هلا اخوي مادري انت سافرت ولا لي اللحين اتمى تكون موجود عشان نفيدك لو بالقليل بالنسبه لهولندا حلوة وجوها روعه اذا تبي نصيحتي اسكن فندق فيكتوريا عند محطه القطار ويمه كل شي بس حاول تاخذ غرفه بجناح فكتوريا مو جناح الحديقه لان غرفها اوسع واشر.... بالنسبهلجدول الرحلات انا بادلك على مكتب تروح انت وعايلتك له وفيه الرحلات اللي تعجبك بس ها تروح مع قروب ماتعرفهم اجانب انا كنت اروح لان بصراحه أأمن وارخص بوايد اهو يصير المكتب اذا طلعت من فيكتوريا يمين في يمين وامش تقريبا دقيقتين تلقاه يمينك اسمهExcrusion وايد حلوة رحلاتهم ورخيصه اذا تبي الرحلات اللي رحلتلها انا 1. لاهاي + مادودرام ( مجسمات عن هولندا ) لاتطوفك 2. بروكسل + انتويرب 3. الطواحين ( مدينه زانت شخانص ) + مزرعه الجبن + مصنع الاحذيه رحله ممتازه واحنا كان 5 ايام فقط في هولندا قضينا يوم في السوق واليوم الاخر تمشي واخذنا قوارب يم فندقنا تلف فيك بالنهر او بالاصح القناه بصراحه يابختك بهولندا لان جد روعه طبيعه وجو ومطر وكلها انهار تهبل اه نسيت بالنسبه للسوق عندك الدام سكوير كل شي فيها وهمن فيه سوق حلو بس غالي اسمه beijenkorf اذا مو غلطانه عنده شالات حلوة وجناط للمدام واهو كبير اخذلك فره فيه وهمن راح تلقى C & A وباقي السوقه مثل اتش اند ام وفيه سوقه يم فيكتوريا اللي يبيعون فيها نعال يكرم السامع حلوة و هدايا تذكاريه وفيه بعد سوق تروحله بالترام تاخذ قطار 5 او 2 ويصير بعد سبع محطات اذا مو غلطانه اسمها محطته Museum plein هذا السوق يكون بشارع اسمه hooft straat اذا مو غلطانه فيه جميع الماركات العالميه بصراحه حلو روحله واشرب قهوه مع الاهل تقدر تاخذ الخريطه من الفندق وكل شي سهالات واي شي تبي انا حاضره بالخدمه