أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
اسمي بالفيزا يختلف عن الي بالجواز بس في حرف محذوف بالفيزا وهو ثاني حرف من اسم الوالد
والفيزا عباره عن شنقن ...
وهل في مشكله بدخول الدوله ؟
أتصل بالسفارة وقول لهم المشكلة
ولو يتم كتابتها ملاحظة ويتم الختم علي الجواز
ولو ما صار توكل علي الله
ما في تدقيق غير بالأسم الاول
أهم شئ عندهم الجواز والفيزا الختم الرسمي عليها
وعليكم السلام ورحمة
اخوي هالموقف حصل معاي .. بجواز المدام
الغلط كان بحرف واحد من الاسم الاخير ..
لكن اصريت اني ارجع للمكتب
وطلبت تعديل .. مع انه موظفة المكتب قالت لي اهم شي رقم الجواز صحيح
لكن انا اصريت .. والسبب عندي وقت للتعديل ..
لكن اذا انت ماعندك وقت روح للسفارة
ووضح لهم انه في خطآ مطبعي بالشنغن ..
عشان تاخذ العلم الاكيد وتطمن قلبك
ومثل ما قلت لك ( يدققون على رقم الجواز )
على كلام الموظفة بمكتب القبس في الكويت
لا تشيل هم .. لان الغلط بحرف واحد وليس رقم الجواز
وعسى الله يكتب لك خير وتتهنىء بالسفرة
وانا بباريس حالياً .. اذا تبي اي خدمه حاضرين يا شغل مغل
الله يسلمك يا سالم وبيض الله وجهك والله المشكله لي اسبوع مطلعها ويوم السبت المسى
رحلتي مادريت عن هالشي غير امس وويني ووين السفاره
وكلمت المكتب قالي دام الاسم الاول واسم العائله تمام لاتشيل هم
وكلمت كم واحد يقولي مايدققون على الفيز السياحيه
ومع هذا كله برضوو خايف والله يجيب الي فيه الخير
كيف الاجواء هالايام ياسالم في باريس برد ولا دفى ؟
^
هلا بالحبيب .. لا تشيل هم وانا اخوك
اذا ماعندك وقت للتعديل .. لا تخاف ولا تاحتي لان اهم شي ( رقم الجواز صحيح )
الظاهر السفارة عندنا وعندكم ( داجيين ) مادري شفيهم على الاخطاء المطبعيه ;Pp
بخصوص الاجواء في باريس .. والله الاجواء دافيه وبالنسبه لنا ( اجواء حلوه )
بالنهار اصيف .. وبليل البس بلوفر
http://yowindow.com/online.php
وهذا الموقع بيفيدك في احوال الطقس للايام القادمه
( الله اعلم )
بالتوفيق اخوي شغل مغل
وعسى الله يهنيك .. وتوصل لباريس بسلامه وترجع ل اهلك سالم
واذا تبي اي شي .. لا تتردد .. ولا يردك الا كيبوردك
التدقيق ما راح يكون بالحروف اللي تغير الاسم بشكل كبير