هلا و غلا بك في مسقط و صلالة و عمان
ردودي تختصر على مسقط طال عمرك لني منها
خلينا نقول
بالنسبه للسياره مع السائق في مكاتب تأجير سيارات بكل فندق تأجر مع السايق و من غير سايق
و في مكاتب اجره توفر لك ( إذا كنت عائلة ) سائق سياره أنثى
نجي حق المكاتب السياحيه في مسقط
طبعاً في و لكن اغلبها للرحلات الخارجية او الاتفاقات من الخارج
و افضلها الزبير للسفر و السياحه و توفر هذي الشركة سيارة بسايق بعد و على اساس جولات سياحية ايضاً
المولات في مسقط
سيتي سنتر - مسقط
سيتي سنتر القرم
البهجه
منطقة المجمعات التجارية بالقرم ( مركز العاصمة التجاري - سابكو - خميس بلازا - العريمي سنتر - الوادي سنتر ) و مقابلهم مجمع الحارثي اللي فيه سلطان سنتر و مطعمهم
و عندك الماسه مول بالصاروج
الاسواق الشعبيه
سوق مطرح ( سوق الظلام ) و عنده سوق السمك و الكورنيش
سوق السيب
التكاسي متوفره بس مو بكثرة الامارات و لكنها متوفره
فنادق شنغرلا روعه بس بعيده عن المراكز التجارية
للاطفال ارشح لك مرح لاند لو انه مو ذاك الزود بس تمام و حديقة القرم الطبيعيه ( و حاسب على الرطوبه و الحر )
و اي شي انت تامر

1. بو ضاري 117


2. وعليكم السلام ورحمة الله وبركاته

بو ضاري 117

وعليكم السلام ورحمة الله وبركاته

ان شاء الله راح ازووركم عن قريب انا والعايلة احنا من الكويت وحابين نشوف الطبيعة والجو الحلو في صلالة عندكم علما العايلة مصرين على فندق شنغريللا مسقط وهذا اللي خلاني اسوي خطة يومين في مسقط والباقي في صلالة واتمنى انكم تساعدوني اخواني في عدة استفسارات:
حياكم الله يا أخوي
التكاسي كيف احصلها هل مثل الامارات في كل مكان ؟
التكاسي في كل مكان وكما يقول إخواننا المصريين ، بس الأفضل أجر لك سيارة ترى الديرة سهلة وأمان وإذا تهت أو ضيعت الطريق أسأل أي شخص وراح يدلك وترى الخرائط واللوحات الإرشادية موجودة وبكثرة .
وهل اقدر ااجر سيارة مع سائق للعايلة من مكاتب معروفة للسياحة عندكم (مسقط وصلالة) وشنو تنصحوني
بالنسبة للسيارة مع السائق ترى ما عندي أي خلفية إذا كانت هالخدمة متوفرة من مكاتب معتمدة ، كل ما أعرفه أن الخدمة موجودة ولكن ما هي المكاتب أو الشركات التي تقدمها لا علم لي عنها .
ابي اعرف الاسواق الشعبية عندكم والمولات ايضا مسقط وصلالة تكون قريبة من شنغريللا (مسقط)
أقرب سوق شعبي بالقرب من شنغريلا مسقط هو سوق مطرح الشعبي ، وبالنسبة للمولات في مسقط ترى أغلبها يوجد في منطقة القرم ، ومركزي البهجة والسيتي سنتر يقعان في السيب .
وهيلتون (صلالة)
بالنسبة لصلالة تراها تبعد يا أخوي 1000 كم عن العاصمة مسقط ، ولا توجد بها أي مولات كبيرة بإستثناء مراكز التسوق العادية ( سوبرماركت ) ومركز السنتر بوينت .
وبالنسبة للاسواق الشعبية عندك سوق الحافة التجاري ، وسوق المنتجات الحرفية في منطقة السوق التجاري في صلالة .
المطاعم الفخمة للسهر العائلي في مسقط وصلالة
في مسقط طالع هالرابط وراح يفيدك
https://artravelers.com/p/re/163030
وبالنسبة لصلالة ترى لا توجد فيها مطاعم فاخرة بإستثناء ما هو موجود في فندق الهيلتون والكراون بلازا .
وسامحوني يالغالين عالاطالة وشكرا
وإذا في خاطرك شيء تفضل وفالك طيب يا غالي .
تحياتي

