السلام عليكم ورحمة الله وبركاته
صباح و مساء حسب توقيت كل شخص =)
اتمنى تمدون يد العون لي وتساعدوني في جدول سفرتنا انا وعايلتي للصيف
فترة الرحله من اسبوعين لين 3 اسابيع في شهر 7 بين فرنسا والمانيا
احنا عباره عن عايلتين
عايلتي تتكون من 5 كبار و 3 اطفال
والثانيه تتكون من 6 كبار وطفل واحد
فرنسا
بغيت السكن قريب الشانزليزيه
و تكون شقق فندقيه فيها مطبخ مع توفر انتر نت مجاني مع ذكر اسعار الفنادق
ديزني لاند واسعار الفنادق هناك للعلم هذي اول زياره لنا ومب عارفه شموجود عندهم ؟؟
ابي نصيحه في هالموضوع !
و اذا تعذرت علينا دزني ياريت تقترحون علي ملاهي غير ديزني لاند وتكون في نفس المستوى ؟
اما المانيا
ابي بادن بادن و ميونخ بعد شقق فندقيه مع توفر انتر نت مجاني
اما في ولهامز عندي فندق سكنته السنه الي فاتت
واذا في مناطق غير ممكن اني اعدل على جدولي
بالنسبه لتأجير السيارات في المانيا او فرنسا محتاجينها تكون لثمان اشخاص مع مراعات حجم السياره لل parking
و سمعت عن القطارات اللي بنظام الطيارات و انه اقدر احجز لي كبينه بروحي ابي اعرف صحة الكلام وشنهي ايجابياتها و سلبياتها !!؟
و شتنصحوني بالتنقل بين فرنسا و المانيا بالسياره او القطار
خصوصا انه احنا عايله كبيره !
والمناطق السياحيه و المطاعم والامكان اللي تناسب الاطفال و محلات للتبضع
واذا عندكم تخطيط ثاني تقترحونه علي ياريت اتفيديوني
واشكركم جزيل الشكر