المضيفة ميرفت
ويجزاك الف خير اختي وان شاء الله نكون خدمناك

الله يجزاك الف خير ويفرحك بخبر سار ان شاء الله ... اسعدني ردك جداً وكفيت و وفيت ...

السلام عليكم اخوي ايطالي
و عليكم السلام ورحمة الله وبركاته
بصراحة ودي اسألك عن نقطة مهمة في فينيسيا
آمري أختي ؟؟
بالنسبة للي معهم طفل هل هو صعب لاني اتخيل انه على طول بيطب في المويه ففكرت اني ما اروح لفينيسيا واكتفي بروما وميلانو
ههه ما أحد يلومك أختي على هالتفكير بس شيليه من راسك لأنه مو حقيقه .....
وفي نفس الوقت خايفة اندم لكني كل ماشفت شكل المراكب الصغيرة ارجع واغير رأيي ..وفي بعد شي غامض في فينيسيا هل اذا زرتها راح اجلس في المركب وأدور طول الوقت يعني مافي اسواق او شي ثاني...
لا اختي توكلي على الله و روحي و البندقيه فيها كل شي مثل أي مدينه ......
وبالنسبة لروما وغيرها ماتكلمتوا عن السينما والافلام اللي تنعرض فيها وكم سعر التذكره
السينما هناك تعرض اخر الافلام الامريكيه لكنها تكون مدبلجه للغه الايطاليه و سعر التذكره يختلف من مكان لأخر لكن ممكن تدخلين ب 5 يورو و ممكن ب 100 يورو .....
واهم شي بالنسبة لي طريقة حمل المال في السفر لدول اوروبا هل آخذ دولارات واتعامل فيها على طول واحملها معي في كل مكان
الأفضل تكون معك بطاقة فيزا او ماستر كارد و اذا ماعندكم خذي معك بطاقة الصراف العاديه لأي بنك و راح تقدرون تصرفون من هناك لكن في كل مره تصرفين خذي مبلغ كبير مثلا 1000 يورو لأن كل عمليه عليها 45 ريال تقريبا ....
و بالنسبه للدولار مايحتاج تاخذينه اصرفي يورو من البدايه ......
مع الجوازات ايضاً ام هناك ثقة في الفنادق فأخلي كل شي عندهم في الامانات...
فيه ثقه في الفنادق و تخلين الجوازات عندهم عادي مافيه أي مشكله و يوجد في الغرف غالبا صندوق أمانات ......
وآخر شي وما عليك أمر ... هل تكفينا 20ألف ريال لمدة 17 يوم في فندق 3أو 4 نجوم
ماحددتي كم شخص ؟؟ لكن خلينا نحسبها على أنها شخصين
التذاكر حوالي 3500 ريال * شخصين = 7000 ريال
السكن لمدة 17 يوم في فنادق 3 نجوم اليوم الواحد نقول مثلا ب 100 يورو يعني 1700 يورو مايعادل 8500 ريال
الأكل و التنقل و غيرها راح تاخذ منكم فلوس غير المصاريف الثانيه .....
لكن أقترح أنك تخلين المده 14 يوم مقابل 20 ألف أعتقد مناسبه .....
وهل آخذ ( قروب ) انسب في السعر واسهل لاستكشاف المدينة ام لا .........
الأفضل أنك تكونين على راحتك و أي مكان يعجبك تروحين له ......
لكن اذا ماتبين تعورين راسك خذي لك باكيج .....
وجزاك الله الف خير
و ياك يارب .....
اي استفسار ابشري فيه اختي .....

1. ماأبي أضيف أكثر مما أضافوا الإخوة، ترى ماقصروا :107:

أختي المضيفة ميرفت مرحبا :101:
وبالنسبة لروما وغيرها ماتكلمتوا عن السينما والافلام اللي تنعرض فيها وكم سعر التذكره

ماأبي أضيف أكثر مما أضافوا الإخوة، ترى ماقصروا :107:

لكن بأعلق على موضوع السينما بما أنها كانت تهمني هناك كثير. أذكر أني شفت فلم Galdiator سنة 2000 هناك ولم يعرض هنا إلى بعد أشهر.
السينمات في روما وفي إيطاليا عموماً تعتمد كثيراً على الأفلام الأمريكية التي تقدمها بشكل مدبلج للإيطالي وللعلم فإن الإيطالين هم أبرع مدبلجين على مستوى العالم، فلو كنت تعلم بعض الإيطالية ستلاحظ ذلك، وهم يفضلون ذلك على الترجمة لأن الترجمة لا تعطي للفكاهة والإثارة الحس المطلوب :113:
فالسينمات هناك أنواع، منها مايركز كثيراً على الدبلجة فما راح تفهمين حاجة. لكن خذي بالك من شغلة أن يكون في بروشور السينما على الفلم كلمة "Versione Originale" أو "Lingua Originale" والتي تعني أنه فلم باللغة الأصلية الإنجليزية، وممكن تركزين على هذول السينمات حسب مكان سكنك:
سينما Warner VillageModerno ومكانها (Piazza della Repubblica) جنب محطة المترو (Termini Station) والتلفون 0647779202
سينما Metropolitan ومكانها (Piazza del Popolo) جنب السبانيش ستيبس والتلفون 063200933
سينما Nuovo PasquinoMultisala ومكانها (Piazza Sant'Egidio) في Trastevere والتلفون 065803622
سينما Azzurro Scipioni ومكانها (Via degli Scipioni ) والتلفون 0639737161
سينما Nuovo Olimpia ومكانها (Via in Lucina ) جنب البانثيون والتلفون 064815395
أما أسعار التذاكر فهي تتفاوت مابين 5 إلى 7 يورو كمعدل للسينمات هذي، لكن أكيد في أغلى من كذا.
تحياتي

مشكورين ايطالي مسافر وايطالي وferdinando
على معلوماتكم القيمه

اشكرك اخوي i6ali على الرد وجزاك الله خير ... وادري انك ماتقصر الله يعطيك العافية وكذلك اشكرك يا ferdinando على هذا الرد وما قصرت

المضيفة ميرفت
ستندمي ندما شديدا
في احد يروح لأوروبا ولا يروح فينيسيا
على كذا فوت نصف عمره