أنا كوني من صلالة راح أساعدك بالمعلومات عن صلاله
في تكاسي بكثره بصلاله وفي سيارات إجار
وفي صلاله أسواق شعبيه بس مافي مولات كبيره
لنه صلاله حاليا تحت الانشاء المولات والمنتجعات الظخمه والفنادق والمباني
اما المطاعم فيه كنتاكي وبيتزا هت ومطاعم تراثيه بكثره ومطاعم فاخره في غير الذ ذكرتهم بس ماتحظرني الاسماء
يعني من تجي صلاله راح تستمتع بالطبيعه والتراث والبساطه

(وين رايح - سالم بن سيف - عظيم الشأن)
اشكركم وايد وتسلمون والله يوفقكم بصراحة افدتوني كفيتوا و وفيتوا يعطيكم العافية

نسيت يا ابو ضاري
بالنسبة للمطاعم
اي نوع من المطاعم تبغي
في عندنا مطاعم سياحية درجة اولى ( الرجاء الإلتزام بقوانيين المنتدى وعدم ذكر هذه الأمور)
في مطاعم سياحيه سريعه ( كنتاكي - هارديز - دجاج تكا - ماك - بريجو -بيتزا هت - دومينيز بيتزا - بابا جونز - ناندوز )
في مطاعم راقيه جداً ( طريق الحرير - بمدينة السلطان قابوس )
مطاعم 4 نجوم ( عمر الخيام السيب - عمر الخيام مدينة السلطان - الملعقة الذهبية - الاكثم - شمس بغداد بالسيب )
مطاعم العوفي درجة -5 موجودين بعد
انت حدد مبتغاك و الرد عندك بيوصل ان شاء الله
كل اللي فوق عن مسقط فقط
نسيت اقول المطاعم الشعبيه صارت بكثرة

بو ضاري
صلالة جنة الله في الارض
أنا زرتها وقت الاعصار وللأسف ما تمتعت !!
بس فيه مطعم بصلالة يذبح لك التيس ويشويه قدامك نسيت اسمه :|

في عندنا مطاعم سياحية درجة اولى ( الرجاء الإلتزام بقوانيين المنتدى وعدم ذكر هذه الأمور)
الى المشرف
ما هو المقصود من تعديل ردي
لم أخطا بما ذكرت
امركم غريب جداً
ما منعني من المشاركه هنا او التقليل هو تصرفكم سابقاً
و كأنكم لا تريدون احد ان يشارك غيركم

وين رايح،، غريبة!! ودي اعرف شو كاتب ههه
المهم اخ بوضاري شانغريلا اختيار موفق جدا
بالنسبة للتكاسي مش مثل تكاسي دبي بالعداد، تتفق على المبلغ ويلا، هذا طبعا بالشارع لكن من الفندق او المطار شوي تكون السالفة مختلفة من ناحية السعر
ونصيحتي قبل لا تتعامل مع اي تكسي تسأل اي حد من المنطقة الفلانية الا الفلانية كم عادة التكسي؟ ولما توقف تكسي تخليك واثق من نفسك وتبين له انك عارف السعر
بس طبعا انصح تأجر سيارة وتتمشى فيها بروحك وترى في مسقط ما توه ان شاء الله وهذا موقع يروج للسياحة في عمان وفيه اقتراحات لتأجير السيارات
http://www.omanaccess.com/explore_oman/rentacar.asp
بالنسبة للأسواق الشعبية فأقرب شي لشانغريلا سوق مطرح وانتبه عادة الفندق يعطوك رحلة مجانية بسياراتهم لسوق مطرح وبالمرة لف لك عالكورنيش وقصر العلم والقلعتين (الجلالي والميراني)
مولات!!!!! انت والله تحرني لما تتكلم عن المولات، جاي من الكويت وتسأل عن مولات عمان؟ لكن يلا اذا تريد تشوف الحركة والشعب روح سيتي سنتر ومركز البهجة
بس يومين فمسقط ما راح تقدر تلف كل هاللفات يا دوب يوم تمسح فيه الفندق كله ويوم ثاني لفة سريعة
بالنسبة للسهرات العائلية اذا قصدك مثل لبنان وكذا فمافيش،
بس مطاعم ممكن تقضو فيها تجربة حلوة هو مطعم اوبار للمأكولات العمانية وهو في شاطئ القرم وانصحكم تتمشو في شاطئ القرم وتختارو لنفسكم مطعم هناك تجلسون فيه
وممكن تسالو الفندق اذا عندهم اي انشطة للسهر لأنه عادة الانشطة في الشتا ومش في عز الصيف
تحياتي

مسقطيه
كاتب ان بعض المطاعم الدرجة الاولى بها كافة انواع المشروبات ( و حددت انواع المشروبات ما ابغي اذكرها لا يعدلون )