امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
راحتي بالسفر
13-10-2022 - 10:28 am
السلام عليكم
حبيت استفسر عن كذا شغله الله يعطيكم العافيه ياليت احد يكون عنده خبره يجاوب على اسئلتي
1- افضل جامعات لدراسة الماستر في امريكا ؟ ( زوجه وطفل عمره سنه )
2- هل كل جامعات امريكا تطلب اختبار GRE ؟ وايش الجامعات اللي ماتحتاج هذا الاختبار لو في ؟
وانا محتار وين ادرس وايش احسن مدينه تناسبني .
واسف اذا طولت عليكم
شكرا


الدراسة في امريكا
التعليقات (4)
Stranger Man
Stranger Man
  1. ثالثا : معدل مايقل عن 575 في التوفل

  2. رابعا ؛ معدل مايقل عن 1000 في الجي ار اي


اخوي راحتي بالسفر الله يحييك .. شوف طال عمرك انت قبل ماتسأل نفسك وين احسن جامعه في امريكا ووين احسن مدينة ومن هذا الكلام لازم تتوفر عندك اشياء عدة وهي ..
اولا : معدلك في البكالوريوس لازم يكون 3 وفوق من 4 ( انتو اتوقع معدلات التخرج عندكم فالسعودية من 5 )
ثانيا : تجيب لك توصيات من دكاترة درسوك والعدد 3 توصيات واذا كنت تعمل تاخذ توصية رابعة افضل من مسؤولك

ثالثا : معدل مايقل عن 575 في التوفل

رابعا ؛ معدل مايقل عن 1000 في الجي ار اي

اذا تحققت هالشروط بأذن الله بتلقى قبول في جامعات محترمة ولها تصنيف عالي .. اما اذا كان معدلك اقل وماعندك توفل او جي ار اي فا لازم تتعب على عمرك من ناحية القبول وتبحث عن جامعات تعطيك قبول مشروط بأجتياز اللغة والجي ار اي اللي يعتبر مهم وكل الجامعات تطلبه , وطبعا هالجامعات اللي تعطي قبول مشروط تصنيفها اقل من الجامعات القوية ..
انت شفت تركيزي على القبول والجامعات وماذكرت المدن لان مثل مابينتلك ان القبول في امريكا صعب ومب بالساهل تلقاه ويبيله تعب وجهد موب بسيط فا انت اول شي اتعب على القبول وحاول تقدم على اكثر من جامعة واذا طلع لك قبول في احسن منطقة تحس انك بترتاح لها توكل على وسافر ..
اذا في اسئلة اخوك موجود
وعيدك مبارك مقدما

راحتي بالسفر
راحتي بالسفر
Stranger Man
تسلم اخوي والله يجزاك الف خير
انا متخرج من امريكا ( ولاية MAIN ) قبل 7 سنوات تقريبا ومعدلي ولله الحمد 3 ونص من 4
وراسلت دكاترتي في امريكا وان شاء الله بيرسلون لي توصيات قريب
وقدمت على اختبار ال GRE عندنا وانا قاعد ادرس الحين وان شاء الله اعديه وودي ادرس هندسه ميكانيكيه
وربك يسهلها ياخوي
عيدك مبارك ويعطيك الف عافيه على مساعدتك

Stranger Man
Stranger Man
اذا جذي تمام اخوي مايبيلك الا انك تدرس الجي ار اي .. بالنسبة للاختيار , اعتقد انت عندك خبرة في المناطق حددهم وإن شاء الله منت لاقي صعوبة خصوصا ان في كل منطقة بتحصل جامعات قوية في الهندسة ..

راحتي بالسفر
راحتي بالسفر
Stranger Man
باذن الواحد الكريم
دعواتك


خصم يصل إلى 25%