راحتي بالسفر
13-10-2022 - 10:28 am
السلام عليكم
حبيت استفسر عن كذا شغله الله يعطيكم العافيه ياليت احد يكون عنده خبره يجاوب على اسئلتي
1- افضل جامعات لدراسة الماستر في امريكا ؟ ( زوجه وطفل عمره سنه )
2- هل كل جامعات امريكا تطلب اختبار GRE ؟ وايش الجامعات اللي ماتحتاج هذا الاختبار لو في ؟
وانا محتار وين ادرس وايش احسن مدينه تناسبني .
واسف اذا طولت عليكم
شكرا
الدراسة في امريكا
اخوي راحتي بالسفر الله يحييك .. شوف طال عمرك انت قبل ماتسأل نفسك وين احسن جامعه في امريكا ووين احسن مدينة ومن هذا الكلام لازم تتوفر عندك اشياء عدة وهي ..
اولا : معدلك في البكالوريوس لازم يكون 3 وفوق من 4 ( انتو اتوقع معدلات التخرج عندكم فالسعودية من 5 )
ثانيا : تجيب لك توصيات من دكاترة درسوك والعدد 3 توصيات واذا كنت تعمل تاخذ توصية رابعة افضل من مسؤولك
ثالثا : معدل مايقل عن 575 في التوفل
رابعا ؛ معدل مايقل عن 1000 في الجي ار اي
اذا تحققت هالشروط بأذن الله بتلقى قبول في جامعات محترمة ولها تصنيف عالي .. اما اذا كان معدلك اقل وماعندك توفل او جي ار اي فا لازم تتعب على عمرك من ناحية القبول وتبحث عن جامعات تعطيك قبول مشروط بأجتياز اللغة والجي ار اي اللي يعتبر مهم وكل الجامعات تطلبه , وطبعا هالجامعات اللي تعطي قبول مشروط تصنيفها اقل من الجامعات القوية ..انت شفت تركيزي على القبول والجامعات وماذكرت المدن لان مثل مابينتلك ان القبول في امريكا صعب ومب بالساهل تلقاه ويبيله تعب وجهد موب بسيط فا انت اول شي اتعب على القبول وحاول تقدم على اكثر من جامعة واذا طلع لك قبول في احسن منطقة تحس انك بترتاح لها توكل على وسافر ..
اذا في اسئلة اخوك موجود
وعيدك مبارك مقدما