افا ما فيه احد شكلكم مشغولين
الله لايشغلنا الا بطاعته

الف مبروك .. و الله يجمع بينكم على خير .. و يهنيكم ..
بس التنقل مره كثير ..
و انتم شهر عسل !!
احس شوي صعبه .. و خصوصاً للعروس..

اخوي القبطان العريس.
اولا ابارك لك الزواج..وبالرفاة والبنين...
ثانيا ..لا انصح بسريلانكا ..لقضاء شهر العسل...واقترح تحويلها الى ماليزيا..حيث السياحة الراقية..والفعاليات السياحية المتنوعة...اما عيب سريلانكا فيومها ينتهي مع غروب الشمس..ولا توجد فعاليات يمكن قضاء الوقت فيها..
ثالثا..في حالة اقتناعك الكامل بالسفر اليها..فانصحك..بحذف فندق مهاوي واستبدالها بليلة اضاافية في فندق مصنع الشاي او فندق القراند بنوراليا..
بالتوفيق..

ألف مبروك مقدما
سيريلانكا جميلة و رائعة لكن مثل ما قال الاخ بعد غروب الشمس الواحد ما يقدر يطلع و تخلو من الاماكن الراقية
لكن اذا كنت من محبين الطبيعة ستعجبك سيريلانكا
من وجهة نظري
كنسل الفندق الي ب كاندي دير بارك و روح يوم واحد ب منطقة جال في شاليهات خاصة لشهر العسل تجنن و فيها داخلهم مسبح راقية جدا الشاليهات و تطل على البحر و اسمها Saman villa و في لهم موقع على الانترنت دور في قوقل
ونواراليا اجلس فيها يومين لانه الجو حلو و بارد و تعب عليكم لانها بعيده عن المكان الي فيه فندق عدن
في عندي رقم عبدالعزيز صاحب شركة سياحية اذا بغيته خبرني

اهلا اخوي الحبيب القبطان احمد اولا مبروك مقدما .
ثانيا انا كنت هناك الصيف الماضي وقد وقعت في بعض اللأخطاء
وسوف اذكرها هنا لكي تتلافاها :
1- لا تكثر السكن والتنقلات بين الفنادق وأنصحك ان تجلس في كل فندق
يومين او ثلاثة لأن الطرق متعبه وتعرف سيرلنكا هي عبارة عن سياحة
فنادق وطبيعة فقط .
2- لا يفوتك فندق تاج في بنتوته ممتاز .
وأنا كنت مع سائق ممتاز وذو اخلاق عاليه جلست معه يمكن عشرة ايام
وصراحه امين ومحترف في القيادة . اذاحجزت الفنادق او اخذت البرنامج
من مكتب وبقي السائق ارسل لي رساله على الخاص وأنا اعطيه البرنامج
وأنسق معه . هو يستأجر سيارة عادة وممتاز انصح به لكن انه مايتكلم
عربي وليس مسلم لكن اخلاقه افضل من بعض المسلمين هناك .فقط
تقوم انت بوضع خط السير وهو يحدد لك السعر وهو معك دائم وفي السكن يدبر نفسه .

أخوي القبطان الحزين وش صار على برنامجك ؟

هلا اخوي القبطان الحزين الف مبروك وجعل ايامكم كلها سعاده وهنا
انا حاليا في سيريلانكا والاوضاع السياسيه والامنيه ميب زينه ابد
انا قبل اسافر الناس حذروني بس انا توقعت الناس تبالغ وهذا انا الحين ارسلك من سيريلانكا واقولك اللي اشوفه
يعني كهرباء مقطوعه وتفجيرات ومافي امان بالمره

اشكركم على تفاعلكم معي
استفدت من ماكتبتم ولكن السفر هو مغامرة وكل شخص يشاهد المكان بعينه
رحلتي بعد غد ان شاء الله
عملت بعض التغييرات
والله يوفقنا