1. تحية عطره ملؤها المحبة والتقدير لأهل الكويت جميعهم


2. سؤالي بارك الله فيكم

السلام عليكم ورحمة الله وبركاته

تحية عطره ملؤها المحبة والتقدير لأهل الكويت جميعهم

سؤالي بارك الله فيكم

عندنا ولد عنده عسر قراءة ( ديسلكسيا ) ماخلينا ولا مكان بالسعودية الا وعرضناه عليهم لكن بدون فايده وبالصدفه لقيت موقع الجمعية الكويتية للديسلكسا وقريت عنها كثير بس ودي بمعلومات من ناس جربت هالجمعية لأن اللي جرب مو مثل اللي قرأ او سمع استفساري يتمثل بالنقاط التالية :
1-موقع الجمعية
http://www.Q8DA.COM
فى منقطة العمريه شارع العمريه بلوك 4
مواعيد العمل من الساعه 9 صباحا الى الساعه 12صباحا
و من الساعه 4 مساء الى الساعه 8
و يفضل الاتصال قبل السفر حتى تحجز موعد لفحص طفلك
تلفونهم
62- وش رايكم بالجمعية من ناحية النتائج الملموسه للأطفال اللي عندهم عسر قراءة.
نسبه كبيره لقت تحسن فى اداء الطالب و ثقة بنفسه
3- التكاليف ( اختبارات + برامج ).
تكلفة الفحص 95دينار كويتى يحدد نسبه الاصابه لدي الطفل و بعدها تكون فيه جلسات علاجيه و تكلفتها على ماظن بين 15 الى 20دينار للجلسه الواحده
4- اذا تطلب الأمر الإقامه بالكويت مثلاً لمدة شهر أو أكثر كم تكاليف المعيشه تقريباً .( سكن + مصاريف وخلافه )
الاخوان مايقصرون ماعندي فكره
5- افضل واقرب وارخص سكن قريب من الجمعية الكويتية .
الفروانيه اقرب مكان للعمريه
واذا كان عندك مزيد من استفسارات يمكنك مراستلهم عبر موقعهم او الاتصال بهم
اتمني اكون اجاباتي مفيده لك
واى شى ثاني انا حاضر لك

بارك الله فيك اخوي كفيت ووفيت وتسلم الأيادي حقيقة معلومات مهمه زودتني فيها زادك الله اجراً .
في انتظار اجابة السؤال الرابع التكلفه وهل منطقة العمرية الاقي فيه شقق او فنادق او منطقة الفروانية باليت عناوين او ارقام تلفوناهم والأسعار.
بارك الله فيك

بندر بن فيصل
العمريه منطقه سكنيه
ماعندك غير الفروانيه ارخص و اقرب مكان لك
ماسويت الا الواجب

اخوي بندر
اسأل الله العظيم رب العرش العظيم أن يشفيه
في البدايه الله يشافي ولدك وتفرح فيه ان شالله
اخوي فيصل للاسف مافيه شقق فندق في الفروانية ولا العمريه
فيه بس فندق كراون بلازا في الفروانية اهو الفندق الوحيد موجود بالفراونية
وهذا موقع الفندق
http://www.kuwait.crowneplaza.com/AxCMSwebLive/EnHome.cms
واذا حبيت اي خدمه او سؤال او ستفسار لايرده الا لسانك وحاضرين لك
وهذ موقع الجمعية علي الخريطه .... إن شالله تكون واضحه

وهذه احداثياته
N 29 17 49.7
E 47 57 08.6ملاحظه للمشرفين ممكن اضع اميلي!!
للتواصل مع الاخ بندر بن فيصل ومساعدته
او كيفية التواصل مع العضو!!

