السلام عليكم ورحمة الله وبركاته
هلا وغلا الغالي
تامر امر
وان شاءالله بنحاول الليله انخلص الموضوع لان الموضوع يبيله قعده
مبدئياً إذا انت اتحب المشي وهذي متعة لندن ..متحف الشمع يبعد عنك 15 دقيقه مشي ..
ومتحف صدق او لاتصدق نفس الشي ..
ومافيها تعقيد ..كله سيدا ..بس متحف الشمع اتلف يسار بعد الفندق ومتحف صدق او لا تصدق اتلف يمين ..
والشور لك الغالي
وعدنا الليله ان شاءالله

Gold17
ان شاء الله تكون هالاسئلة اهيه الاخيرة لسفرتي اللي ما باقيلها الا 20 يوم إلى لندن واحس انها بطيئة بشكل ممل !
يعني قعدتي كلها بداية فبراير إلى نص فبراير ان شاء الله الاجواء تساعد على الاستمتاع والشوبنغ
اسئلتي هي :
انا شريت كل انواع المساعدة للتنقل في بريطانيا للابتعاد عن التكاسي , "راح استخدم التكاسي اذا لزم الامر فقط "
شريت big bus tour و oyster للتنقل عبر الاندر قراوند والباصات
السؤال هو :
انا ساكن في فندق the langham london hotel
1- كيف الذهاب من الفندق إلى lyceum theatre ؟ سواء في الباص او الاندر قراوند
2- كيف الذهاب من الفندق إلى لندن اكواريوم ؟ " الباص او الاندر قراوند "
3- كيف الذهاب من الفندق إلى لندن دنغون ؟ البانص او الاندر قراوند
4- كيف الذهاب من الفندق إلى متحف الشمع ؟ الباص او الاندر قراوند
5- كيف الذهاب من الفندق إلى متحف صدق او لا تصدق ؟ الباص او الاندر قراوند
6- كيف الذهاب من الفندق إلى لندن آي ؟ الباص او الاندر قراوند
7- كيف الذهاب من الفندق إلى بست فيلج ؟ الطريقة بالشرح المفصل
8- كيف الذهاب من الفندق إلى قصر الملكة اليزابيت ؟ واي يوم يبتدأ العرض العسكري وتغيير الحرس والساعة كم ؟
9- كيف الذهاب من الفندق إلى هارودز ؟ الباص او الاندرقراوند
ملاحظة :
1- ياريت تعلموني هل الذهاب والعودة بنفس الباص اذا علمتوني طريقة الباص في الرجوع
2- اذا كان اللي ذكرتها بجانب بعضها يا ريت اعلامي فيها علشان اخصص يوم كامل للي جانب بعض
شكراً
هلا بأخي الفاضل أنا راح أعطيك أقرب محطات الأندرقروند فى هذا الربط
http://maps.google.com/maps?hl=ar&q=the+langham+london+hotel+&ie=UTF8&hq=the+langham+london+hotel&hnear=&ll=51.52068,-0.142565&spn=0.0243,0.055017&z=14&lci=transit

1. عدنا من جديد ..


2. 9- كيف الذهاب من الفندق إلى هارودز ؟ الباص او الاندرقراوند

عدنا من جديد ..

