أقول لك الصراحة تيتي ؟
جدة تركناها لزوارها الكرام وزائراتها الكريمات في عطلة الصيف
الشوارع زحمة وما تشجع أهالي جدة على الخروج ، خصوصا فترة ما بعد العصر إلى الساعة 2 قبل الفجر

رحال عاشق
يا هلا بأخي رحال عاشق طيب علشان نفيد ونستفيد في غير موسم الاجازات لو زهقت او مليت في الليل او النهار وين تروحوا؟

سلام مسلمة
انا امس الظهر رحت الرد سي مول
تغديت وجلست لين الساعه 5 ورجعت البيت مافي غير مول × مول
الجو مره مايساعد
حر وقرف ورطوبة

شوفي تيتي .. جدة تتميز بإطلالتها على البحر وتوفر الكثير من المطاعم والمولات والأسواق التجارية
أنا شخصيا أعشق البحر والسباحة وركوب اليخوت بصحبة بعض الأصدقاء وصيد الأسماك وسط البحر ، بمتوسط مرة إلى مرتين شهريا
أمارس رياضة المشي في رد سي مول و مجمع العرب مرة أسبوعيا خلال الفترة الصباحية ، وبعد قطع مسافة طيبة بالدورين الأرضي والأول أجنب عند أقرب كافيه وآخذ لي فنجان لاتيه أو كباتشينو مع براون شوقر
طبعا بعدما أصبحت وحيدا .. غذائي وعشائي في المطاعم المختلفة

ذكرتني مره يا رحال كانت رحلتنا ل شاليهات مرسى الاحلام بس الفرع اللي افتتحت في الليث
ونفس الايام كانت جديدة وانبسطنا مرره... وقلنا نسوي لنا رحلة صيد سمك و التنسيق مع المكتب ..

امرأة لاتُنسى
سلامتكم .. ما تشوفو شر إن شاء الله
في فصلي الشتاء والربيع ، أمر من حين لآخر على مرسى الأحلام بكورنيش جدة وأجلس في موقع استراتيجي على الكوبري العائم والمتحرك بفعل الأمواج واليخوت والجيت سكي اللي تمر بقربنا ، وأنظر للبحر والسماء والناس .. آخر متاع
بس أكلهم .. أي كلام

هلا أختى مسلمة لله ..
وشكراً على الموضوع المتميز ..
إذا فى النهار والجو :
1- كويس ..الخيار الأول هو البحر لأنى ما أحب البحر بالليل وأعشقه نهاراً .
2- مش كويس : مول على طول
أما فى الليل هناك احتمالين :
1- الجو كويس ...المشى (هوايتى الشخصية الأثيرة) مع التفكير والتأمل (هواية كل المنتمين لبرج الحوت :101.
2- الجو مش كويس....مول أو كافيه ..

هاجروا مؤقتا
كلمني صاحبي الان من جدة
يقول وضعنا سيء
زحمة في كل مكان
شكلي باخذ أجازة واطلع لديرتنا
يعطيك العافيه مسلمه لله

بالنسبة لي حسب المزاج .... يعني اوقات احب امشي في الممشى اللي خلف فندق الشيراتون .. حلو ومنسق ، لكن للأسف مؤخراً صار نوعاً ما يجيب لي الضيق من بعض الشباب والبنات والحركات اللي حاصلة ..
اوقات آخذ المدام .. ونخرج انا وهي على طريق الحرمين متجهين شمال .. خارج حدود جده وبعيد عن زحمة المدينة ونتجه الى كوبري أبحر ومنه الى دوار الجمال ياأما ننزل على ابحر الشماليه وهناك على بيتزا هت المحل الرايق طول السنة وكل وقت ... او نتجه للكورنيش في لفة بالسيارة يصاحبنا صوت فيروز والمشاعر الفياضة تخيم علينا
اوقات نروح انا وهي حرمنا المصون تي يانا اللي على الكورنيش الدور الثاني ... هذا إذا كان قبل الغروب .. المكان رايق وحلو وممتعه الجلسة فيه لأنها تشرف على البحر وعلى مشهد الغروب ( اخوكم رومانسي بقوه )
وأوقات نفر على البلد بالسيارة وندخل الحارات القديمة الشام والمظلوم من باب التغيير يعني .. وهذي المرة ماتنفع فيروز ابداً .. عشان كذا يكون طلال ولا فوزي محسون ( يمكن البعض مايعرفو ... مو مشكلتي )
غالباً تكون طلعتنا أوقات الملل بالسيارة .. عشان الجو مايساعد ، وإذا كنا محتاجين للصخب والضجيج ناخذ طفلتينا وعلى اي مول ونخليهم بالملاهي وحنا بأي كوفي شوب .. او فرة على المحلات ويمكن تقلبها زوجتي ( بقدرة قادر ) لتسوق مدفوع الثمن ...
وياحلو جدة ... ماتطفش طول ماإنتا فيها ...