الفيزا للشخص ب60 يورو
يعني بحدود 270 ريال للشخص الواحد
أما الطيران فيختلف على نوع حجزك وهل هو مسترد او لا
وايضا على توقيت حجزك
يعني تبدأ الأسعار من ألفين ريال للشخص ألى 3 الاف
أرخص طيران المصريه
وبأمكانك أن تعمل حجز وهمي وراح تبين لك الأسعار على التاريخ اللي تبغى
أنصحك بالقطريه او الأماراتيه
أسعارهم تقريبا 3 ألاف للشخص
أنصحك بقراءة المواضيع المثبته
وحاول أن تكون فكره مبدئيه عن المخطط
ثم أبحث عن حجوزات الطيران وقارن
ثم أقرا عن الاماكن السياحيه في كل بلده
ثم أختار المناسب لك من سكن
ثم السياره
ثم فيزا الشنغن ومتطلباتها
ثم توكل على الله
القراءه والتخطيط المبكر أساس نجاح كل رحله بأذن الله

اخوي وليد الله يوفقك
ممكن اعرف كيف اقدم على الفيزا وهل لازم اخذ الحرمه والبنت معاي للسفاره علما بأن اقرب مكان لي للسفاره هي جده وبالنسبه للتعريف المدرسه ما يعطوني تعريف باللغه اللانجليزيه هل ينفع بالعربيه والطيران اي ابغاها مسترده لعل وعسى يحدث الله امر يغير الحال لا سمح الله بالنسبه لقولك عمل حجز وهمي لم افهم هذه النقطه ممكن اكثر توضيح الله يجزاك الجنه ووالديك

اخوي في مكاتب للترجمة في جدة وفي كل مكان
اعطهم التعريف يترجمونه لك ويكون نسخة طبق الاصل ..
بالنسبه للتقديم على الفيزا ماراح تقدر تقدم الا بعد ماتخلص كل حجوزاتك ..
ويكفي حضورك انت ..
الطلبات
الجوازات الاصلية
وصورة الصفحة الاولى لجوازك وصفحة التوقيع
صورة الصفحة الاولى لجواز الزوجة وصورة صفحة التوقيع وصورة صفحة اسم الزوج
كشف حساب من البنك لمدة ثلاث او ست اشهر
او تكتفي بصورة بطاقة فيزا سارية المفعول ..
تعريف بالراتب والوظيفة
+ صورتين شخصية لكل شخص بخلفية بيضاء
مكشوف الوجه للزوجه
+ تعبئة النموذج الخاص بكل مسافر ..
+ صورة من حجوزات السكن ..
+ صورة من تذاكر الطيران
هذي كل هالطلبات .. مايطلبون منك اكثر من كذا , وقد يطلبون منك اقل ..
خطط لسفرك اولا بالميزانيه واقسم الميزانية الى عدة اقسام ..
( ميزانية السكن ) ( ميزانية الطيران + استئجار سيارة )( ميزانية التسوق ) ( وميزانية الاكل والشرب والمصاريف الاخرى )
احرص على ان تكون معك بطاقة فيزا لانك تحتاجها ..
واحرص على ان تحجز التذاكر قبل السفر ب6 اشهر
والسكن ايضا واحرص على ان يكون الالغاء مجاني ..
والله يوفقك ويسهل امرك
وتأكد انك متى ماخططت بدري للسفر
راح تكون امورك اسهل واوضح

اخوي ابو محمد الله يعطيك العافيه
هل البنت لازم ادفع حق الفيزا لها بيكون عمرها وقت السفر ثلاث سنوات

الخطوط المصرية قد تكون الأرخص
لكن نصيحة إذا كان الفرق غير واجد أنصحك تأخذ طيران دايركت
والأمور سهلة جداً
ولا تنسَ تستأجر سيارة حتى تكمل المتعة
وأنا طلعت الشنقن من السفارة الألمانية وقد طلب المكتب مني تعريف بالراتب والجوازات وهو تكفل بالباقي
وأخذ مني المكتب 800 للجواز

الله يعطيك العافيه
الي انا استفسر عنه هل البنت عمرها 3سنوات عليها رسوم للفيزا؟ عشان جالس اسوي الميزانيه وما ابغا اي غلط