في انتظار اصحاب الخبره

هلا اخوي mr
المالديف غالية مرة والله يعينك عليها
اما الفنادق والمدن فانا اقترح الاتي :
كولمبو يومين في الوصول وقبل المغادرة والسكن في ( قلدارية او هيلتون )
نوراليا يومين ( فندق نوراليا ) وهي منطقة باردة جدا في ذلك الوقت
كاندي يومين ( فندق امايا ) وتعتبرباردة الى حد ما
بنتوتة يوم واحد (فندق تاج )
هذا راي ولك الخيار

مشكوو اخوي تركي والله يحزاك خير
شكلنا بنخلي
اول ثلاث ايام في نيقمبو لسبب قربها من المطار ووشي الاماكن الي تستحق الزياره وكيف الاسواق هناك نلقى فيها اغراض للسباحه ولساتك للصغار بحكم انها على البحر
وكم الوقت بين المطار وكاندي ونورالياوالمطار ونوراليا وكولمبو
انا قريت ان 40كيلو تستغرق ساعه هالكلام في جميع الطرق

هلا ومرحبا
الاسواق بشكل عام عادية جدا ولكن افضلها قي العاصمة
اما اغراض السباحة فتوجد في كل الشواطئ البحرية تقريبا
المسافة بين المطار وكاندي ثلاث ساعات تقريبا
المسافة من كاندي الى نوراليا حوالي اربع ساعات
المسافة من نوراليا الى العاصمة او المطار حوالي ثمان ساعات تقريبا
مسافة 100 كيلو تستغرق ثلاث ساعات
علما ان الطرق جدا ضيقة والسيارة لا تتعدى 40 الى 50 كيلو متر في الساعة
لكن متعة البلد وطبيعتها راح تنسيكم المسافة حتى لو كانت عشر ساعات
علما ان خلال مدة الطريق سيتم التوقف في محطات كثيرة للتنزه فيها
رحلة سعيدة

الله يجزاك خير اخوي تركي

1. أول شي أنصحك اذا ماسويت حجزك تخلي المالديف آخر الرحلة


2. لكن للمعلومية كانت رحلتي 2007

أول شي أنصحك اذا ماسويت حجزك تخلي المالديف آخر الرحلة

ثانيا اذا سويت حجز لا تسوي تخطيطك لانك راح تتعب كثير بحيث ان دامبولا بعيدة من المطار لذل تروح لها يومين وترجع للمطار عشان تطير للمادليف خطأ ومتعب اضف الى ذلك جو المالديف هادي جدا ومافيه اي نشاط يعني خلها بعد الرحلة والاستمتاع في سيرلانكا ولا تزيد عن ثلاث ليالي وانصحك تراسل هالشركة للحجز لاني راسلتهم وكانوا اقل الاسعار من الانترنت cirrus holidays maldives

لكن للمعلومية كانت رحلتي 2007

بالنسبة لفنادق سيرلانكا انصحك تجلس في دامبولا ليلة في امايا ليك وليلة في كاندلاما هم مقابلين بعض وبينهم بحيرة يعني من باب التغيير تجلس هنا يوم وهنا يوم ومافيه تعب للنقل كلهم جنب بعض كما ان ستايل كل فندق يختلف عن الثاني من ناحية المتعة والجلسة
وفي كاندي هوناس فولز ضروري تسكنه لان اللي يروح سيرلانكا ولا يسكنه يفتقد متعة كبيرة في روعة موقعه
وفي نوريليا اذا تبي الجو الحلو والهدوء اسكن في تي فاكتوري اذا تبي حول العالم اسكن في قراند لكن اختار الجهة المطلة على ملعب القولف الجديدة
ومن وجهة نظري ارى ان كولمبو قهر يضيع فيها الواحد يوم واحد زحمة وقرف ولا فيها شي يسوى لا اسواق ولا شي لذلك استفد من اليوم في منطقة استجمام
عندك بنتوته كمان حلوة اذا صار عندك يومين اجلس فيها
تحياتي