شف وانا اخوك ياراكان , انا الان ببرايتون وماعندك مشكله . بالنسبه للمعهد والله ماعندي عنه خلفيه بس اعتقد انه طيب .
انت بتجي بعد انتهى الصيف , ماعندك مشكله رايح يرجعون كثير من الطلاب الى بلدانهم وبيكون هناك عوائل فاضيه قريبه من المعهد .
انا انصحك ان تأكل عند العائله لان الاكل برا شوي غالي .
بالنسبه للباصات تشتري تذكره حقت شهر بقيمه 400 ريال او اقل . تمشي في الباص اي مكان داخل المدينه ويمديك تروح بنفس التذكره الى مدينه eastbourn مجانا .
اطلع وفلها وانا اخوك بس لاتنسى دراستك ههه وحاول تتكلم انقلش كثير
بعدين تقول ان السكن يبعد 20 دقيقه , عادي ياأخي اعرف ناس ساكنين اكثر من 25 دقيقه بعد .
وبامكانك اذا وصلت برايتون تقول للمعهد ابي عائله اقرب واذا طلع احد من الطلاب من العوائل القريبه يحطونك بداله .
من وين بالسعوديه يالبا ذيك الديره ؟

مدرس vip
هلا فيك يالغالي والله ماقصرت انا من الرياض
فيه ربع لي مدحولي معهد ريجنت؟؟ تعرفه سمعت فيه ؟؟ بس تكاليفه اغلى عن المعهد lsi لانه معهد lsi يقولون كثير من المكاتب السياحيه تتعامل معه وكله سعوديين
طيب والتكاليف الشخصيه كم بالشهر تخبر احب الطلعات والدخلات
ههه
وعادي الطريق ياخذ 20 دقيقه بالباص للمعهد رايح بس

1. وعادي الطريق ياخذ 20 دقيقه بالباص للمعهد رايح بس

هلا فيك يالغالي والله ماقصرت انا من الرياض
فيه ربع لي مدحولي معهد ريجنت؟؟ تعرفه سمعت فيه ؟؟ بس تكاليفه اغلى عن المعهد lsi لانه معهد lsi يقولون كثير من المكاتب السياحيه تتعامل معه وكله سعوديين
طيب والتكاليف الشخصيه كم بالشهر تخبر احب الطلعات والدخلات ههه

وعادي الطريق ياخذ 20 دقيقه بالباص للمعهد رايح بس

سمعت بريجنت واعتقد انه طيب . لاتقلق من ناحية المعاهد , اهم شئ تكلم انقلش واقرأ الكتاب حق المعهد ودور لك اي كتاب اخر من السعوديه بالانقلش واقرأ فيه
بالنسبه للسعوديين رايح تلاقيهم بأي مكان وانا اشوف وانا اخوك ان السعودي مكسب , بتقول ليه, يعني يوصف لك المدينه ويوريك المحلات اللتي تحتاجها واذا ضاقت بك وطفشت دقيت عليه وماعندك مشكله مع العرب . واذا لقيت سعوديين زاحفين يعني يبونك ع طول تخرج معهم مو لازم تخرج كل مره . عادي يااخي . والسعوديين اللي هناك تلقاهم متعودين ع الانقلش وبيسولفون انقلش معك عادي .
بالشهر يكفيك تقريبا من 300 الى 400 باوند . انت وصرفك . ان كانك من اللي يحب يفلها السبت و الاحد فلامانع . بس لاتكثر ههه
اي استفسار انا موجود . برايتون تجنن والامن على كيف كيفك . دامك من الرياض باخدمك بلوشي ههه .
الامن تمام ولاتقلق واول ماتجي برايتون اشتر لك شريحه اسمها ليبارا lebara رخيصه وحلوه لان جوال السعوديه بياكل عليك كثير . انا راجع رابع العيد . وانت متى نازل برايتون؟
اي استفسار موجود

مدرس vip
مشكور يالغالي يعني ارتب مع معهد lsi رايك ؟؟؟
انا برتب على دورة تبداء في 20-9-2010
وبخصوص المواصلات اركب الباص اللي بمطار هيثروا واروح الى وسط المدينه وبعدها اركب تكسي الى سكن العايله ؟
وبعدين شركة الاتصالات ليبارا هذي تشغل خدمه البلاك بيري ؟ تخبر احنا مانقدر تستغني عنه
تحياتي لك

و الله يااخي ماعندي خلفيه كثيره عن هالمعهدين بس فيه معهد اسمه saint giles ابحث عنه بقوقل تراه ممتاز وانا فيه.
المعهد يااخ راكان يرتب لك المواصلات يعني يجونك في المطار ويجيبونك للسكن حق العائله . بالنسبه للبلاك بيري اشوف شباب معي سعوديين اعتقد معهم بلاك بيري ماني متأكد بس رايح اسأل لك . بالنسبه للعوائل حقت المعهد كل عائله عندهم نت لاتقلق . وسريع بعد ماهو نتنا حق الدي اس ال حق الاتصالات ههه . يعطونك الرقم السري وادهر بس . XXXXXXXX
هذا ايميلي قبل يحذفونه الاداره للتواصل
XXXXXXXXX

مدرس vip
هلا اخوي
انا دخلت على المعهد saint giles بالموقع حقهم ولقيت السكن بغرفه الحالي + حمام خاص + فطور + عشاء ب 175 باوند للاسبوع
والدراسه لقيت انواع كثيرة عندهم بخصوص التعليم واخذت انجليزي عام مكثف من 9 صباحا الى 3 ونص عصراً سعرها بالاسبوع 229 باوند
وش رايك في الاسعار ولقيت مواقع يقولون نجيب لك سعر ارخص من كذا
انا عمري 25 والانجليزي مبتدى يعني امشي اموري
المعهد saint giles هذا فيه عرب كثير ولا ينعدون بالاصابع ؟ فيه رحلات نهاية الاسبوع ؟؟

وبخصوص الفيزاء اللي معي سياحه وليس دراسه مدتها 6 شهور مسموح في هذا المعهد ولا ؟
والشي الثاني المعهد هذا نظامه زي العسكريه في الانظباط أو يتساهلون ؟؟