افا بو احمد عندك مجمع العربيد بالكويت تعال شوف منو الزبائن عنده كلهم اهل الخليج والاسعار حلوة ومعتدله
ومكانه بالضبط بالفرواينه خلف الجمعيه
انت فيك روحه للبحرين وكثر من الرهش لان اهل البحرين يحبون الرهش والدرابيل بعد
تروح وترجع بالسلامه

الله يسلمك اخوي ناصر
المدام تعرف العربيد
بس حابة تشتري من البحرين
خبرك الحريم ما يستانسون إلا إذا شروا شي من السفر
سفؤتي الاخيرة للبحرين والخبر كانت بالنسبة لزوجتي مختصرة بهالجملة :
(الخبر حلوة والبحرين ما استانسنا وايد)
تعتقد ليش ؟؟
لأن بالخبر إشترت عدة قطع من المحلات أما البحرين فما شرينا إلا حلوى ومتاي هاهاهاهاهاهاها
شفت شلون الحريم
بس أخاف عقب هالكلام تشب علينا أم فهد وما ترد على سؤالي
تكفين يا أم فهد تراهي غشمرة لا أكثر ولا اقل
انا دايما أطفر المدام بهالكلام اقولها الحريم ما يحبون بالدنيا شي كثر المشترى وقت السفر

ياهلا بفهد الأحمد
انا افصل دايما من الرفاع
عند نامليتي
باوصف لك المكان اللي افصل من عنده عاد ما ادري 3 ايام صعبه شوي مو مشكله اذا جيتوا انا اروح معاكم ونحاول ان يسويها في 3 ايام بس لازم من اول يوم تجون البحرين تروحون عنده
المهم اعتقد انك تدلي بيت الشيخ خليفه الله يحفظه
او مطعم مشتان اللي يسوي السندويشات الكبده علي هذا الشارع محل العبايات نامليتي
العبايات وايد حلوه وطبعا الأسعار من 30 دينار اللي 100 دينار
اذا تبي اي شئ احنا حاضرين

فهد الأحمد
انا تري ما احب المشتري وريلي مستانس مني وايد
تري مو بخيله بس ما احب اشتري ما ادري احسها تعب الواحد يروح ويدور واخر شئ يكنز اشياء في البيت مالها معني
تري ادري الحريم كلهم يحبون السوق الله المستعان مع ازواجهم

الله يسلمج أختي ناريمان ومشكورة
بس انا من كل سفراتي للبحرين مرة وحدة بس دخلت الرفاع (رحت القلعة) وغير جذي ما أدل فيها ابد
ودي لو نتفق على مكان معين يكون سهل وننطلق منه للمحل
راح اقدر لج هذه الخدمة و المهم إن عنده ديزاينات حلوة عشان تستانس المدام
منتظر ردج

هلا بفهد الأحمد
انت تدلي دوار الرفاع الغربي واذا انت جاي من الجسر تروح سيده تري انا حدي ما اعرف اشرح
انزين انت وين تدلي اذا تدلي سوق واقف تعال هناك وانا اوديك لين محل العبايات
بس قولي وين وانا اوديكم هناك
في الأنتظار انا ما بطلع من النت الأ لين تدلي المكان او تبيني اوديك بعد احسن واسهل وما يضيع عليكم اليوم كله
انتظر ردك

ما بجاوب على سؤالك الاخير..خ لاني مب ام فهد
المهم بقولك شي... بالنسبه للعبايات تعال سوق الدمام .... اهلنا اللي في البحرين يوصونا نفصل لهم هنا.... لاسباب و من اهمها السعر ... عادي تفرق 200 ريال

1. الوصول لهذا المكان سهل جدا راح اوصف لك ..

هلا اخوي فهد الاحمد ,, انا شاب مو بنت بس احب اساعدك لان عندي خلفية بهالموضوع فيه كذا مرة وصلت خواتي مع الوالدة لمحلات بالرفاع لتفصيل العبايات ,, مثل ماقالت اختي ناريمان محل النامليتي على شارع مشتان في الرفاع ,, و فيه محل بجانب محل مشتان للكبده بالضبط و اظن بجانب النامليتي يعني محلين جنب بعض ,, و بهالشارع بتلاقون محلات مختلفة للعبايات .

الوصول لهذا المكان سهل جدا راح اوصف لك ..

تخيل اخي العزيز انك تقود سيارتك و على يمينك المستشفى العسكري ,, و تتقدم للامام لتصل لدوار الساعة بالرفاع ,, تاخذ الدوار و تواصل طريقك للامام و ستجد على يميينك (مونتانا للسيارات) و هو معرض سيارات معروف ,, هنا يوجد عندك خيارين اما ان تاخذ الاشارة و تذهب يسارا ,,و ستجد على يميينك قصور للعائلة الحاكمة , منها قصر او منزل الشيخ خليفة بن سلمان رئيس الوزراء ,, و قبل القصر مباشرة تنعطف لليميين ,, و تواصل طريقك و ستكون في شارع مشتان و بتشوف محلات العبايات .
و الطريق الاخر ,, هو بعد مونتانا للسيارات تواصل طريقك للامام ,, و ستجد على يميينك مطعم برجر لاند ووتجاوزه و تواصل للامام الى ان تصل للاشارة الضوئية الثانية و تذهب لليسار حيث سوق و شارع البوكوارة المعروف ,, اعتقد تعرفه هذا الشارع , و بعد ان تدخل فيه بتلاقي اشارة ضوئية اخرى ,, اذهب لليسار , ثم واصل طريقك في السوق الى ان تصل لتشاهد امامك اسواق المنتزه , اذهب لليميين و اكمل طريقك في السوق و تخطى اسواق المنتزه و ستشاهد محلات للعبايات في نهاية الشارع بجانب المطاعم ,, و ستصل ايضا لشارع مشتان مجددا و محلات العبايات الاخرى .
اتمنى اني اكون وفقت بالوصف و تراه سهل بس حبيت اوصف لك بالتفصيل الدقيق يعني لو تكتبه بورقة ماراح تضيع انشالله .
تحيتي

rashed2002
ههه شفيك شكيت في نفسك ههه

اخ فهد زياده على ما جاك من الشباب انا عندي بعد
خل العسكري على يمينك و روح سيده و طوف مونتانا لين يصير حلويات مروج المحرق على اليمين "في زاويه الاشاره" لف معاه يمين ...هذا سوق الرفاع و فيه عدة محلات. لو تمشي شوي في لفه على اليسار و في الزاويه محل نسيت اسمه .... الاهل يتعاملون معاه بعد.