السلام عليكم
هذا تقريري و فيه تقريبا كل الاماكن اللي حابه تزورينها
https://artravelers.com/p/re/891890
الشقق لاقونا سعرها حلو و موقعها ممتاز و موجوده في بوكينج و في موضوع لاحد الاخوان عنها في البوابه
رحله موفقه ان شاء الله

ماقصرتي اخت هاوية تقريرك شفته وسجلت منه تقرير رائع ماشاءالله
بالنسبة للسكن كيف انطباعك عنهم ممتازين ويستاهلون لان ماحصلت سكن الا وفيه سلبيات احترت
ايهما افضل ليدر بلازا او لي رويال ع اني حبيت ليدر
سجلت لاغونا بالقائمة

طبعا ليدر بلازا احسن من لي رويال بس موقعه بعيد عن المدينه و خاصه وقت الذروه تستوي زحمة فضيعه
و المشكله انه ما عندكم سياره
شوفي لاغونا يمكن يكون انسب

اي والله من التعليقات كانه بعيد واحنا تكاسي الواصلات ووقت اجازة
لاغونا عجبني كثير وراح نتصل فيهم ان شاءالله
يعطيك العافيه اخت هاوية ماقصرتي الله يبارك فيك

الرد الوافي اليوم ان شاءالله عندج

1. المهم الزيارة حابتها تكون احلا سفره لنا لان صارت بعد زن كم سنه


2. ممكن اضافات ع حسب الجدول بالقرب


3. مشكورين مقدماً

وعليكم السلام ورحمة الله وبركاتة حياكم الله في ديرتكم
حابه اسال عن مكان للسكن شقق فندقية نظيفه وقريبه للأماكن (مطاعم - سوبرماكت) مولات
غرفة بس لان بس للنوم وخسارة اخذ اكبر بزيادة ملبغ (نوفرها للطلعات والتكاسي افضل)
شفت ببوكنق شقق اوتاد وسبايس بوتيك اسعارهم لكل الأيام من (4500-5000)
ماقصرت هاويه وانا انصحج في لوغانو موقعه ممتاز او بودل او بلازا اثينا
حابه تساعدوني بتحديد الجدول اليومي راح احط الاشياء الي حابين نزورها ممكن اضافات وممكن تعديل

المهم الزيارة حابتها تكون احلا سفره لنا لان صارت بعد زن كم سنه

المطاعم (فريج صويلح -ميس الغانم-المطعم الدوار بالابراج-مقهى سليمان الشميمري) الدوار مسكر والابراج مسكره ماراح تفتح الا 2017 - breakfast club الاكل عنده لذيذ والريوق قوي موجود في شرق برج كيبكو لازم تتريقون فيه وتطلبون بان كيك كندر دمار - فيلا فيروز لبناني في الافنيوز واكله توب بعد - نينو ايطالي - كوكوروم وسلايدر ستيشن امريكي فيهم من الريوق لي العشا في منطقه السيف مقابل قصر السيف - p+f ,ولادوريه و كاكاو كلهم في 360 مول - شوكلت بار في منطقة البدع او سبونز المنقف - concept15 في الرايه - ميلنزاني ايطالي في البدع والافنيوز - مطعم الحمرا وطربوش في الافنيوز .. اذا تاكلون ياباني او صيني اعطيكم مطاعم ( ماكي - واسابي - ساتشي - لا سوشي بار ) في المباركية : دانه المباركيه - دلق سهيل - حليب وهيل - الشمم والخ

ممكن اضافات ع حسب الجدول بالقرب

المولات (المباركية -سوق شرق-الكوت-المارينا-السالمية-مجمع الاوقاف -مجمع البلوكات قالوفيه دراريع) المباركيه سوق قديم مو مول - سوق شرق والاوقاف والبلوكات كلهم يم بعض - البلوكات فوق عند الخياييط تلقين موديلات ويقدرون يوفرونها لج بسرعه - الاوقاف شوي اتركوه الناس وماقاموا يتجهون له - عندج برج التجارية وكيبكو وجاسم هذيل فيهم محلات مصممات كويتيات وعندهم اشياء حلوه بس اشوي الاسعار مرتفعه - جمعيه السلام في جنوب السره خلف بنك برقان في مول فيه 33 بوتيك وتلقين اشياء عندهم - في (ردن) رودنيا الزامل مصممه كويتيه واشياءها حلووه في منطقه الشعب البحري شارع الخليج دانه بلازا - وفي هديل اشكناني في الشعب البحري قطعه 8 شارع بن سلام - المولات : الافنيوز - 360 - مارينا مول - الكوت - سوق شرق الماركات : الصالحيه - الافنيوز - برج الحمرا - الاسواق متناول الجميع - سوق السالميه - المهلب - مجمع النقره الشمالي والجنوبي - الحمرا في الفروانيه والعربيد للدراعات
(الجزيرة الخضراء-المركز العلمي يتكون من شنو بالضبط - ارض المعارض من شنو بالضبط ) الجزيره فيها عروض يوميه واخر يومين اليوم وباجر - المركز العلمي في الحياه البحريه احواض القروش والاسماك والبريه وصاله الاستكشاف للاطفال وسينما اي ماكس - ارض المعارض فيها معرض كويتي وافتخر فيه كل شي مع قريه رمال منحوتات رملية من الف ليله وليله حلوه للاطفال -
وسيلة المواصلات في شركات معتمدة للتكاسي وكم سعرهم تقريباً في مكاتب بس جم الاسعار مااعرف والله هذيل مكاتب تتصلين وايونكم وفي الجواله
سينما للأطفال افضل مكان لهم وكمان مكان للاطفال مميز وتنصحون فيه
ناويه اجهز للعيد لي انا والعيال لان بكون برمضان قريبه ولادتي ان شاءالله على خير