1- كيف الذهاب من الفندق إلى lyceum theatre ؟ سواء في الباص او الاندر قراوند
بعد ماتطلع من الفندق لف يمين وراح اتلاقيني قدامك اكسفورد سيركس عباره عن تقاطع وكله زحمه..تعدا هالتقاطع وراح اتلاقي موقف باصات على يسار ..اخذ باص رقم 6 او 13 او 15 او 23 او 139 وبعدين قول للسواق نبي انروح مسرح lyceum theatre وهو راح ايقولكم متى تنزلون ..والأندرقراوند تحتاجون اتغيرون اكثر من محطه فراح نستبعده للتسهيل
2- كيف الذهاب من الفندق إلى لندن اكواريوم ؟ " الباص او الاندر قراوند "
من نفس مكان الباصات الي فوق تاخذ باص رقم 139 وراح ايوصلك حق لندن اي ولندن اكواريوم
3- كيف الذهاب من الفندق إلى لندن دنغون ؟ البانص او الاندر قراوند
بعد ماأتخلص لندن اكواريوم اطلع منه وارجع لنفس المحطه الي نزلت منها ..اخذ باص رقم 381 وراح ايوديك لين مكان سجن القلعه السري ..وهالمكان عند محطة لندن بريدج
4- كيف الذهاب من الفندق إلى متحف الشمع ؟ الباص او الاندر قراوند
افضل انك اتروح مشي لأنه قريب منك ..لف يسار اول ماتطلع من الفندق وامش لين نهاية الشارع وبعدها لف يسار لأن الشارع بينقسم قسمين ..اول ماأتلف يسار بتلاقي مكان قبته خضرا ..هذا هو المتحف ..
5- كيف الذهاب من الفندق إلى متحف صدق او لا تصدق ؟ الباص او الاندر قراوند
نفس الشي ..مكانه قريب ..بعد الفندق لف يمين ..امش سيدا لين توصل ساحة البيكاديلي ..بعدها تقدر تسأل اي حد هناك وراح ايدليك ..
6- كيف الذهاب من الفندق إلى لندن آي ؟ الباص او الاندر قراوند
شوف السؤال رقم 2
7- كيف الذهاب من الفندق إلى بست فيلج ؟ الطريقة بالشرح المفصل
بستر فلج اتروح لها عن طريق محطة مارليبون ..وهالمحطه مكانها عند متحف الشمع ..يعني بتروح لها مشي ..قولهم ابي تذكره إلى بستر فلج ذهاب وعوده وروحوا بدري عشان اتلفون السوق كله ..
8- كيف الذهاب من الفندق إلى قصر الملكة اليزابيت ؟ واي يوم يبتدأ العرض العسكري وتغيير الحرس والساعة كم ؟
يبدا يوم الاحد الساعه 11 ..واخذ باص رقم 73 ..هالباص مواقفه موجوده في شارع اكسفورد ..بعد ماتطلع من الفندق لف يمين ..إذا وصلت اكسفورد سيركس لف يمين وادخل شارع اكسفورد ..اخذ مواقف الباصات الي من صوب محلات زارا ونيكست واديداس ولا تاخذ مواقف الباصات الي من اتجاه السليفرج جون لويس ..

9- كيف الذهاب من الفندق إلى هارودز ؟ الباص او الاندرقراوند

اخذ مواقف الباصات الي في شارع اكسفورد واركب باص رقم 137 ..بس لاتنسى ..نفس الحركه الي فوق ..شارع اكسفورد الباصات فيه رايح جاي ..لاتاخذ الباصات الي متجهه صوب اكسفورد سيركس واخذ الباصات الي طالعه من اكسفورد سيركس ..اتمنى اتكون هالنقطه واضحه
واي خدمه احنا تحت امرك الغالي

بسم الله الرحمن الرحيم
اخوي المزعج :
شكراً جزيلا على الموقع
القطري :
لك الشكر الكثير على اللي قاعد تقدمه للأعضاء عامة ولي خاصة
تعبتك معانا ولك الاجر في كل هالتعب بإذن الله الواحد الأحد
واكيد احب المشي انا في الخليج وامشي مسافات طويلة فما بالك بلندن
عندي سؤال ان شاء الله يكون بسيط ,
لاتاخذ الباصات الي متجهه صوب اكسفورد سيركس واخذ الباصات الي طالعه من اكسفورد سيركس
شلون اقدر اميز هل في علامة ؟
بارك الله فيك وعسى الله يوفقك دنيا وآخرة ان شاء الله

الامر بسيط الغالي ..
بعد ماتدخل شارع اكسفورد وانت جاي من الفندق ..
راح ايكون اكسفورد سيركس وراك الحين ..صح ! اكيد صح لأنك تعديته :8888:
راح اتشوف الباصات الي من اتجاهك مقابله لك ..
والباصات الي على المسار الثاني في شارع اكسفورد مخالفه لمسار الباصات الي من اتجاهك ..
خذ الباصات الي في المسار الثاني ..عشان تتأكد اكثر كأن الباص راح اتجاه الهايدبارك
اتمنى اوضحت

شكلي عقدت الموضوع وهو بسيط
ولكن هذي صوره توضيحيه
الخط الأخضر بيكون اتجاهك وانت جاي من الفندق
علامة اكس باللون الأحمر هذا هو تقاطع اكسفورد سيركس
الشارع الي عليه الباصات هذا شارع اكسفورد
الباص الي امحدد باللون الأصفر بيدخل تقاطع اكسفورد سيركس
الباص الي امحدد باللون البنفسجي هذا طالع من اكسفورد سيركس ومتجه صوب الهايدبارك

ان شاءالله اوضحت الحين

بسم الله الرحمن الرحيم
تعبتك معاي يا اخوي القطري
وضحت السالفة عدل
واعتقد انه في اماكن توقف الباصات مكتوب عليه إلى اين متجه او اسم المحطة
شكراً جزيلاً لك
وانتظر لمه اروح لندن وارجع مع تقرير ان شاء الله يكون مميز
وراح يكون لك الشكر الكثير على اللي قاعد تسويه
بارك الله فيك

هلا الغالي
مافهمت !!
هل قصدك مسارات الباص !
عند كل موقف بتلاقي رسمه اتبين لك مسار الباص ..