يا هلا وغلا تجون وتنورون لندن
بالنسبه لحديقه الحيوان لازم تكون في نفس يوم مدام توسو لان حديقه الحيوان موجده في الريجنت بارك و والريجنت جنب مدام توسو خطوتين مشي اطلعي من المتحف مدام توسو بعدين روحي يسار بعدين يسار سيده لحد الريجنت بارك وبالمره تتمشون في الريجنت بارك و يكون المشوار واحد. ومن متحتف مدام توسو اشتري تدكره لندن اي معاها لانهم اثنينهم مع بعض عليهم خصم و نفس الوقت تفتكين من زحمه التداكر في لندن اي.
وبالنسبه للريجنت ستريت و البيكادلي هم ملاصقين بعض اخر الريجنت هو البيكادلي انتي مخليه الاكسفورد ستريت وراك وبالمره وانتم في البيكادلي مرو على التركيديرو جنبك شوفوه و لعب الولد شوي و بعد الضهر اطلعو على الويست فيلد مجمع اسواق كبير و جديد له اقل من سنه فاتح و جنبه بالضبط سوق سبربوش الشعبي مروه عليه بعد و شوفوه بالمره
و يامحبا في نونه و حبيبها مره ثانيه

نورت موضوعي بملاحظاتك الحلوة واكيد راح اخذها بعين الاعتبار
الف شكر لك اخووي

1. اولاً : انا ضد الجداول وتقيد فيها نهائياً (الوسع لابارك الله بضيق ..)


2. انتي رايحه سياحه لاتضيقون عليكم السفره وسبب الجدول ..


3. الا اذا كان ميولكم هذا شي ..

بصراحه الجدول الرئع جدا جدا .. واكيد انتي رايح من قبل.. واذا اول مره فهذا يدل انج دارسه لندن دراسه ..!
نرجع لمحور موضوعنا ..

اولاً : انا ضد الجداول وتقيد فيها نهائياً (الوسع لابارك الله بضيق ..)

انتي رايحه سياحه لاتضيقون عليكم السفره وسبب الجدول ..

يعني طر عليكم مكان خلو الجدول يولي .. ولكن حفظ الاماكن وزيارتها على حسب المزاج ..انتي مثلا مالج خاطر او زوجج ..اتروحون اليوم 13برمنجهام مصنع كادبري و سفاري باركوسي لايف ..فخالو ولا تتقيدون فيه وروحو مكان اللي ينفع لمزاجكم .. هاي كامثال ..
وبخصوص حديقة الحيوان اشوف مالها اي داعي مثلها مثل بالقي الحيوانات..!!؟
وانا على حسب مزاجي ..مارحت هالحديقه الا يوم كنت طفل في 89 ومن بعدها ولا عمري طبيت هالحديقه ..

الا اذا كان ميولكم هذا شي ..

هالهايد بارك ماعرف متى تفتح بس اتوقع من ساعه 9 الصباح .. وتسكر في المغرب ..
مع اني ماعرف هالشي .. لاني اذا اجي الهايد بارك على ساعه 3 او اربع وطلع على ساعه 6 او 7 وهذا افضل وقت بالهايد بارك وعموماً الهايد بارك امن... واذا كان يوم أحد(الاحد) اتروحون لسبيج كورنر .. واتسمعون الفرعوني(محمود) انواع ضحك وتسليه عنده ..
بخصوص ثور بارك وماشابهاا .. احس انه مكرر .. يكفيكم التون تورز .. وانصحكم بشده لذهاب لها ..
وملاحظه .. مافي شوبينغ!؟
ولازم على الاقل اشياء لابد منها مثل اكسفورد وبوند استريت .. ويست فيلد مول تجاري ضخم وروعه في منطقة شبربوش انصحكم بذهاب اليه ..
رحله موفقه ان شاء الله