مشكورين مقدماً

في ماجك بلانت وكيدزانيا في الافنيوز - في مجمع ديسكفري في الديره الكويت مقابل التأمينات - في حديقة الشعب - في حولي بارك - وفي 360 فوق العاب للاطفال السينمات كل المولات فيهم واتشوفون الافلام اللي تناسبكم وتابعي تقرير الانشطه والفعاليات في صفحه البوابه وبتعرفين شنو في انشطه في وقتكم
]

يعطيك الععافيه اخت كويتيه ماقصرتي
حسيت نفسي ضعت ومتشتته
حابه اسوي الجدول كل يوم بيومه وحسب المناطقمثلا يوم الثلاثاء الوصول العصر السكن وبعد العشاء نروح لكذا ونتعشاء ونرجع
يوم الأربعاء نفطر بكذا ونروح كذا وكذا وكذا
ممكن تساعدني الله يبارك فيك

يوم الوصول 26 يصادف الأربعاء وراح يكون في مسيرات الاحتفالات يعني زحمه السالميه والأسواق ان شاءالله تكون مفتوحه
مثلا وصلتوا العصر ممكن بعد صلاه المغرب وبما أن سكنكم في السالميه كل شي يمكم تقدرون تروحون مشي عندج سوق السالميه وشارع سالم المبارك فيه ( الفنار- ليلى غالاري- زهره- مريم سنتربوينت- مركز السلطان) والجهه الثانيه اتجاه مارينا مول والسالميه القديمه واليديه وكله محلات واسواق وأماكن ترفيه للأطفال- تعشوا في فريج صويلح يم مارينا مول وبعدها دسوا السينما في المول او تقعدون جهه الثانيه من المارينا كافيهات ومطاعم ..
اليوم الثاني 27 يصادف خميس تكملت أجازه الاحتفالات تروحون الصبح المباركيه وتتريقون اذا حابين في دلق سهيل او breakfast club في برج كيبكو تتمشون في المباركيه الأجواء حلوه وكل شي فيها ويمها البلوكات - برج كيبكو في محلات قلتلج لمصممات كويتيات وبرج التجارية وترا مو ابعاد عن بعض وكلهم حوالينكم محيط الديره وبعد بيت ديفا وشرق يم المستشفى الأميري وبعدين سوق شرق وآخر شي تغدوا في ميس الغانم يعني نفرض خلصتوا مشاويركم عا2:30 يعني 3 انتوا فيه زين بعدها ترجعون اذا حابين تريحون وتالي روحوا حديقه الشعب لعبوا اليهال والعشا في نينو الايطالي عالبحر .
اليوم الثالث اليمعه 28 الصبح تروحون الأفنيوز اذا حابين تتريقون في مطعم الحمرا بغراند أفنيو او اي هوب او كافيه كاكاو او دين اند لوكا وتقضون نص اليوم أهناك وفيه للأطفال كيدزانيا وماجك بلانت وبروي انصحج أدخلينهم كيدزانيا لان المول وايد كبير وايد محلات من A to Z وفيه كل الأسعار الرخيص والغالي ومحلات لمصممات كويتيه وماركات عالميه الغدا راح يكون متأخر على ماتخلصون فر طبعا مطاعم لاتعد ولا تحصى في فيلا فيروز لبناني - ميلنزاني إيطالي- جيز كيك فاكتوري أمريكي - رد لوبستر بحري- قائمه طويله عرضيه ماتخلص وقسم السوق مطاعم كويتيه مثل بزه و زواره والخ - بعدها تطلعون من الأفنيوز ممكن تروحون المركز العلمي للأطفال وبعدين العشا في اشاز هندي او ميلنزاني إيطالي في البدع واتحلون في جوكلت بار ..
اليوم الرابع 1/3 يصادف السبت الصبح تبون ريوق بيتوتي او مطعم كوكوروم او مطعم ريوق انا أقول ريوق لأنكم راح تروح منطقه الشعب البحري وأهو متواجد أهناك وفي محلات المصممات اللي ذكرتهم هديل ورودينا وبعد الشعب البحري يمكم حولي روحي المهلب ومجمع النقره الشمالي والجنوبي ألقي نظره ايبون أشياء حلوه وبما أنكم في حولي في متحف بيت العثمان وحولي بارك اذا حابين للأطفال او خلاص تروحون الديره مجمع ديسكفري للأطفال ومقابله برج جاسم . الغدا على السيف في مطعم سلايدر ستيشن - تالي تريحون اشوي وعالمسيان تروحون مول 360 تقضون باجي يومكم فيه العشا في p+ f او لورينزو او بوش ..
اليوم الخامس 2/3 يصادف الأحد تتجهون الى منطقه فحيحيل مجمع الكوت تتمشون وتتريقون في الكافيهات على النافوره وأسواق فحيحيل تتمشون فيهم وفيها كويت ماجيك ومطاعم اذا بتغدون - تخلصون منها ودي أقول تروحون المدينه الترفيهية بس درب من جنوب لي الشمال لان اتوقع تفتح من بعد صلاه الظهر او تروحون الديره اذا حابين تمرون على برج الحمرا والصالحيه وتدخلون سينما..
اليوم السادس والأخير 3/3 الصبح روحي الفروانيه مجمع الحمرا والعربيد او تخلينه بالخامس مكان الكوت وبجذي تقريبا غطيتي كل الاماكن ..
وأتمنى لكم زياره حلوه وونيسه في ديرتكم

الله يعطيك العافيه كويتيه ماقصرتي
من شفت الجدول ارتحت وانبسطت فيه قصرتي علي التجميع واترتب
الجدول بكذا ممكن اعدل ممكن اضيف

وكمان هاوية ماقصرت الله يبارك فيها يارب