السلام عليكم ورحمة الله وبركاته
اشكر الأخوين :
AKTD
q8hero
بارك الله فيكم وجعل ذلك في موازين حسناتكم
الأخ الكريم AKTD مثمن جهودكم الكريمه فرحم الله والديك تراك كفيت ووفيت بالشرح والتفاصيل الرائعه.
تقبلوا تحياتي العطره لشخصكم الكريم.
ملاحظ ان اسعار الفنادق غاليه جددا وكان ودي الاقي شقه لشخصين وطفل بالفروانيه تكون رخيصه نوعاً ما .
اتمنى اذا احد عنده فكره عن اسعار الشقق بالفروانية يدلني عليها او اي موقع يكون بالعربي اقدر احجز منه شقه .

بندر بن فيصل
اخوي ما سوينا شي
وهذا قليل نقدمه لك
اخوي بندر
انا رحت المنطقة وسئلت
عن شقق فندقيه
لقيت
الضيافه لشقق الفندقية
ميراج للشقق الفندقيه
لكن نصيحه وانا اخوك الخدمه تعيسه في التعامل لان تكلمت معاهم وما عجبني اسلوبهم
اذا خاطرك فيه بلغني اروح لهم اسئلك عن سعرهم
مع اني خاطري انا تروح السالميه تسكن هنااك فيه فنادق
راقيه وخدمه رائعه
انتظر ردك

1. السلام عليكم ورحمة الله وبركاته ...


2. الأخ بندر بن فيصل ..

السلام عليكم ورحمة الله وبركاته ...

الأخ بندر بن فيصل ..

دولة الكويت صغيره ولا يحتاج السكن بالقرب من منطقة العمريه على الرغم من وجود شقق فندقيه قريبه بمنطقة الفروانيه وجزاهم الله خير الأخوان استفسروا عن الشقق المحيطه ولا يحبذون السكن فيها ولا توجد أي مشكله بالسكن في المناطق الأخرى كالسالمية أو الكويت العاصمة نظرا لكثافة وتعدد الشقق الفندقيه .. حيث من الممكن اختيار المناسب منهم واتوقع الأجار لمدة شهر سوف يعود عليك بالنفع إقتصاديا .
وبالأستفسار مبدئيا من بعض الشقق الفندقية لفترة شهر كانت الأسعار كالتالي :
1- فرح موتيل للشقق الفندقيه ( غرفه سريرين + حمام أعزك الله 360 دينار بدون مطبخ وإذا مع مطبخ 480 ) تلفونهم 22442103 والتحدث مع الموظف مهند .
2- هلا موتيل ( غرفه لشخصين + حمام + مطبخ 350 دينار لمدة شهر ) تلفونهم 22560923 والتحدث مع الموظف توني .
3- خالد هاوس ( غرفة لشخصين + حمام + مطبخ بمبلغ 750 دينار ) تلفونهم 22552033 والتحدث مع الموظفة إندو علما بان الليله 35 دينار ولمدة شهر تخصم الى 25 دينار .
4- دريم إن للشقق الفندقية ( غرفتين + حمامين + مطبخ + صاله بمبلغ 600 دينار كويتي للشهر ) وحاليا لا يوجد شاغر ومن الممكن الحجز بعد العيد باسبوعين تلفونهم 25745566
ولا تتردد بالإستفسار فنحن في خدمتك .
وعيدكم مبارك .

اخواني الكرام : Aktd -fresno
الله يجزاكم خير ويرحم والديكم والله ماودي اتعبكم لكن وش نقول هذا موب غريب عليكم طبع اهلنا وحبايبنا اهل الكويت اهل النخوه والمعروف والواجب .
عاجز عن شكركم ولكم دعوه من قلبي ومن مكة المكرمة في هذه الأيام المباركه وأي شء تبونه من مكة تامروني امر .
تقبلوا تحياتي العطره

الأخ بندر بن فيصل ...
نحن بخدمتك ولا تتردد باي استفسار سواء عن الشقق او غيره .. كما انني انصح ان تقوم بتاجير سياره عند وصولك لدولة الكويت وياريت يكون عندك نافيجاتور يكون افضل .. علما باننا على استعداد للمساعده باي شكل من الأشكال .