مرحبا اخوي
واتنور االدوحه بوجودك
وغالي والطلب شربات
بنسبة للاماكن الترفيهية مثلك عارف احنا بلخليج ماعندنا الا المجمعات التجارية
وبنسبة لدوحه في عدة مجمعات
اولهم الستي سنتر وهو اكبر مجمع بدوحه وعباره عن خمس طوابق في 14 قاعة سينما واسمها غراند وهي افضل واكبر سينما
وفيه مدينة العاب ومطاعم ومحلات وكارفور وكوفيات ومجمع يستحق الزيارة
وعندك فيلاجيو وهو مصمم على الطريقة الايطالية وهو مجمع يستحق الزيارة وفيه محلات وكوفيات
وعندك مجمع الحياة بلازة وهو قرب فيلاجيو وتقدر اتزورهم مع بعظ
عندك مجمع الاند مارك وفيه سينما ومدينة العاب ومطاعم وكوفيات وكحلات
عندك مجمع المول فيه سينما وكوفيات ومحلات
عندك الرويال بلازا وفيه سينما ومحلات حلوة وهو صغير نسبة بلي قبله بس هو حلو وخاصه سنماته فهي فخمة وتعد اجدد سينمه وافخمهم
وعندك حديقة سباير وتقدر اتزورهم مع مجمع فيلاجيو والحياة بلازا
عندك حديقة الحيوان
عندك متحف الفن الاسلامي ويقع في نهاية الكورنيش
وعندك سوق واقف وهو من اشهر اسواق الدوحه القديمه والحلوة وكله مطاعم وكوفيات وتقدر من خلاله اتشوف قطر القديمة ولاكن البناي جديد بس بستايل قديم وهو حلو وايد ويعد احد معالم الدوحه
تقدر تاخذ لفة على اللولوة قطر الجزيرة الاصطناعية
وتقدر تتمشى على الكورنيش واتروح الحديقة التراثية وتقدر تاخذ لفة على القارب في الكورنيش
هاي بختصار جميع اماكن الدوحه
واي خدمة انا تحت امرك

ياهلا ومرحبا فيك اخوي بوصالح , تنورنا في قطر .
ونتمنى لك طيب الإقامة في بلدك الثاني .
و اكيد ان اخوي حلو ومدلع ماقصر , واي خدمة تامر عليها لاتتردد .

منوره باهلها
يعطيك العافيه اخوي عيد824
فيكم الخير والبركه ياهل قطر ماتقصرون

منوره باهلها
يعطيك العافيه على المعلومات الممتازه راح تفيدني كثير
بصراحه ماقصرت ياخوي حلو ومدلع
اكيد راح استمتع بين اخواني في قطر