مساء الخير للجميع
في البدايه هذي المره الاولى الي اشارك في هذا المنتدى الجبار والرائع والي يستحق ان نشكر فيه القائمين عليه .
عندي عدة استفسارات وياليت تساعدوني الله يجزاكم عني وعنكم وعن والدي و والدينكم كل خير
اول شي انا ان شاء الله زواجي بيكون في شهر محرم 1432 يعني في بداية السنه الميلاديه الجديده
انا جوي ومزاجي يحبون الطبيعه والاسواق والمولات وكذلك للمدن الساحليه وانا بصراحه متوهق لان الفتره الي ابتزوج فيها بتكون
في عز البرد.
فهل تنصحوني بامريكا اولا ؟ ووين اروح في امريكا ؟ وهل الاسعار مناسبه ؟ وماهي الخطوط الي تنصحوني فيها , وكذلك ماهو
خط السير المناسب ؟ وفي حالة عدم نصيحتك لي بامريكا ماهي البدائل المقترحه؟
ياليت تنوروني الله ينور عليكم خصوصا اني ماقد رحت لامريكا
وبعدين ما ودي اتوهق في المطارات خصوصا انه شهر عسل يعني مالي خلق امور تنكد علي في هالشهر
وهل بيكون فيه احراج من ناحية اللغه خصوصا ان لغتي الانجليزيه مش ولابد يعني ماودي انحرج قدام زوجتي ولا الامور تسلك
وتمشي اذا رحت ؟
وآخر سؤال الي هو ماهي الطريقه المثلى لاجراء الحجوزات هل هي عن طريق النت ولا مكاتب السياحه ؟
بانتظار ردودكم لاعدمناكم يالغالين
تحياتي لكم