أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم.. اول شي انا فهد من السعوديه العمر 24 .. الوظيفه: موظف في بنك عالعموم انا والله اني احب الكويت واهلها.. وعشان كذا انا والله دايم اقول ودي اجي للكويت بس دايم يصير لي ظرف في الدوام وماقدر اجي انا ناوي اجي انا مع اثنين من عيال عمي وجايين نعيد في الكويت انشالله وودنا تعرفونا عن الاماكن الحلوه اللي تصلح ان احنا نروحها.. وباذن الله راح نحضر صلاة العيد عندنا في الخبر وانشالله مايجي الساعه 9 الصباح الا احنا محركين و عليكم السلام و رحمة الله و بركاته حياكم الله بأي وقت .. الكويت بيتكم و مكانكم .. و عيدكم مبارك مقدما و بالسلامة ان شاء الله .. ما اوصيكم عالركاده وهاذي استفساراتي.. تفضل وانا و اللي معاي هني بالخدمة مطاعم ممتازه ميس الغانم > مشاوي روعة برج الحمام > مشاوي مغل محل > هندي فريج صويلح > كويتي ومطاعم شارع الخليج مثل أس أس دانه >للأكلات البحريه بافلوز كافيه > أمريكي ... دجاج تكا > مشويات ... جوني كارينوز > ايطالي و المطاعم العالمية بشارع الخليج أيضا نينو .. فرايديز .. فدركرز .. لي نوتر ... أبل بيز.. تشيليز .. روبي تيوزدي و بكل سوق بتلقون المطاعم للوجبات السريعه و البطيئه شقق او فنادق اسعارها ممتازه وقريبه من كل شي فنادق ( فندق المارينا - فندق هوليدي ان ) و المزيد في هذا الرابط فنادق الكويت http://www.kuwaithotels.info/default.aspx شقق فندقيه بودل للشقق بشارع المطاعم سارة للشقق الفندقية (خلف الفنار) ريتز السالميه مقابل سوق السالميه اماكن حلوه ( للشباب ) الأسواق و المجمعات الأفينيوز رابط زيارتي للأفينيوز زيارتي للأفينيوز - اضغط هنا https://artravelers.com/p/re/155059 المارينا سوق شرق الكوت >> لا تطوفكم القعده عند النافوره بهالجو الحلو المهلب رابط زيارتي للمهلب زيارتي للمهلب - اضغط هنا https://artravelers.com/p/re/157046 أماكن تستحق الزياره المركز العلمي : لازم تدشون سينما الأيماكس و بعدها الأكواريوم الأبراج الكويت : و احلى شي فيها انكم تشوفون الكويت من فوق المدينة الترفيهيه اذا كان الجو مو وايد بارد و تحبون قعدات البحر انصحكم بشاطئ شويخ سوق المباركية : سوق شعبي لا يطوفكم .. قعدات حلوه و قهوات بالنسبه للشاليهات نقدر ناخذ شاليه ؟ وبكم؟ مادري وهل في مسرحيات في العيد؟؟ أكيد في .. كل مره تكون مسرحيات عيد الأضحى اهيا نفسها مسرحيات عيد الفطر بس مادري شنو اهما ... ان شاء الله غيري افيدك بهالشي حياكم الله تحياتي لك و للجميع زعطوطه
2- اماكن حلوة:
المركز العلمي
المباركيه
يوم لبحار
الاسواق
سينمات
3- في مسرحيات..
حق طارق العلي- حاميها حراميها
حق انتصار الشراح و العقل و ولد الديره - اشباح امعي
حق زهره الخرجي بس نسيت شنو اسمها
و
يمكن فيه بعد بس مااعلنوا لسه!
يمكن خلال نهايه الاسبوع!!
والله انكم احرجتوني بلطفكم واخلاقكم اللي تجبر الواحد على رفع القبعه ( بس عندنا الشماغ )!!!! احتراما لكم,,
والف الف شكر على المعلومات اللي ماتوقعت اني احصلها هنا..
عالعموم ماقدر اقول قواكم الله يالنشامى وعساكم عالقوه وهذا هو العشم فيكم يا عيال الكويت..
وانشالله اني متوقع اني راح نستمتع بها الرحله دام احنا في اراضي الكويت,,
حبيت ارحب بالاخ فهد بالكويت ونحن نحبكم يا اهل السعوديه ونفس الشعور بالضبط
الاخوه والاخوات ما قصروا شرحوا كل شي الباقي عليك تجينا ولاتنسى تسوي لنا تقرير بعد وتاخذ كاميرتك وياك لاننا نبي نشوف الكويت بعيونك
و عليكم السلام... و النعم يا فهد و العمر كله انشالله... طبعا الأخوان و الأخوات ماقصروا...و الله يعطيهم العافية... أنصحك بأن تلقي نظرة على هذا الموضوع و تعرف مميزات كل منطقة للسكن... https://artravelers.com/p/re/159240 طبعا أنا أنصحك بالسكن في السالمية أو مدينة الكويت... و أيضا المناطق اللي تفصلهم مثل بنيد القار و الشعب...
لأنها قريبة جدا من مراكز التسوق, و الأماكن الترفيهية و التراثية...!
و كذلك منطقة البدع اهي قريبة من السالمية و بها عدد من المنتجعات و الفنادق عالية المستوى. بالنسبة للشاليهات كذلك أنا دارج في الموضوع عدد من المنتجعات البعيدة و الشاليهات و المنتزهات...و كذلك لا تنسى تزور في السالمية : مارينا مول - المركز العلمي - شارع سالم المبارك(كل مجمعات السالمية فيه و كل شي فيه و التمشي فيه حلو). و في مدينة الكويت : سوق شرق - أبراج الكويت - متاحف متعددة - سوق المباركية (أقدم سوق كويتي) - و غيرها. مجمع الأفنيوز(أكبر مجمع و يديد) في منطقة الري (تستغل طريق الدائري الخامس السريع و راح تشوفه على ايدك اليمين ). شارع الخليج العربي (فيه أماكن وايد و حلوة, و مطاعم على طول خط البحر, إخذ لك جولة فيه و اختر المطعم اللي يناسبك). مجمع الكوت و المنشر في مدينة الفحيحيل...انصحك تزور هذيل المجمعات إما في دخولك للكويت أو خروجك منها لأنها شوي بعيدة عن وسط المدينة و السالمية.
الأخوان و الأخوات ماقصروا...و الله يعطيهم العافية
حياكم الله في الكويت بيتكم و مكانكم .. و عيدكم مبارك
وبالسلامة ان شاء الله
وهذا رابط اذا تبي تجي عن طريق البر,,,,, https://artravelers.com/p/re/159327
مطاعم امريكية ومكسيكية
فرايديز
تشيليز
ابلبيز
روبي تيوزدي
فيدركرز..
مطاعم لبنانية
برج الحمام
ميس الغانم
ليلى * * * * *