السلام عليكم
اخوي 100 دولار = 3500 لغاية 3600 بات
بخصوص الشقق تكون ارخص من الفنادق
اعتقد والله اعلم مابين 20الف لغاية 30الف بات بالشهر
بخصوص الصرف على الطعام هذا صعبه تحددها
ممكن تاكل سندويش باليوم وممكن تاكل صحن دجاج يعني تفرق كثير
لكن بصورة عامه الاكل رخيص بتايلاند
اما الاماكن السياحيه
عندك فوكيت
وكذلك بتايا
وشنق ماي
ورحلة موفقه ان شاء الله

مرحبا بك بالنسبه حق صرف العمله مثل ماقالك اخونا 100 دولار = 3500 بات او 3400 بات او 3600 بات وانت هناك الدولار يصعد وينزل وايام الاجازات والعطل الرسميه في تايلند الصرف يصبح قليل فانت قبل العصله اصرف
الاكل ارخيص وماتشيل همه اذا بتاكل سي فود اكل بحري بكل مكان وانت ومعدتك وجيبك يدفع ولا تحاتي والرحلات السياحيه وايد وماتطوف بس مو الكل اختر اللي يناسبا ويناسب جيبك ومدة رحلتك
وبالنسبه لأسعار الشقق في الممتاز سعر الليله 1700 بات واخونا كاتب موضوع عنه في كشكول تايلند ومو مقصر ابحث وراح اتشوف اللي تبيه
منقول هذا الكلام من اخونا ARABIAN
Aspen Suites Bangkok أجنحة آسبن (آسبن سويت)
يقع على بعد حوالي 700 متر من فندق الماريوت سكومفيت , عبارة عن شقق فندقية متواضع الشكل من الخارج.
السعر والموقع والخدمة ممتازة وانصح به لمن يحب الهدوء في سكنه والأمن ممتاز فلا يسمح لأحد بزيارتك إلا بعد ترك بطاقتهم مع الاستقبال ولو أن ضيفك قد تردد عليك أكثر من مره.
سعره من 1999 بات وحتى 2999 بات حسب نوعية الغرفة/الشقة والسعر شامل الإفطار وكل واحدة مجهزة بمطبخ متكامل وطاولة طعام لنفرين وخزائن ملابس واسعة جدا
وتلفزيون كبير واستريو و د في د DVD وانترنت مجاني, كما يوجد في الاستقبال جهازي كمبيوتر لاستخدام النزلاء مجانا. حقيقة أنصح بهذا الفندق بدون تردد.http://www.aspenbangkok.com/
أفضل فندقين هما نوفوتيل سيام 5 نجوم و آسبين سويت 3 نجوم
وشكرا

احبائي الكرام .. دولار ليمونه حزينه
بارك الله فيكم كيفيتو ووفيتو واشكركم جزيل الشكر لمساعدتكم

لا شكر على واجب للمنتدى الغالي

100 دولار = 3500 بات
يرجى الرجوع الى أرشيف بانكوك لتجد ضالتك في الأسعار جميعا

الصرف مثل ما قالوا الأخوان....في هذا المعدل غالباً
الأكل + المواصلات + السكن = كلهم الحمدلله رخاص ولا تشيل همهم....الآن نحن 3 أشخاص معدل سعر أكلنا تقريباً 900 بات أي 90 ريال.....نطلب كل شي من مقبلات ومشاوي وغيره....
الله يوفقكم وتستانسون ان شالله ^_^

والله لا اعرف كيف اشكركم اخواتي واخواني على مساعدتكم
لكن بصراحه انا خجلت اسأل اكثر ماحبيت اثقل عليكم بالاسئله
بس شنو اسوي ماعندي غيركم اعتمد عليه
لذالك اسمحولي اطرح اسألتي اللي بداخلي يعني اللي اريد اعرفه بالتفصيل الممل
ولا تزعلو مني وتقولو يسأل كثير
اولا عرفت اسعار العمله والاكل لكن حبيت اوضح بعض الامور
انا في كل سنه اعمل لنفسي ميزانيه لسفره واحط مبلغ 5000 دولار ( على قد حالي )
فقط حبيت اعرف الاتي
اسعار الشقق المفروشه يعني منها فخمه كثير بتكون مناسبه انا بصراحه ماني رايح اتكشخ
والشقه بخليها للنوم فقط يعني طول النهار طالع ( احب التفرفر والاطلاع )
لذالك حبيت اعرف الاسعار في مناطق تكون جميله ونضيفه ومنها مكلفه كثير
خصوصا اني مو من النوع اللي بيتنقل بين المناطق
يعني لو لقيت في شنغ ماي بقيت شهر ولو لقيت في بتايا بقيت شهر ولو لقيت في بوكيت كذالك
ولهالسبب حبيت اسأل عن افضل المناطق السياحيه اللي ممكن اقضي فيها رحلتي
انا رايح اهدي اعصابي وارتاح من ضغط بلدي
الشي الثاني اللي حبيت اعرفه هو هل اللغه الانجليزيه تكفي كي اتواصل مع الناس ولا معضمهم مايعرفون ولا شنو
وبالمختصر المفيد ميزانيتي 5000 دولار منها سكن ومنها اكل وشرب ومنها تنقلات هل تكفيني ولا لا ؟
وانا اشكركم جزيل الشكر وماراح اثقل عليكم بالاسئله بعد اوعدكم
تحياتي واحترامي للجميع

اخوي رغم طلبك ان اسئلتك بالتفصيل الممل لكن بصراحه اسئلتك غامضة وغير واضحه
وانا متابع معك من اول سئوال مثل :
الاكل اي اكل سي فود ولا سريع ولا عربي
ميزانيتك ( 5000 ) دولار شاملة ايش كل شي تذاكر وسكن وتمشي ؟؟؟
اسعار الشقق في المناطق ( اي مناطق اخوي ،،، كل المناطق ) بعض المناطق مافيها شقق
( خصوصا اني مو من النوع اللي بيتنقل بين المناطق ) يعني تبي اي منطقة وحده بس تكفيك ؟؟؟
افضل المناطق ،،، كثيرة ولا نقدر ان نحدد المنطقة اللي ممكن تهدي اعصابك فيها ،،، ممكن بحر ولاجبل ولا مدينة
( الشي الثاني اللي حبيت اعرفه هو هل اللغه الانجليزيه تكفي كي اتواصل مع الناس ولا معضمهم مايعرفون ولا شنو ) كلام خطير هذا وبعدين نزعل عليك ،،، ممكن تتواصل معهم بالاشارة او بالغة الالمانية او الاسبانية واخر شي الانجليزية
تحياتي