1. اليوم 13

شلونج اختي ؟
راح احط تعليقي بالاحمر ::::::::::
اليوم الثاني..
لندن اي : ليش ما تروحين الاكواريوم ؟ جنب اللندن اي
رحلة كروز ::: احنا لما ركبنا البيق باص نزلونا عند النهر و ركبونا رحله بحريه : مجانا مع بطاقة الباص : ف لا تحجزين كروز : تأكدي من اللي يبيعون تذاكر البيق باص
بيغ باص
جسر بيغ بين : البيق بين ساعه عاديه تشوفينها و انتي بالشارع .... تقدرين تشوفينها من اللندن اي او من اي مكان قريب منها
اليوم الثالث..
قصر باكنغهام : ما عجبني من داخل .. ما فيه الا عربات ملكيه و بس .. يقولون احلى شي عرض تبديل الحرس الساعه 11 ونص الصبح كل يوم احد و ثلاثاء .. لكني ما شفته
The Queen s Gallery جنب القصر و نفس الشي ما عجبني بس يمكن يعجبونج
مدام توسو. : روعه و جنبه حديقة الرجنت بارك تجنن حلوه و نظيفه
اليوم الرابع
البستر فيلج : ما شفتها بس يمدحونها ... بس ليش ما تضيفين شي مع اليوم؟ يعني القريه تستاهل تقضون فيها اليوم كله؟
اليوم الخامس
ريجنت ستريت Regent Street ما شفته
بيكاديللي Piccadilly حلو التمشي فيه و قريب منه ترافلجار و ليستر سكوير و الحي الصيني : خليهم كلهم يوم واحد
اليوم السادس
برايتون : ما شفتها بس يمدحونها .. تقدرين تروحين لها مع المكاتب السياحيه تسوي لها رحلات
اليوم السابع
لندن اكويريوم : نفس ما قلت عند لندن اي ... خليهم مع بعض
حديقة لندن للحيوانات : داخل الرجنت بارك : خليها مع الرجنت بارك و مدام توسو و شارع الرجنت
اليوم الثامن
قرية المجسمات جميلة جدا(( بيكو نسكوت )) ما اعرفها ... اذا عندج عنوانها اكتبيه ابيه
اليوم التاسع
التون تاورز : يقولون حلوه بس تبعد عن لندن ساعتين يعني روحوا مبجر حيل
اليوم العاشر
Trafalgar Square Fountain نفس ما قلت لج ..
اليوم الحادي عشر
مجمع بلو وتر : ما شفته
اليوم ال 12
The Royal Botanic Gardens : شنو هذي؟ ما اعرفها
.

اليوم 13

برمنجهام : روعه برمنجهام رحنا لها ... قريب منها مصنع الكادبري .. رحنا له بباص اما السفاري بارك روحي له بقطار اسرع و ارخص .. بالتاكسي غالي و المشوار طويل و ممل و السي لايف عاديه ... الاكواريوم بلندن احلى منها .. بس اللي عجبنا حيل فيها سينما ال 4 دي
مصنع كادبري و سفاري بارك
وسي لايف
يوم اختياري ..الحي الصيني
انصحج تخلين يومين او 4 أيام ل منطقة ليك دستريك : منطقة البحيرات
نظمي الجدول و وفري كذا يوم للبحيرات و بلاك بول و مانشستر ... يمدحونهم حيل

نسيت اقولج لا يطوفج : بيت الرعب اذا تحبون هالسوالف : سجن القلعه السري وناسه
و نفس ما قلت لج ... لا تقعدون بس بلندن ... غيروا و شوفوا المنطاق الثانيه
اعتقد انه لندن تقدرين تخلصين فيها اهم الاماكن بأسبوع و اقل
و باقي الاسبوع اقضوه برى لندن
و حياكم الله بلندن

جدول مكثف بصراحة
ودي اطرح عليك كذا اقتراح وبراحتك :
انصحك وبقوة في متحف العلوم جميل جدا جدا وعلى فكرة في دائرة زيارتكم الى Harrods عند محطة South Kesington واسم المتحف بالانجليزي هو Science Museum تجربة راح تكون رائعة .
بالنسبة للمجمعات الاسواق لاتنسي تروحي الى مجمع (west field center ) يعتبر احدث مول في لندن افتتح العام له تقريبا سبع اشهر فقط تقريبا مواعيد المول من يوم الاثنين الى الخميس من الساعه 9 ص الى 10 م اما الجمعه من 10 ص الى 10 م السبت من 9ص الى 9 م الاحد من 12م الى 6 م .
طريق الوصول له محطة ( Shepherd's Bush ) اول ما تطلعين من المحطه لفي يسار يصر في وجهك المول .
بالتوفيق لك اجازة سعيدة

بصراحة
مشكورين جداً .. أفدتوني من ناحية ترتيب الأماكن مع الأيام
الله يعطيكم العافية