أحلا بنوتة
30-03-2022 - 09:34 pm
السلام عليكم
شحالكم وشخباركم؟؟
حبايبي بغيت اشاوركم في اخذ ولدي الصغير معاي للسفر الى النمسا؟؟
اول مرة اسافر مكان بعيد مثل اوروبا ومحتارة اخذ ولدي اللي عمره سنة وثلاث شهور معاي والا اخليه عند يدته؟؟
انا خايفة اذا اخذته معاي نتبهدل معاه ومانستانس كلكم تعرفون الياهل واحتياجاته من اكل وتبديل حفاظ ونوم ..وشو ممكن يسبب من احراج اذا تم يصيح او يريد شيء؟؟
وبالنسبة للاكل ماعرف شو بيكون من نوعية الاكل يلي تناسب الاطفال عندهم؟؟ يعني نحنا كبار عادي ناكل اي شيء ونتم طول اليوم بدون اكل بس الياهل لا؟؟
وثاني شيء يلي خايفة منه ان سمعت في عصابات في اوروبا تخطف اليهال وتتاجر بالاعضاء البشرية وبصراحة انا خايفة عليه وايد..
ومن جهة ثانية اذا خليته في البلاد وسرت عنه اخاف اتوله عليه واتم اصيح هناك واقول حق زوجي رجعني ..يعني مابستانس؟؟
شو رايكم انتم وشو تجاربكم وخبرتكم؟؟؟
بعدين نقطة مهمة الاطفال بهالسن غالباً مايمرضون ويصير تغير الجو عليهم .. وبعدين دام يدته موجوده
والله يطول بعمرها خليه عندها واستمتعي برحلتج =)