اوراق ...
وهل القطار يتغير...لاني ناوي اطلع بالقطار من برشلونه الا باريس....

عزيزي
بكل صراحة .... لم أجرب .... الرحلة بين برشلونة وباريس بالقطار
تجربتي ... كانت أصعب ... بين لندن وباريس .... وما كان فيها أي تعقيد أو تغيير قطارات
مجرد ... يشيك على الجواز ...قبل ما تدخل صالة المغادرة الرئيسية
وإذا شاف فيزا الشنقن ... وفيزا بريطانيا ... يسمح لك تدخل الصالة وتركب القطار
وأنا حجزتها من محطة القطار قبل الرحلة بساعتين
يعني حتى الرحلات الدولية متوفرة
وما عليك خوف إن شاء الله
مودتي وإحترامي
أخوك
المنقلب