امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
@ القناص @
31-08-2022 - 05:08 am
بس الله الرحمن الرحيم
السلام عليكم ورحمة الله وبركاته ..
اخواني هذا اول موضوع لي
ونشاء الله اللقى الافداه
انا توني متخرج من الثانويه قسم العلوم الشرعيه
نسبتي 72% ادري النسبه مره متدنيه
وحاب اكمل دراستي بره
فا مادري تخصصي يساعدني اني ابتعث بره المملكه ولا لا
وهل استطيع ان ابتعث على حساب الدوله اذا كان الجواب لا
فكم يكلفني الدراسه في الخارج
وماهي المدن الي استطيع ان ابتعث الليه
وما هي الجامعات الي ممكن تقبلني
ووش هي التخخصات الي ممكن اني اتخصص فيها
وكيف الطريقه من الاف الى اليا يعني وين اروح ووين اجي على شان اخلص الاورق
لاني والله معرف شي
وشكرآ


الدراسة في امريكا
التعليقات (9)
s3ud
s3ud
شف يا خوي الدعوة مطوله بس تبي نصحتي
رح أدرس على حسابك في بريطانيا في معاهد أي كلام
تقريبا لمدة 3 أو 4 أشهور وجب أوراقك كلها معك
وكانك تبي تراني أعرف مكتب يجيب قبول من الجامعات بس في الجنوب
وإذا كملت كل أوراقك قدم على الملحقيه وإنشاءالله يقبلونك بس خل أحد من معارفك
يحركها من الرياض
وراعي المكتب أعرفه ولا ياخذ منك شي والله يوفقك

@ القناص @
@ القناص @
يشباب اتمنى منكم الافداه والاجر عند الله ان شاء الله كبير
معليش فيه تعديل بسيط النسبه 76% مع السرعه ومع الحماس كتبت النسبه غلط ههه
تكفون ياشباب افيدوني ولو بالقليل ارجو المساعده وكما قلت الاجر عند الله ان شاء الله كبير
اخوكم @ القناص @

@ القناص @
@ القناص @
أرجو منكم المساعده مايصير تمرون بدون ماتردون والله حرام قاعد على اعاصبي
منتظر الرد الحاسم
واتمنى منكم الماساعده ولو باالقليل ومع العلم النسبه 76% خطاء مطبعي معليش مع السرعه والحماس غلط في النسبه ههه
تكفون الفزعه ياشباب وأنشاء الله الاجر عند اله كبير

@ القناص @
@ القناص @
تعديل بسيط النسبه 76% معليش مع السرعه والحماس غلط في كتابة النسبه
ما أشوف فيه تفاعل معايه
وتكفون الفزعه ياشباب تكفون
وان شاء الله الاجر عند الله كبير

الرصاصي
الرصاصي
بعثه من الوزاره مستحيل إلا في وجود واسطه مرتبه ...
كثير من الجامعات الامريكيه لا تقبل هذه النسبه حسب التخصص الذي انت تشرطة ..
يخيرونك بالتخصصات المتاحه للحاصلين على هذه النسب ..
الله يوفقك ...

@ القناص @
@ القناص @
معليش عندي المتصفح غريب اشوي البارح كل مانزل رد مو ارضي ينزل فعلى شان كذا جات الردود كثار خ
اشكرك على المرور والافاده ورد روح المعناويه فييني اخوي s3ud
وأشكر مرورك الصريح اخوي الرصاصي وانا ابي احاول من هنا ولا من هنا وأنشاء الله الله يكتب الي فيه الخير
والله شف انا نفسي في تخصص انجليزي اذا والله مابيقبلوني وزارة التعليم العالي ابي اطلع على حسابي
بس كم يكلفني واذ بيقبولني الوزاره بواسطه نحاول ونحاول ونحاول اندبر لهم واسطه بس اذا ممكن بدون واسطه ازين وانتظر منك الافاده
اخوكم القناص

s3ud
s3ud
يأخوي القناص أنا على حسابي صارلي فوق تسع شهور الآن
وكل مرة أقدم عليهم يكرشوني
بس فيه واحد من الشباب نسبته والله العظيم 63% علمي
وقابلينه في البعثه دبرله واسطه مرتبه
يعني لا تجي ألا معك واسطه وراك ...

الرصاصي
الرصاصي
s3ud
معاي في نفس جامعتي طلاب سعوديين مبتعثين...
نسبهم ما بين ال 50 و ال 60 % ..
كل يوم أقرى في عيون المدرسين هالسؤال :
بالله وش هالدوله الغبيه اللي هذول طلابها المميزين ( هذي أشكال تبتعث ! )
بحكم أن الطالب ما يبتعث إلا لما يكون مميز ..
لو أنا مكان الوزاره ما بعثتهم على تخصص حلاق..
ناس ضايعه ما تدري وين الله حاطها ..
هياط وقله سنع .. مراقص وشراب ... !
والله واحد من حقين الواسطات يقول لي ..
أنه أستلم قرار الابتعاث الاربعاء وسافر بالطيارة السبت ..
بينما غيرة يركض الدهر يالله يطلع له شي بعد ما تطلع روحه ..
قهر ولا !
إدع ربك يحلها وأنا أخوك ! ..

@ القناص @
@ القناص @
انا مادري وش فيه اكتب ردود وماتطلع انا قبل 7 ساعات كاتب رد ولا طلع !!!!!!!!!!!!!
المهم
اشكر تفاعلكم اخوي s3ud واخوي الرصاصي
انا زي ماذكرت في ردي السابق الذي لم يظهر وهو انني اعرف واحد سوداني شغال عند امير منطقة جده
الرجال هذا الله يجزيه بالخير دايم وهو يعرض علي خدماته
السؤال هل اذا اعطيته معروضي ووصله للأمير فهل ممكن من سموه الكريم تلبية طلبي...؟
اذا الجاوب نعم فماذا يستطيع ان يفعل
وشكرآ


خصم يصل إلى 25%